¹ Netenate,dedei yei sawariyei kena kena bise burune wakete tepeu. ² Beyasa bete denare bete yauna di tetero tereng kena bekoune ne yekote ne tetero ate seiyanina tetero kenapa,tetero sitena atena dua sanenena. ³ Sawari yei nena pra yarona te ate sawuna neye tikambukuna mana we nemane. ⁴ Mang nenei pra yarona wei yane yane mekeyena sasyaisi pana derenipeinya nepere byamane wena tenai wete bunapana done we. ⁵ Nemandraite di bola keneng pere deranina yei,byamane dere nene yutena tetene nederaite ne yeko kanya mane dere ne nate. ⁶ Mika kembari pere mekoune tetero nederaite yu metena neyu tua tikenembine wande. ⁷ Mendote yepou da ada senawena nederaite mang wenapa mendo poi te. ⁸ Sawari yei tena mendote,yu yemuku souna nerore,Daud wei kena kenere,nepere da a wari kurung sena menare, ⁹ Nepere nepereinya dete pekote da mekati tu eyupa kenenati nate pekote mekanya tetro tena mane,nederaite a sena a wari tinteipenya pe daye! ¹⁰ Netenate,deye noune tepa byamena yekone di mang nenei yekona tetero di poi damba menai di sawari yei kena buru ne poi nemena beite tenone mene. ¹¹ Da ayeko tepreinya:nederaite e kanipa nembere nebeina,nederaite e yereu te nembere nebeine. ¹² Nederaite eye kena koure,eye nembere nebeine nena yekone,e nete aroupenya mane,nepere neye ete ne meipeinya mane. ¹³ Nemandraite e kenare netena tawinipeinya,ne ena tepreinya,ne nenei watena apa na pei pei nyape neye.'' (Mang kena kembari tetero mang kena yekote poi ye) ¹⁴ Ate sanumu damena yeko te,ate titawumu mang kena bekoune a bei bei tena kungkri peinya,nepena nena yu mena keipei nederaite tetero betanya peko mane. ¹⁵ Kembari poi te mekou wena yereu te tepreinya mang kena bekoune nederaite kembari tetero mane paita buretena tikenipei,nepere nete tepreinya ayeko kurumu. ¹⁶ Netenate,wei wate baya di ape peu na kena nerore ne yeko wete done we a kepe kepe neropa eu. ¹⁷ Nena a seiyanina wena wa brupa sa namu mane,ne tetero kena nero na tena Himeneus wei Filetus wei pere, ¹⁸ Tepreinya kenare sua saripipei,ate damane mekoipipei kanire yemina yeko dua mekopuku tetero mosereinya kena yereu te pekote dua mekopipei. ¹⁹ Nemandraite,mang yeko ne damene tepeuna da yekone da mang dua nemeyumpuku sim biang nenei nu,''nepere sim mang kena wadote siwenena,arema dere ye ne nate apa kro pu mu.'' ²⁰ Di oru me poi,ne eyuna sasyesi bupoinya keipei,one mekainya sasyeisi kanine mekanyasa sasyeisi.moserei kembari poi pa na te,neperei moserei nare nare mena kembari pa na te. ²¹ Ne te nate,tetero simi nenei wate poi damba na te neye nederaite mena sa bu poi mane nenei yekopa,poi te ne nei fuamai na te,nepere ne nei wate kembari poi damba nate. ²² Baipa di wapi-wapina sekro berang nero re tepreinyate tawunu,wari,kena bise,kena teme nebeine neyo mang te na kari tesimainya kena mie dekore? ²³ Baipa a deramina mendo banya tetero kena nerore ne we arombuke ne yeko poi tena doipei mipei. ²⁴ Mang kena yeko te mekoinya a pera pera te na titipenya,nederaite kena temene tetero tereng damba,teterote kurumu,kena kou ne, ²⁵ Kena temene,yembe tetero pere a te sei nere nederaite mang nena damba kena poite nipi poi pa mendo poite tepreinya kenapa. ²⁶ Nederaite ne yo mendo poi te ne nei wate baya mase ke bu rure nete tunupuku ne yo ne na kembari wapi wapina kena brune deraine.