Pasal 12

1 Ya mehi mbai paskah ya bee re mo kolowainye, Yesus betania yore eke pele anuwau lazarus hereke ra, Yesus yea waleungeboke kiyea re yo. 2 Pele imeana, Yesus ei moloiboite ehamang bulau mokauboke; martambai ei hawewounge. Lazarus na ro hi Yesus neai hamang nanembainye niwaikoke anewate. 3 Pelera maria meke minyak narwastu fololo bele liter bohi mbai naroi puma na hele kaye rouke meke, Yesus noro rangne ri leungeboke mo, nauwma yea nororo hobewounge, nawaneng pele imea ei minyak narwastu fololo rorouke hebewoye. 4 Peleyeare, Yudas Iskariot, Yesus re moita ohowate holona kiyea yea waunge, 5 "Pele minyak fololo mo naite heibonde roi kabang riweye, pele roi kabang ro mbai na kaua ralo yakama mbai na roi bu hului roweube pele roi jea romiyea kounge kalone nekeijate yore nahului eumiwahende?" 6 Kounga kalona yore uw bene nekeumine Yudas wake a waneng eleukoke bang peleyeare niyea yokolo ne, Yesus re moita ohowate holo na yo, na roi kaya hebewoye ro Yudas niyea, roko mbemba namene yeainye roi je na uw mbai neai hambung de eitowoye. 7 Peleyeare, Yesus yea weumi, kaho haubihire eyeiboi, Allah merau raungehike reare molonaitele ya re pele me uw yea mokouke. 8 Ro miyae kounga kalona yo mambele mbainye mo nekemembe, peleyeare reyea mambele re mo na hibi-hibi enekei.

Imam Falem-Falem Lazarusre Honaibondere Merau Kolowanyele

9 Yahudi ro miyae heleng sele borokate Yesus pele imeane ekenekeye pele hee yea haleuboke eibate, pele yo eibate Yesus re beainyeke mo bang peleyeare nabe Lazarus herekera Yesus waleungeboke, pele ijoko ereiboite yeale eibate. 10 Pelene imam yun-yun bea lazarus re honaibonde merau kainyehike. 11 Haubihinebang Lazarus waleuboke earene, Yahudi ro miyae heleng pele yun-yun neaita moi buleai boke, Yesus re nahila rabo halewainyele ne.

Yesus Yerusalem Yore Rowa Kabam Mekai Aruleufike

12 Ya heuboke mo pele ya kabang neai hamang bulau ke konate ro miyae heleng hokou meke, yo borate Yesus yerusalem de be raungehike meye, 13 Pelena ko yeu insewate, ei te haweijanye a keanate, "Allah re puma koloman Tuhan Allah re ro einye meke kiyea, onomi foka yea ei enainyehawende Israel ro miyea neai Ondofolo onomi foka yea ei enainyehawende." 14 Yesus keledai kelu hubayeukoke randa yeufileukoke, Allah homo fea na molaikoke huluinye yeuboke. 15 " Buhea e hokoijea, sion yona romiyea, erenne, mai Ondofolo meye, keledai kelu randa hebeunguke meye 16 Pele hee Yesus na maito ohowate yo rake beibatere uw bene erowei koibate peleyeare Yesus herekera meke beneng pumane ike heera ba uw bene nekaimihike nahele pele romiyea ei molainyelere nemene foemene Allah re homo feane neare molaikoke honate.

