(Rowa Neai Uw Mokoijeale Uw Iteai) ¹ Khelu omi mai ako nake nai elete a, meyea hubara haita yanemmile pele wali Tuhan nai kena koye, nape mekai nai a nahele. ² A teaite anare fe feamile rake a nahele, rake homo fea roibu yaele hopemmikonde rake niyea: Mai ako nakere hubara haita yanembe. ³ Pelena meyea onomi honomi wali hiki rake kani klane foi moi nekembe nape mekai wali hiki ennekembe. ⁴ Ako nai memene ai kelu omi re kena nebam nekenate u umekai omokoi jea hole molommile, nape mekai ai Tuhan de utai watei a kelemale. ⁵ Rone miyeane kaliare mokoujaimi holona, rake wali mekaijae nekenate: Mai rowa neai a elatere hubara-heita yanemmile nare fe feammile kena u yolo-yolo ya hakommile, ai u mekai haremambonde ai wali ondofolore a feauke hakauge mokauge wanem mekai mokomile. Roware Yebeai Pupaei Jale Nekenate Wali Mekai. ⁶ Neya be ranemsimbe he mo maikaliare mokombere ma u kanembe neaite u mekai ja ehareiboi mekaijae. Wali ondofolore yebai pupei wanem. Allah kenare koye wanem, meyae kena rei mai jae mokomiyende. ⁷ Pele kalia nafoi jae mokombe, ro miyea yea aei Tuhande ei hawainye wanem mokombe, ro miyea ehire, mokommile wanem. ⁸ Hauginebam meyea matei hinye meanim yebai pubai holona, bele yebai bubai holona-holona me u foie mokonde arene Tuhan nai roibu hobemmikonde. ⁹ nape mekai roware holona yo mai hambum de mokayeme holona ro miyeare kena nahele ya mokammile a kulu-kulu okoijae, bene nekenayembe meyea roware holona balana nape mekai kaliare mokayembe holona balana mai falem mbai surgana ekeneeye kiyae neyea be ijokone erejea. (Walobo Yale Fela Rorate Neai) ¹⁰ Wali Tuhande einye nekauge nemene neai elae wake orowei. ¹¹ Walobo falem kena koimiyeye mare nebam mokomembere, nei kenare koye wanem mokonde yalene. Pele walobo falem ahum raisienge naitai Allah rena hambum nemene rowembe. ¹² Meka nebam rake hena mere mokate walobo balana bele isande hibo-hibo ikatene, ro miyea neyeabam pele walobo yoni-yoni anggeng nekey naite-naite inyekate, neyea rake kani klana Allahre onaynyene ougom haugom nekate ro miyae walora neai eleyea mokate, nape mekai surgana yoni-yoni nolone na hibi-hibi himi mokonatere relejainyele. ¹³ Pelene walobo mare himi mokonombombe merau kolounge hene, meyea elekeijae hebembe naite, Allahrena erahang walobore hum rasiyewnge hambum mokombe. Mokombena walobo alombo halumbo konggonde bensonde meyea neleya mo nekembe. ¹⁴ Walire u yuluyea ekileibhonde, ehale phehaleyea weai u malore yembonde. ¹⁵ Waei ororeh khenabuhea heiseijae hireikonde aloinyokonde Yesusre a foi feau foi huwengmiyende. ¹⁶ Mehemekai horo weai rhabo haleijae mokowende, makhanebam pelerabho halejae plo walobo nemene khobommikonde. ¹⁷ Allah rena wali u maloyae, Allah rena raimiyeli yae yaroikonde, pelebha Allahre ako feauko niea. ¹⁸ Nanemene weai ebheli kaline weai a ritiynye riyeungele.waei a aritiy nayenebhaei riyeinyele nawanem waei khayayale hebhewende pele ebheli einye, neai mekhai ro miyea eleugokhe yore. ¹⁹ Naei mekhai raei u re, benem a erelendena, rare a foi faeu foijae yendele, bele elaeyae na a faeu foi nunne honate kaye erehuwemmile. ²⁰ Bele a huwamale aerene reyae kawa einye meka hebale. Raere ebeli molondele, Allahre ako faeuko ro miyare huweremiyende. Aruneiboi a faeu ²¹ Tikhikus, hila rabo Tuhanre mbainye helende ro, a mare ungembe, ra u mehae mekai namekai makayae reyae mokale. ²² Nehale reyae mai bokore ukanale eke, mekarebam, meyae itayembombe mehae mekai meyae nekande, namekai mare onomi inyembe nekembe. ²³ Onomi Yesus rena, aka-baeke nemene Ako Allah namekai Tuhan Yesus Kritus rena. ²⁴ Aka-baeke naei, onomi hele Tuhanre einye ma u nekembe, Yesus Kristusre kena buhae-hesei ma ura nebam eyeiboi.