¹ Italia kanire emale a hokaikoke heene, meye kayi kabam mbai yaiboye belera hawandeboke, kawa einya bewate yo, bele felayo Agustan naei falem naro Yulius. ² Adramitium na waka kabam Asia kaninayo honojate yoram yoranda yamayende. Makedonia kanina yo Tesalonikana ro mbai naro Aristarkhus baraumeboke nambele eibande. ³ Ya hawebokemo Sidon yone mendenoke. Yulius Paulusre foisele mokoungeke, kaew ikeunge Paulus nakahiliwa bokore eke kalore hambure wemmile inyainyelere. ⁴ Sidon yora hawandeboke nandihike Siprus yokoba olandeboke alurande roranneke eiwande. ⁵ Kilikia yaele Pamfilia yo moi bulenndeboke ekande yo Mira Lida kanina belena andenoke. ⁶ Fela falem mbai eke kayi mbai Alexandriara meke Italia re endere ne, maere bele waka ne ukeume hawandeboke. ⁷ Yaijaisele yandeke relanneke Knidus yone andenoke. Alu kabam rauboyene meyae kabewannele, wekande yokoba Kretara yebei Salmonere ya ranenhike eibande. ⁸ Relei releisele relewannele yebei moiwokanele ekande bu foi afoi Lasea yo keleunga belene andenoke. ⁹ Ya helemsele moi haiwande (Yahudi mon bukere hera uboyate yaa) moi wokande. Ya helensele moihaiwande buwei nolone aluyaa meungehe relewannele Yahudi moni buki u herawoiboyale yaa eweufike moi wokande, Paulus a utaei ukeimi. ¹⁰ Aka baeke, rake nibi mande reyae namene himi emayembonde waka einya hambum hauwate, baeke waka eyae mande nanemene emanunelende. ¹¹ Bele yaere kayi rorelere na imoli mokoteane fela falem boroumiboke, Paulus rena ukeimi arebe ehakoiboi. ¹² Ahi yaa meungeke himi mandilim hubawainyele namekai waka nonayonde anuwau kabewanyelene, einya romiye kena koiwate nenaisinde Feniksne fonainyonde kayire yate anuwau ehi ebun reufire beufoke ehi robonreufire bufoke yayae. Alu yaa kabam sele Buwei Nolone Raweuboke ¹³ Alu ebun reufira rawouboke koi koi wanemkoiwoyene ubene nekewoumi nahinggi hubawainyele, waka hunde hayeikokeremo yobaekoke Kreta yokoba habalane barainyeboke eiwate. ¹⁴ Hekibammo alu yoyo wanem euroklidon be wainyele yokobara meukuke raweuboke. ¹⁵ Ube reufira alu yoyo meke nekeunge maeye kabawannele, hele rokannekoke beumeboke yandeke. ¹⁶ Kauda yokoba kending honoye na habala reufira olendebokemo ebimfem alu habauboke waka kending alannehake. ^{17 18} Kayii einya mokate yo elae hale yeiboke kayina waliha einye yobaiboke einye aibokate haye ikilainyekoke bobo yeuboke. Buhae hokowoumi Sirtisne menaihabalende yaelene kayina hambun helensele rubewainye, rokainyekoke aluye beumiboke yandeke. Ya haebokemo, maei waka alu-yaa yae habewoye, hambum-hambum haubande bune hayewande, kaeubammile. ¹⁹ Ya namennemo nenaije kayi einya hambun hambum bune haiwate. ²⁰ Hu ijoko ralo ijoko ereiboi yandeke alu kabam narau raumo rawewokene. Walire kena u yeiboke. ²¹ Nembainye eiwandeyo hainyelebam eiwandene, Paulus eke na u nolone hebeungukemo weiboumi. "Aka naei baekenaei raeinya weubamale a boraukoboke Kreta yokoba yande baeke wanem eyae ehubaikoi. ²² Reyea mare riyamale makena elaeye nekembe eyae mande mbai sambai aei nolone endeiboi bake kayi mbaijae nebam yembonde. ²³ Mana reniai Allah reyae rabore halerale na malaikat mbai meke rabene meuhebeunguke. ²⁴ Weuke,Paulus buhe ehokoije Kaisar bene eufebeungunde Allah kenabuhe wambele maube romiye nemene kenabuhe hembe.' ²⁵ Belene aka naei baekenaei reai Allah rabo halele kiyerene a eleukokale rikamale benate yakahanate. ²⁶ Eyea bemnobon de emale yokoba mbainye emmahabalande." ²⁷ Ya me bee orone keli yaele (14) bele reniyai buweinye namam habalawande, kayi einya mokate yo hubainyele yaba nobennekoke. ²⁸ Bele aerene rukane ha molaisike nawauwau hubanyehike rorele u mbai meter hului. Baeke mekate ebifere mekate mo, benem umali hubainyehike rorele mbai orone mehemba yaele (15) meter hubayaeikoke. ²⁹ Bele yo buhe hokoumiboke kayi ruka ranne kolommikonde yaelene, imoli bohira kayi hunde kolaimi keli hayeikoke amori boiwate yaa hasale hembonde. ³⁰ Kayi einya mokate yo na maleube hakanaikonde u mekai harenyeboke, kayi kendim bure rubanyeboke oke kayi hunde kolaimi umekaije kareb ungayonde u mekai ye harenyeboke. Kayi hunde raisiyeunge ungayonde umekaije karebai karebai mokanyehake namaleu maleube hakanaikondere. ³¹ Paulus iteyeubokene felayore iteyeumiboke weumi, "Kayi einya mokate yo baeke kayi nukenaibondena aeye wali enekei. ³² Felayo bele mekai erekatene ekate kayi kending na ha folaiboke beuboke yaweke. ³³ Ya eyoloiboi mo, Paulus ukeimi ehamande anenatere manaya ya me bee orone kali yaele u eyoseiboi monibuki heraweimeyande. ³⁴ Bele mekainye mare riyamale hamam anemakonde aei u foite. Maunga mai falennambai sambai ekalaiboi. ³⁵ Paulus baeke aremo ukeumi few rouke ako Allahre helemfoire ukeunge kayewoye yeiwoumi anewate. ³⁶ Nakena u elae ukeumi naeite naeite hamam anewate. ³⁷ Romiyae bu kayine hawandeboke eiwande nemene 276.Hamam anaikoke wande hele yaeiboke. ³⁸ Nemene hamam anaikoke mo kayi fomambonderene gandum yoni yoni bune rubowaimile. (Kayi Yaba Randanne Koloumikoke) ³⁹ Yaa heiwoye hee kayi einya yauwate yo kani maeka mbai erekate, kou mbai na yaba yaele erekate menate kayi benne menainyonde. ⁴⁰ Belene kayi hunde mo wa bo ne ru waimiboke imoli mokoi hare mo folaikoke, ebeubena raukemo roraikoke alu rawembonde bemmibonde menate. ⁴¹ Bele yaere bu kayi haleuboke meke yabarandanne meukoloukoke ebeube reufi meukoloukoke morilaiboke. ⁴² Felayo merau rainyehike kayaere hebewaimile yore honai kondere hakanaikonde yaele. ⁴³ Fela falem kena koiwoye Paulusre hole molonembondere bele merau kolowainye he ukeumi bure hikate naiteijo honsosi bere hikonaimende yabare menate. ⁴⁴ Ehi yo kayi na erubohi-bohi koluwate hikaimeke. Bele mekai mokandebokere nemene foijae yabane maende hebeuboke.