(Kristus re Uwne Mbaite Mai Yeiboke) ¹ pelene reyea mare iteayamale. Reyea Tuhan de arene,meka kawa einye hebale, mai wali foi te yobombokombe waneng, meyea pele uw pele mekai jea wali harembombe. ² Mai uw mekai wa mekai. Mai kena ane hannehimbe nime haba kena kea, mai wali nemmenne rikei rikemembe, hakoi hokomembe. ³ Elea healere bemembe neai ro mbai einye wali onomi meai romo awemembe. ⁴ Na Umbai na ro mbai jea. Mare yobombokonbe ne mai hila mai rabo, mbaite mo mai walire halemembe. ⁵ Tuhan nembai, beyung nembai iy role bu role nembai. ⁶ Allah nembai Eyea nemene ne eai akho Allah nembai puma ne nekeijeye. ⁷ Nahinggi-hinggi, eate neaite meli foi mekai foi yeibuome hayewoume nanemene mokoite, Kristus re kena buhea einye mokomande. ⁸ Na yo folo homo feane hamainyekoke, kung kanei wau kanei moi bulewounge nanemene ikelewoumi yawewoumi eibuate neai ro miyeare meuw foi mekai foi yeibuomi hayewomi. ⁹ Puma yeukete mekai, pele waneng a bo wa bore neyea eu akouboke. ¹⁰ Akoiboite akouboke, neyea pumare hele yeuelefike nanemene moi hayewounge pelera neyea-nyea nanemene nou hemmele. ¹¹ Neneai jea yeiboumi hayewoumi, yobu yoholore nabunyo ayore. ¹² Neai uw mokoite mokonayende, Kristus re erenanye kanenanye. ¹³ Eyea nanemene eai hila rabo pomo aumabonde eai itaei haba Allah neai kelure eyea foi itaemale romanebonde Kristus einye eyea henamabonde. ¹⁴ Eyea fafare wabaimi meuw waneng pelera buhemale kelaite kobure meai wabaimilera eyea emafeambonde. ¹⁵ Wali ahele uwhele ijene eyea elea heale bobo ikelemabonde buhe heisei meaite wali haremande eyea nanemene Kristus neai oro me kelere mo ¹⁶ Neai einye, holo balafoi uwngale pomo mbaite aumabonde meli mekai foi meai eate neaite mokomale pele einye ema faumale me uw foi einye ainyui amanunde. ¹⁷ Pelene reai a mare warare palame Allahre eroiboi wali pele uw mekai waneng enekeijea na uw bene wabene, wali foite enekeisiy koijate. ¹⁸ Na yune heainye ougembe nekeumi Allah neai pukora ahau buhau koijate nekeijate nakena ei buli hengseng meaite mo koijate beaijate. ¹⁹ Ougem kiy kaa nekeumi, onei kobu re kate Allah re uw puko uw nobere mei bang nawali ahau buhau hele nekeijate. ²⁰ Peleyea re meyea pele wanengbang meyea foi itaeyeauboke yesus re foi raungoboke. ²¹ Meyea poraungeboke neai iteai habare roukaube neai einye hakaungeboke Yesus re ahele ijene. ²² Bena wali niyea bang wela womombe meli meka nebang kanenhimbe pele einye wali kaakere emabende. ²³ Neai ro yea mai yu heai uwbene foi meai yarombe. ²⁴ Wali ro miye neme uwre yembombe, neai me re neke waneng mai wali nahelere erenanyembe. ²⁵ Pelene, ame karebai wali embe womombe, mai are feau ke ahele feauhelere elembe huwembe, na eare eyea nau mbai ja. ²⁶ Ikelene eukonde wali nebamde ei kabei jea na memang bea hu akonde welayea foi eumokoibonde. ²⁷ pulo walobo re nibi obi eipei jea. ²⁸ Kena nee-nee me nee-nee, yoko wali uwmayonde eley wakeyea relemande, roibu emme balemmele eai ro mbai miyea mbaite, kalore moloumi, eyea ema rikemamile ema imamile. ²⁹ Wa feau weuwgara, a niki, wali nebang meai a eibaleijea a foi feu foi jea elewende rowende poroi aleijo poronayete elenayete, na kena uw onomi foi hubanainyele. ³⁰ Roh Allah neai be halo, na kena kaya hole molougole peleyea hele, eai walire neyea nou hengmekonde. ³¹ Nele feare wali, uw nebang, ikele ahoi feauhoi, a nene weawea eyea uwmayonde. ³² Kena nime haba yea, maite neaite buhea hemembe me kena uw kena bang, wali harire pomembe, maite neaite havea haveare komembe, Allah Kristus re einye mawalire hole molombokembe waneng.