¹ Mendote mekonu doute teu tuputena yapa matena,mai oko peko menapa da matena. ² Nederaite,tetero nenei wabeite kenate,doi kenate apeupeu wa kari,a mori mori Awa nawa tena dekoipei,kena bise tena derenipei,yereu poi ambai, ³ Yereu foi tena ambai,temetena ate deraine,a karite deraine,nenei watena apana disingkroipei,aru arema poi tena ate deraini, ⁴ Tetero naite mekai,seko seko,kena yare,neye kenate wapi wapi kenapa mang tena kena derenipei, ⁵ Nena wa werang tetero yereu poite mekanya tetero mane nederaite yeko poite apeupeu te ouramina tetero.ne tetero nena watona waripenya. ⁶ Nederaite,nena nerona tetero moserei yekai yekai yau neropa mai mire-mire seraite nenapa beni osete nena damba kembari peko te nete disua da sua nena aru peko nrone. ⁷ Mire mire ne mena sai seisi te arai,nederaite yeko poi pana bete eipei tepreinyate arombinate. ⁸ Nesereine Yanes wai pere Yambres wai pere Musa wai pere dere kani na mane nederaite ne tetero tepreinya yekotena ate deranina nena mendo peko dua premuteke nena kena mie deko kepe kepe nrone. ⁹ Neperenakaye,neyo baipanatena nekewa na ambai nena kepawe deranina kiapa dua tetero tereng damba ne dobi warina mane. (Paulus wei Timotius wei te ate titawunu) ¹⁰ Nederaite,we dena ayeko kiram nate tawekatu,yereu werana,dena yereu werana,yereu foi,kena temene,kena bisene,kena kaune, ¹¹ Nepere pekote mekekati tikam buka dedei wane Antiokhia ne,Ikonium ne,Listra ne deye ne peko brune tikambuka,nepere wariyei foi damba dekote. ¹² Menaya,tetero simi yereu foi te sawari yei kena yekone peko tikanembina wande, ¹³ Nemandraite tetero peko te mekanya apeupeu serai nena yereu arema ye peko ai neyo peko burure nekewa pekapa ai. ¹⁴ Nederaite wetena,noune ende ne ayeko netu dua da areyau tepreinyate wei kenane weye arambuku ne wetena simi kiriyomu, ¹⁵ Menaya we neku newaine a sena wari te dua arombuke ne wete mendo poite yeko poi damba nate yereu sawari yei kena burune. ¹⁶ Asena semo kepei muku ye aru mang kenarna nena yeko poi tetero te kiriminate tetero kena pekote kiapa,tetero kena yereu te foi damba,tetero te kirimi poi damba nate. ¹⁷ Nemena karore,tetero yei mang nenei nu mendote kembari yeko poi damba.