(Paulus Nei Huweungeboke Nibi) ¹ Ataei naei akabaeke naei rare ebifem borondobo. ² Borowainye naei afeubae elewoyene helebam nanemene yaeiboke Paulus ye weumi, ³ "Reyea Yahudi romiye Tarsus Kilikia kaninane honggatele, rake yone kabam yeubokale aei yobe Gamalielre kelene itaei haba meme koungekoke namoimoi sele aei mam Torat na molaikoke kelewouke mana ya na mokouboke wanem reyea Allahre kenane relewanele. ⁴ Reyea Yesusre nibine hakaimikoke yore uwe eitasi koiwamele hoiwale herewate, rone miyaene ikilewale kawa imae einye hilewamele. ⁵ Reyea wamele Yahudi yoyo yanjo na beyu beyebae hinemihimbe nahele a ungayembe. Namera homo rare ikatele akabaeke Damsyik yona Yesusre hakanyekoke ikilerele Yerusalemde yobore menate. ⁶ Nibi nolone Damsyik yore nobenekoke, raiyolo hu yuranne yakura hehe narokombai oke raure eiwale ijenne neukekoke. ⁷ Reyea oleubokale rukale be are eungekale, borale a mbai weuke, Saulus, Saulus makane weyea rare nebam mokare. ⁸ Reyea hinanale, 'Tuhan?', weyea hinye. Beufoke wo koukoke. Reyea Yesus, Nazaretna ro iwe eitasi koimeyarae.' ⁹ Rambele nembainye eiwande yo bele hehe erewate a weiwouke nobe onewate. ¹⁰ Belera benem reyea hinanale; Tuhan reyea neisele makaye mokorebonde? Tuhan beufoke wo koukoke, Ainyu, Damsyik yore eye,belenemo waei mokoye maei rombaije ware ungete. ¹¹ He he kabam neukekoke ijoko erei yeubokale maei eiwande yo yaeyawatehoke Damsyik yore ekande." ¹² Damsyik yona rombai naro Ananias, Yahudina Musarena Toratne moloukoke are hubara haeita mokojeye. ¹³ Raei bokore meke weuke. "Aka baeke Saulus, waijoko keleiko erei! Bele he ra benem ijoko erewale. ¹⁴ Ananias benem weuke aei tobenaei kamahe naeite Allah wali mokoye nibi a mokoungehake, na wanem wali naije nekeye kiyaere ereungebonde. Naei euwara elende euboronde. ¹⁵ Weyae ijokore erewoye anggeije borowoye eye romiye helemde keleumiyende. ¹⁶ Baeke he ainye heki ewabeije,weumile waubu konayeubonde. Yesus riyeungele hakonoubonde wa bulofela kunyeukonde." ¹⁷ Yerusalemde beufokale mekale Allah na yoime ralounemene ebeline boiwanaleyae, Allahre Roh ye meke heraweukeboke erewale rare weuke. ¹⁸ Hasale yae Yerusalem yo nukeibo. Baeke yo weyae weumilerebe ware eboroiboi konate.' ¹⁹ reyae wanale: 'Tuhan bele yo nemene rare naiteimo, ware hakayeukokate yore ikilewale. Wa yoime raloimae eita yobale moite meibalate haube noiwate. ²⁰ Nabe wanem mbai Stefanus waei akofeukore elewoye ro reyue be insineubokamaele haibokate. Bele mekai rore haiboke yo imaei malo reyea kayaa hebewale.' ²¹ Bele mekainye Reyea ware wawale eyeimo eye. Kani ahau buhau Yahudi romiye bam yore eye."' ²² Romiye helem borowainyele Paulus elewoke. Borainyoke nahuba mokoungekoke Yahudi romiye bam nolore ende eleukokene, kela ara nene felaisake kanewate elate, "Hombombere ya.Rake kani ne enekeije hele!" ²³ Aku naw keteuboke hoiwate,malo yarowate bumare keiwaimi,kani mau roroukoke hebewoye. ²⁴ Belera felafalem erewoyene ukeumi obe kabemde yae yawainyehoke ekate. Belene mate haube buhe hokoibo-hokoibo wanem Paulus a yakala elenggonde neyae makaye mokowoke akunau keteuboke. ²⁵ Paulus haye iki lainyekoke haubere habenare re nau kelaeun fela falem hebewoyere huneunge hike. Aei Roma maei manne honoye haube honaikondera belera nehale maei karebai maei a kolonainyele. ²⁶ fela falem baeke a wanem boroubokene, eke naro ehi kiyere iteyeungeboke mehe mekaije mokomambonde. Rake Roma romiye ya." ²⁷ Baeke felafalem eke Paulusre hineunge, nehale weyea Romana ro? Paulus beufoke weunge, "Nahele reyae romana ro." ²⁸ Benen bele felafalem weunge,reyea Roma ro miye re itebondere roije ekamotowale. Paulus ye benen beufoke weunge. Reyea na hononatelera Roma romiyere yeubokale. ²⁹ Paulus are hinen ainyekondere nahibi nukainyeboke. Felafalem buhe hokoungeboke boroke. Paulus Romana ro. Neyea ukeumi haa ikilainyekoke buhe hele hokoungeboke. (Paulus Yahudi Maei Yoyo Koteyo Bene) ³⁰ Ya heubokemo fela falem foisele itayembondere Paulusre hayeungekoke imam falem-falem baele Yahudi maei yoyo yanjo yaele keneumikoke mekate arilefike. Belera ukeumi Paulus yawanyehoke ro riya nekate bene meke hebeunguke.