Paulus Ondofolo Agripare Bene ¹ Beleramo Agripa Paulus re weunge. "Ware wemayeufinde wa u aere a nehale hele eleukonde." Paulus nameremo bumare raneukike weumi. ² Yahudi romiyae rare me nokatele reyae kenafoi hubanale Ondofolo Agripa, raei u aere waei bene reyae elerelere mana ya. ³ Reyea raitei nekale weyea maei Yahudi romiyae nekande umekai waitaeimo. Belene reyea riyawale wakena heraweubonde elerele a boroukonde. ⁴ Yahudi romiyae nahokolo nekewale he raei wali nine itayeiboke, maei yoho-yonggo nolone namekai Yerusalemne nekewande. ⁵ Rare ro raitebokene nenaijae elaikoube reyea nabemere maei yoho Farisi elakeisele bele holona erewaimele. Ra wali bele mekai nekawale. ⁶ Mana ya reyae rakene mekahebale aere Allah aei yobenaeite heteungokoke a hilarabo halelenne mambelmekankolannele. ⁷ Allah heteungekoke aei yobenaei me bee orone bae yaele rabore halewate ereiko rakeiko reniai rai Allah eleukoke a rakeimeyainyele. Bele hila rabo halelene Yahudi romiye me nokainyele. Mana waeibene mekahebale Ondofolo Agripa. ⁸ Makane maeye emehaye hubaungele, heraiboke yo Allah nahinggi walemmibonde? ⁹ Benne raeye mehinim kolowanale Yesus Nazaretna ro re hakainyekoke yore na nibi a foloremikonde. ¹⁰ Yerusalemne bele umekaije harewanale mokowale. Reyea romiye kawa einye hilewamelemobam, honaibondere eleikoyate reyea be insineiboyale maele. ¹¹ Naei riyare einyekate imaene reyae ale ikileijale ehe bukulu yeijamele siwe eitasi kamaele Yesusre moi buleneinyebonde a eiwamele. Raei ikele isam bele yore hokobondere eweleke hele. (Paulus Yesusre Hubayeikoke Ahuba) ¹² Homo ratai imam falem falem maeita ikatele Damsyik yore eiwande Yesus hakanyekoke yoye ikilerebe Yerusalem yore menate. ¹³ Rayolo hu yurannnemo Ondofolo Agripa nibine eiwande, yakura hee mbai naeukoke hu hehe moi hayeukoke nibi mbainye eiwande romiye neumekoke. ¹⁴ Maeye nanemene ane balekande kaniranne honowande, reyae borowale a mbai rare weuke, "Ibrani afeuwe, Saulus, 'Saulus makane iweitasi rare kare. Rare waeinya koukendena, bele me u moko yae wa ure wenaije hubaungehinde.' ¹⁵ Beufokale bene hinanale, 'Tuhan weyea hinye?' Tuhanbea weunge, 'Reyea Yesus weyea iwetasire karekiye. ¹⁶ Mana weyea ainyu afe hebeiko.Bere hareungebokale rau yakalaubokawale erekare iteyeubonde.Weyea raei abu akore yeubondere,ereukoke kiyemo bam,helem sele hambum ehi waere kelereufonde. ¹⁷ Waei aka nolo baeke nolone,Yahudi ro miye bam nolone,ware hole molorete.Reyea ware barareubonde. ¹⁸ Na ijoko kelenaikonde erenate ,oubonda benaibonde hehere menate,buloo walobo falem me eita Allahre me einye nekenate.Rare hilarabo halenatelena ,na bulo fela Allah hobemikonde yolo yolo inyaibonde benaibonde naei romiyere menajembonde." (Paulus Na Kalia Mokowoye Ahuba) ¹⁹ Ondofolo Agripa Allah rare keleukeboke erekale hambun reyae enundeikoi, ninae mokoimeyale male, mekale bakehe. ²⁰ Damsyikna yore nabeme hele kelewamaele, belera Yerusalemna, Yudea kani honoye. Yahudi bam ro miyere kelewamaele huwamaele na u nei huwemmibonde benaibonde Allah bokore menate. ²¹ Bele aerene Yahudi romiye Allahre imae kabam einye kelukatele rare honatebondere relewainyele. ²² Mekale baeke he Allah na rikei hakoi mokoimeyeuke reye hubayeukokalene mana ya mekale wabene habeungukale bele a yae mare yakalamale, anggengnekeijaele yore yobu yoholonde nabemere Musarera mekae Allahre yenjo kayaayo maeinya molaikoke. ²³ Naei a molaikoke Wali Ondofolo yennerelenggonde belera nabere hele walembonde oubenna nekate yore hehe nemmikonde mekaije wali nibi Yahudire romiyebam yore. (Paulus Agripa Re A Weyounge) ²⁴ Paulus naman naei u aerene elewoyemo, Festus a elaekei sele horouboke weunge, "Paulus weyea keubae yeuboke! iteike-iteike wa u keubaele yeubokae koyae." ²⁵ Beleyaere Paulus yae weunge, "Ondofolo Festus, ware ro rawale reyae keu okoi, rake a nehale ye elale. ²⁶ Ondofolo Agripa baeke a weyae waiteinye belene reyae fe efaei meka eleyalae, reyae raitei waboke beiwate hambumbaere a yakalale elale. Mbai sambai nunne ehonoi. ²⁷ Ondofolo Agripa, Allah na yenjo kayaayo elate a nehale eleyae? Reyea iteijeubokale weyea Allahre rabo halaene. ²⁸ Belera Agripa yae Paulusre weunge, nahekibam sele, "Weyae mokoukoboke Yesusre moita hakorembondere." ²⁹ Paulus beufoke weunge, "Reyae Allahre ebeli banale, nahekibammo, wembai mobam, rake romiyae nanemene are mekai borate yo raeinya mekai inyaibonde beleyaere baeke rantai mena ikilauko koke." ³⁰ Belera Ondofolo Agripa, Gubernur Festus, Bernike nawanem romiyae helem mekate arileufike namene ainyuke. ³¹ Ainyukate riyare nekewate imaere moite aibaeleke eiwate, naeite-naeite nineije elate, "Rake ro mehila-hila kongonde maei, hoiboite honaibonde maei kawane ensebende maei name u emokoiboisele. ³² Ondofolo Agripa, Gubernur Festusre beufoke weunge, "Rake ro neisele hayenneko eube, neyae Kaisar bokone nenainjae kolonainyekonde."