(Ro Yeale Miyea Yeale Na Uw Iteai) ¹ Me yea Allah kena buhea uw buheare kelu omi wanem mbea relenele Allah re u mekaijea eai uw ne hame manele. ² Kena buhae hesei einyemo nekemale Kristus Yesus kena buhae hoke wanem nau ohaline nauw foi bea aei arene nalekokhe, neai robe royote foro yale kembo yale,wanem ende. ³ me yea Allah eleuboke wekeumi holona ro miyea belena mai u nolo u kai kanye ro miyea rake u makai omokoijae hele u nebam wanebam nene u nene hambung arilei-arileite,kena hae-hae koi-koi okoiyeijea. ⁴ Mai u nolo u kai-kainye ro u miye u na a halei salei a nebam faeu nebam eleyeijea, a bangga pelewanem ro miyerefe mokoi-mokoi eleiyeijea helem foi mo elayende. ⁵ Rake a wamele hila rabo halembe maei, u nebam wa nebam ko jate yo, wali niki yale nekaimile yo, hambune arilei-arilete kena haehae koi jate yo,pele u makai jeale yo wali hena Allah nakelu Yesus enye wali ehubaikoi hangga. ⁶ Ro miyea a bangga-bangga yae karbai jea mare wabenayensimbe meyae oboroi jea hele haugi nebam pele i u mekai mokoijate yo Allah ne bam mokom mibonde. ⁷ Pele yo yale mayea kahili wafeu okoijea. ⁸ Na hele me yae na bere ougom nolona yo nekewauge. Rakhe hee meyae Tuhan de me kelee u keleene aru lau bokene, meyae hehe nolona yo yea nekauge pele arene nekate wanem bea hehe nolona kelu omi. ⁹ Haugi hine bam wali hehe enye nekate wanem umekai wa mekai foi jea nekate, wali himalonaimikomde a nahele lenate. ¹⁰ Tuhan kenare koye wali wanem baemale itaimale. ¹¹ Allahre onainye ro miyea na kena koye u mekai omokoijea, naei foi sele meyae yakalamibonde. ¹² Haugi hine bam naei a leyere ehakoiboi yo yea anuwau nunne mokonate me u fe bam walibam. ¹³ Hehe mekhene nemenne yakalamo yaibokhe hambung hehene nemene yakalaboke. ¹⁴ Are weumi here kaka nolonemo honauge, anggnube. ¹⁵ Pelene, mai wali nekembe kayaa foi jea hebembe, ro miyea kobu wanem nekembe. ¹⁶ Rake wali yea mande himi nolone nekande, pelene wawali hareungebonde wa u mekai foi jea mokonembonde. ¹⁷ Pelene meyae keu-keu kenare okoi jea,Allah kena re koye wanem itaeyembombe. ¹⁸ Meyae keu-keubu okoi jea, haugihinebam pele keubu mare himi mokonembombe, pelene may u Allahrena Roh yae wamansinde. Naei me kelene u keleene nekembe. ¹⁹ Mare nare homofea Mazmurna yale Allahre ei molonnele koi bea mehi-mehi bele kombe. Maei kena ueita koi bea mekay Allahre ei molonnembe. ²⁰ Mehamakai mai waline engsubayembena Tuhan wali Ondofolore ro yea, ako Allahre helem foi wennembe. ²¹ Yesus wali Ondofolore ei molonnele arena. ²² Miyea Tuhan me kelee u kelenee nekauge wanembai wa molo ware neai mekelee u kelenee nekeye, ne mekai Tuhan de u eungemokonde. ²³ Haugi hinebam Yesusu wali Ondofolo jemaatre hole molombondere nau yea kinyeuw bokhe Pelewanemne mai molo wa niyea maibe yum be yebaere nekate. ²⁴ Pele wanem Kristus kanannele pele u wanem miyea na ro molore rennele kanennele. ²⁵ Meyea romolore wayembe rayembe yo, wa miyea ware buhea kabam heungele Yesus are heumi wanem nau yea ohaline habeai kokhe. ²⁶ Nau yolo-yolo rendeng yeugoke mekhe walibu yea koungebolehe, ²⁷ Pelene nearo miyeare you boumi boke habene haumiboke, nikibam kanau bam, neai makaijea neai ro miyea onomi nekenayende. ²⁸ Pelerowa u re heana wanem waei naite wa miye buhea heungele. ²⁹ Ro niyea bae ehi yea na ure ikele oko yei, pele yeare ha hebeam sebeam holeunge, kayaa hebengunge pele u mekai wanemmbai wali ondofolo yea jemaatre holeumi, kayaa hebeumi. ³⁰ Haugi hinebam e yea jemaatnaa ro miyea neai ure yande boke. ³¹ Allahre homofeane molaikoke, pele meakainye ro mbai miyea rowondena neai ako nake nukemmi bonde na miyea yale mbainye inye bonde pele mekai jeare hokolbe mbaite eneijembonde. ³² Pele ro meai miyea meai mokate u mekai a nunne honoijeate, pele wanem mbai wali ondofolo jemaatre neai miyea mbea rejeunge. ³³ meheamakai horo maite naite wa miyea buhea heungele wanem, miyea neai mekai ware buhea henete.