(Yahudi Bam Romiyeare Paulus Ei Hawewomi) ¹ Reyae Paulus khawa bhulune hilaithekhokhe, Injil Yesus Kristus arenhe mare huwamale Allah ro eroibhoi ro miyea. ² Nahele meiyea bhoraugohauge, phakhe me u foi mokhale Allah rena a foi feau foi onomi honomi ieale a meai u re. ³ Allah meraukhe raungihikhe numne honayekhe hambhum rare yakalaukhobhokhe, pele homo pere moloukokale ne nare itaiembhokhamale. ⁴ Rakhe homo makhaijea endombhe wanemna emitaeiembombhe. Numna honatere Allah rera yakhalaumibhoke nahinggim iteaiimabhonde. ⁵ Na bere neke wate ro miyeere Allah numne honayeke a faeure rokombai ewei mo beleyeare bake here Allahre Roh yae Allah nenaei eleukoke mekewemmi abu akore bele naei yenjo kayaayo belere baele a faeu yaklaumiboke. ⁶ Numne herawaiboke honaimeke a baekenieyea ondofolore a foi fau foi walora Allah naei kelu omire yeumikonde hambum-bum yahudi ro miye inyemile mbai yahudi bam ro miyere inyemile. Bele yoho yea jemaat mbaite yeuboke pele yoho yea a hameungokoke hului wali ondofolo naei a eleyere hila rabo halenainyele na wali hena bona yaronaikonde. ⁷ Allah aere bam bae rare buhae haeyeuke wanemya Allah rena elae raei ai u einye neu foi mokowoye phele wanem yaere naei a foi faeu foi hukemiyende heneyea Yesus naei ne u foi mokoye rore yeubokale. ⁸ Allah eleuboke wekheumi holona ro miyae u nolo u kaikai reyae na ro bam helekiyayare Allah kena buhae aere bam mae heukokoke Allah ukeuke yahudi bam ro miyeare wali ondofolore me u einye hambum emakai jaele honate naei are hukemiyendere. ⁹ Bele mekai Allah kani me kela mere mokougoke kiyae ralo yakama yae merau raungehike yahudi ro miyae yaele Yahudi bam ro miye yale holo mbainye mokomibonde. Bele are Allah numne heraweuboke honoumeke. Rare eleubokhoike numne honoumeke a feuke ro miyae nanemenere eitaitnaibondere. ¹⁰ Allah merau raungehike walobo bum-bum yaele Malaikat yoni-yoni yaele holona balana Allahre iteai haba na bune-bune jemaat walora itaeiyemibonde. ¹¹ Phele hambum na bere hele Allah meraukhe raungehike hului aei Tuhan Yesus wali ondofolore walora huba bam haei bam mokonende. ¹² Rakhe hee eyea Yesusre me keleukene nekandene naei makai Yesus neai eleyere hila rabo halennele walora eyae nahinggim yea nasom rabuleemabonde yea Allahre ebeli bomansinde na wanem rabo elae halennele neyae aei are borommele. ¹³ Belene rie mare riyamale makena waugau okoijea rawuna mekarelanale maei foite. ¹⁴ Bele aere ne ako Allahre ro be ro einye orohele meukrokoke. ¹⁵ Sorga na bum-bum yeale rakhe kani kelana ro miyae yale naei aerene ro yeale raymiboke. ¹⁶ Riye a rianale Allah mare elaewake, hilarabo makena u enye Roh Kudus anem bombe. ¹⁷ phele rabo halei randa Kristus makena u einye anem bombe, kambu yale nyale yale yembombe neai kena buhe heisei einye. ¹⁸ Allahre a riyea nale meya nembembane ro miye bum-bum Allahre hilarabore halate ro miye yale itayembombe Allah na kena buhe heisyei buhiwahi. ¹⁹ Na wanem iteyembombe Allah na kena buhe heisyei hubabam heibam, Allahre a riya nale meya nai kuy-kuy meme enye nekemembe. ²⁰ Allah niye helem bolom yejeume hayejeume ainya aritiy jale huluy erasiy hangga ay jokore erende wanem. ²¹ Na ro buma yam buma jemaat enye Yesus Kristus enye ay orona mena nekenayende nay makaiba kolonainyende. Amin.