1
Neye dayo damba menena nena serai te dayo damba done menena,teprei nyate,wete sename mang kena bekoune di sawariyei tetero te mane erini warite katena pere dua souna pere:
2
Asena warite sanumu,wate noupa mekou depoi bei peko mena ya;ate sanumu,aye titawumu nete bekoupa sanumu kena koune a sani sani nerone.
3
Menaya ne sreipa donene menena tetero yei ayeko poi tena ate derenaine.nederaite bentekeipa orinate,aye wane kanya teterote kopiri nani nenei kenane kanya mane.
4
Neyo nena bente keite da tepreinya yekore birai de a aroi aroi maya mena a.
5
Wena kauna semate da keu,wapi wapi mo sereinya wakete tepeu,a wari tena kembari te mekou,kembari poi tena noune eu tupute mekoune.
6
Nederaite de peko kena burune meka tepu,dua tenaya nepe meke.
7
Dena keneng doprena dereng kane mekana yeko poi;keneng tupu nete mekombuka;yereu poi dedei kena mie dekone.
8
Nepereinya,dete tenaipa wapa kemete merenaipuna yeko nete noupa mekapiki neyapa menena,mang a pere tiyenya tepreinya,denapa inete,de beitena ambai,nederaite tetero meyenamane kenate deraine neye dayo damba menenate.
(Ayeko Paulus wei Timotius wei tena)
9
Nipi te wureu serai beite dekewa damu.
10
Demas wai dete dapene tutupuku,neye dayo damena nimi te tenu sate Tesalonika yopa ke kres kres wai Galatia yopa ke nepere Titus Dalmatia yopa ke.
11
Wande Lukas dembere nebeine,Markus wei te en doune wembere nebeine nederaite ne dedei waterna da mang kena yekote mekoinyate.
12
Deye tiyeu kereka Tikhikus wei te Efesus yopa sanumbuka ne eu.
13
Menaya weye dewa mendena,dena mayong Karpus ne sesuku troas yone semo kepei pere metena dena o ere semo pere nepa merana.
14
Aleksander wai,besi pere mekouna,dete peko doprete mekotuna.ne brutena mang ye baya perembine nena peko mekouna.
15
We netena semate kende ne ena ayeko kiram tenate a doprete dereu muna.
16
Mete dekatikai kan seikantera,tetero si newai dena suna tepeipei dete nepene tatipiki nederaite da yeko nena dambana nare nare mena tene kripipei.
17
Nemandraite,mang dembere nebeine wakete atoute nepere da ayeko di sangka mimeu dena karore,wande tetero serai sisi neyo beto nyate.nepere dete baya di tetero pere ananya marisa ke emburure.
18
Mang dete poi damba di peko kena dambere dete donete di yosena waridiapa poi damba nena damba foi nemena beite tenone mene desereine.
(Foi tuputena)
19
Denarna foi wekewa nate Priskila pere Akwila pere,we meyenamane Onesiforus kena mene kauna.
20
Erastus wei we Korintus yone da keu,wande Trofimus wei saye mekou sate Miletus yone neme da tetewpine keu.
21
Nipite wureu dapa damu,yaru oko bisew nipenyane.Ebulus wei,Pudes wai,Linus wei,Klaudia,meyenamane yauna kena besikate foi ate wena damba.
22
Mang wena mie dekona arute meka bipare,nena foi wedamtena nemena beite.