¹ Netante de baite serare, we nimeipai karone dokeka meterena, eyei sese, kasi , kemeng, meterena mangko karore, nepere lati nau nipiye wareyaye. ² Ne meterena, Musa kna eine bute kroyaime, mangkoeine, nepere lati nau eine. ³ ne meterena walrisa. bemoite meterena awiyaiye. ⁴ Neperelati nemeterena waribu beime meterena aniyaiye. ⁵ Mang nemane lati ne nembei miyaiyena oru walri nate awiyaye, ne olru nepe Kristus nemane ye Mang netena waro tereng te brumusuku. Netenate bau derene souyowe. ⁶ Menaya, da nate dou netenate e meterena kna seraitena ne yansine diyaine. ⁷ ona olru tena kafipainya, detero moserei bei diyaiye, semone meraipukona mane, "Ne serau satena ane ongkniyaoye." ⁸ e kaimatena diripainya nei detero moserei dekaine meyowe netante detero tereng ya mbeimo soweyowe. ⁹ E lati Mang tena wapi-wapi tena wapipainya, detero mosereibei Mang te wapi-wapi eine wareye pekote mekaipeko. ¹⁰ We lati weyeka tena miroipainya ne lati detero mesereimbei yeweka te dekaimiyaye nete pekote mekaipeko. ¹¹ Da kalro Mang neye kiriyomu nene daite temare, nepere lati semone meraipeko e tena atiyeimena singkote nei yangsite yatemende. ¹² Ne natante detero eute terepere erembona nepere, serma eine werande, netantena atena dripai. ¹³ Betepere ambai, wapi-wapina wete peruntuku, nekewena pe yayena wapi-wapi deterote. nepere lati, Mang ne wena kena bise. wetena topainya wapi-wapi nesimbei te wapeneure. nemane lati newapi-wapina pere nembeina lati baitena nipite we ne sete twanepe. ¹⁴ netenate dokeka walri kna bise wei eute baite dowembe, ona-olrutena kepauna nerore. ¹⁵ de ate erare mendena detero tena mane, dena a senamarena te mendote dowembe. ¹⁶ Bukoune Mang ate senanere nenekewena Walri yau Walri kna sa walri eine. nepere lati ou aniyandena? ne nekewena walri yau Kristus kna eine. ¹⁷ Nesate o bei, netenate e tereng burune nei eu beimo: ne sate e meterena o warote nepere duambeko. ¹⁸ Tembe Israel detero, ne ambai? Walri kapi-kapi eina sa ne altarburana sa waro nembere aniyaye. ¹⁹ Netenate dena mendo beyamena? Beyamena sa da ona oru nate keraune beyamane karo? Mbai ona oruna nei apere? Mbai onaoruna aperenekewena? ²⁰ Ambai, de wete senawarena, kari sisi serai bra-bra nemei deraine: nei weke siyaiye nemeina aru peko karote, Mang aru tena ambai nepere; ati de baite serare we me sate beipaina. Nekarone we me sate Mang pere beipai. De baite serare we aru perena kena satena beipainya. ²¹ We Mang bu koute terena, we aniyainya. Nepere lati peko, buketeu anipainya, nemena tena we walri ye kna walri sna nepere lati alru peko-peko kna saa. ²² Nemetena e Mang kena yembe te eminare? Nemberena e wake dopre? Da Walri Mang te Kapemanre ²³ Meterena kalro sanupuko, nemane meterena ambai, "Meterena karo muku sanupuko." nemena betepere emipai. ²⁴ Detero mbei mena poite nenei duwende, nemanlati detero sitena poi. ²⁵ Anembe beyamena sa tena marisa netayena dou poi-poite itipainya eyei kna deko sate. ²⁶ Netenate nemane, dayobura neperena meterena yo burana Mang Walri nei burana. ²⁷ Detero terepere nikipainya, snaipone neperena kenare tiyekona ewena, bene keronaina saa te anewe, asimi-smi tena simipainya. Wei kna deko sate. ²⁸ Nemane detero wete ate sanenainre, "Da saa ona orunate kranambena," ne sa te anipaina, ate saupekona detero sate neperelati we kna dekote. ²⁹ Mendosanupukarena, wei kna deko motena ambai, ddetero sikena kna lati, beyamane sate derei a karo, detero si kena mendo tiyeikuko? ³⁰ Netenate dena warote nei terepere karone. Beyamane dete peko eine sangkaye, Mang kna terepere ne sanupukare. ³¹ Netenate, sate bai bbute anembe nepene besate mekombena, mekombe Mang kena dere eine. ³² Detero sikna mendotena naripainya, Yahudi detero nepere lati Yunani detero nemane lati walri yau tena. ³³ Nemane lati, de meterena karotena kena poite meterena detero mekamre. derei eute, kaso te duwere ambai netenate meterena deterotena. netenatene tromronaimpena.