Romiyae Helem Yesusre A Elewate

17 Lazarus ruka buleita Yesus kaneungekoke meukukera namekai herekera waleubokere neneai ijoko yea erewate yo heleng pele a feau yea eleiko ramumbo re kate. 18 Pele eare ne, romiyea heleng Yesus re ei hawewainye haubihi bang ne pele anggeai neneai boraiboke, Yesus neneai jea rake mie uw eme hele yakalauboke. 19 Pele earene farisi romiyea ehiyea ehire neaite meaite elate, "Eyea haubihi haubihire ei mokoiboi hului ja." Rake kani kelana romiyea nemmene nare hakanyekoke. 20 Ya kabang makaibokere, Yunani ro miyae ehi neaijale meibate pele Yerusalem Allah neai yo imea ralo imea hokoumeke. 21 Filipus Galilea kanina, Betsaida yona ro, pele yo mekate wainye, "Aka beake meyea kena heahea kanda Yesus re hubai makonde re." 22 Filipus eke pelea Adreas re yakalaungeboke; pelera hokolo be aloinyekoke ekete Yesus re rake a iteayeinyoboke. 23 Yesus yea weumi, "Na yaikai hu ikai mana nameke, akore kelu hilire hebenaitele hee nahului neuyeuboke. 24 Reyea na nahele yea wamale, gandum koo kani einye ei molosai nawaneng ehereinya, koo mbai mo nekende; peleyeare herendera beneng ketende koo heleng hele engmokonde. 25 RFomiyea hinye nawali nebang de kena koye kiyea, nawali hole emoloiboi hului peleueare ro miyae hinye, nawali foi kena bang koijeye, pele nawali holere moloungeboke nawaneng Wali hena bona endowende. 26 Ro miyea reai kalia mokonde kiyea, niyea reare hakondebonde na waneng reyea mbene eremokonde; niyea reai uw nobene mokale namekai, romiyea hinye reare ei hawen dele, meako pele kiyeare ro ron nele." 27 "Rake hee reai kena uw, eita, isasa alo alo re kale, reyea maka a yea ukende?' Ateai rake hee riyawale mei hole moloitebo? Haubininebang, pele ehe pukulu kearebonde re, pelere reyea mekale. 28 Ateai wa ro hili hensende mokoibo ba." Weai kena koyea hului reare mokoukele pelera, surga ra a beufoke weunge, "Reai uw hili renea alou bokale nawaneng reneai heberemile ra." 29 Pelena romiyea heleng hebewate, rake a boraibokemo, peleyea ehi yo yea elate kuu yea neke peleyeare ehi elate, "Kuu bang, pele malaikat yea meke a weunge." 30 Yesus yea weumi, "Pele a borouboke reai foite neai bam pele mai foite. 31 Rake kani kelana einya nanemene mana huluite kolonemikondere ya na hului mei yeuboke, namekai walobo yun hukennehindere ya nahului meuyeuboke. 32 Bele yaere, rake kani kelara bumare menaitiyende hee yae, romiyae nanemene rare hila rabo haleinaitele yo Reyae yoboremibonde." 33 Yesus rake a mekai weuboumi, Naei herende maei a yae weuboumi. 34 Pele romiyea heleng bea neare wainye, "Musa taurat homo einye huaimele borondeboke, pele Wali Ondofolo mende kiyea; Wali huba bang heai bang nekende, 'Meahea wanang ne weyea eleyea?' Allah re pukora meke ro miyea uw re yeuboke pele pumane anainenainyele. pele kiyea hinye?" 35 Yesus yea a yakalaumi, rake hehe mambele mbainye nekembe nawaneng pele hehe na nekeyene meyea pele hehe nibira alonnele nawaneng ougem bea mare eifelei boi. Haubihine bang romiyea nanibi ougem bea neung, niyea itiyang embelere hereungeboke eye. 36 Pele hehe meyea roukaubena, meyea pele hehe re marabo halemembe nawaneng meyea hehe einye kelu omire ro ronayembo rake a waumikokera, Yesus neai uw nunne keleauke euyaneukoke 37 Yesus roko hele hambung emere-emere, rake yo neai ijoko bene mokowoye horo, peleyeare rake yo Yesus re hila rabo ehalei nekate, 38 Pelemekai jea re Allah re ayende kayalo yesaya yea rake a malaukoke na hului te yeuboke, "Tuhan meai a iteayeammile hinye yea meare nahele re elenggonde, hila rabo halenate? Namekai weyea honyere me nekea, pele yakalara niyea wengmile?" 39 Nabere yesaya yea a haufike, pele yo nahele re eleikoi romiyea, 40 "Wali nou enai henggonde re ne, nawaneng reyea onomi ere yemilene rake romiyea ijpkp yea eroboi hului neaite, nawaneng na kena uw benera ei iteaiboi neai, Allah yea ijoko kumba re kumba nem mi bonde, nawaneng na kena elea re moko nemmibonde." 41 Yesaya rake a moloukoke pele nanemene na yea erekeunge, Yesus na neme weawea eke honongunge, pelene niyea a yakalare koloukoke. 42 Pele a moloukoke re, be yun nekate yo heleng hila rabo Yesus re halewainye peleyeare, niyea farisi roniyea re erewaimine fee yea koibate na eare pele neai imea obe kabang da enai hukenaimihinde yeale ne. 43 Pele holona yo Allah yea neare keamile neaite kena bang ro miyae yea neare keanaimilere kena hele kaikoke 44 Romiyea heleng hokoumeke re Yesus kaneumi, hila rabo reare haleaukele pele neai hele reare ukeume mekale kiyeare mai hila rabo nahela halemenbe. 45 Nawaneng, romiyea hinye rake roukeboke, pele niyea, reare ukeuke mekale kiyea re ro roungeboke. 46 Reyea Wali hele yea rake kani kelare roukale romiyea hinye hila rabo helendele, niyea ougem einye Wali einekei ja. 47 Ro miyae reare boronatele yore, nawaneng hakoite ehakoiboi, pele reyea neare huluite eikoloi, na eare reyea mekale pele huluite kolorembere bani, peleyeare mare holere molore bombere. 48 Hinye Wali uw teai elale ehakoiboi kondele, rake Wali a uw teai jea wahena ya huba mokoikoinye pele romiyea re neyea hului rannehinde. 49 Rake a wamale pele reai kenara wamale bang, peleyeare meako neai ukeuke ijene peleyea reyea wamale huwamale. 50 Reyea reateai, reke neai ako feauko, pele Wali hena meai a pelene makayea reyea wamalere, pele meako neai a re ukeuke ijene wamale."