(Paulus Efesus Kanina) ¹ Apolos Korintus kanine nekewoye heyea, Paulus bele kani kela ohokoke yanekoke meke Efesus yone belena ro mbemba hubayekoke Yesusre hakainye kokeyo. ² Paulus yea weumi, Yesusre be insnangoboke nahele yea lauhoke? Beleyo yea wanyele, ehubayekoi nawanem meyea, "Eanggeai eboroiboi Roh Kudus nekeye Alayea." ³ Beleneyae Paulus yae hineweume, "Meka yae bu koloyenggokembe? Beleyo yae wanyele Yohanis royae. ⁴ Paulus yae weumi, Yohanis buyae kolowoumi romiyae na nebam mokayekera nahele yae elenaikondemo belera romiyae wemmile, Ro mbai naisele raei mende, hila rabo Naeremo halennele naro Yesus." ⁵ Bele wanem borokatene bae belehera, Tuhan Yesus royae bu kolowaimile. ⁶ Paulus me na felem ranne koloumikera bae Roh Kudus naurande oke bele romiyae afaeu mehi-mehi elewate nawanem Allah elewoye a wanem elewate. ⁷ Bele romiyae nanemene me bee orone bee yaele ro kelu fa mo. ⁸ Beleramo Paulus yo imae ralo imae ete eke be buleuboke ketewoumi, oko name nekeukoke, bele romiyae Allahre mekele ukelene nekenate. ⁹ Beleyaere romiyae ehiyo bele nolora nakena eruwei ahiyae elewate elate bele nibi nebam-nebam ya, romiyae bene elewate, bele aerene Paulus nukeumiboke, Yesusre hilarabo halaeinyele yo yaele mekate itaei habare yarate imae Tiranus re. ¹⁰ Belene kelewoumi ralo yakama bee nekeukoke, Asiana romiyae Tuhanre ako faeuko borowate Yahudi romiyae yaele Yunani romiyae yaale. (Skewa Re Fa-Fa) ¹¹ Paulusre u eite Allah name u mehi-mehi hele mokowoye. ¹² Nawanem Paulus roibure hobewoye malo ratai rokate ehana bulona yo onomi yarowate, bulo walobo na ura balayeke. ¹³ Bele yaere bulo walobore hukaimile Yahudi romiyae yoran-yoranda ohojate Yesusre Royae bulo walobo hukenaimihindere bele romiyae maei ura waimmile, "Paulus huweumi Yesus, bele royae mare hukemayensimbere!" ¹⁴ Skewa imam falemre hebewoye na fa-fa mehini bee neyae mokowate. ¹⁵ Beleyaeae bake walobo weume, "Yesus reyae rataei nawanem Paulus ro ranale beleyaere meyae hinye naei bam? ¹⁶ Na u buluna walobo yaele kiyae honoungehike bele fa-fa ure hebaelekeumi hereware hakaikokate bele imaera maibaleke na melambae, kabui yaele hebalayeke. ¹⁷ Yahudi romiyae yaele Yunani romiyae yeale Efesus yone nekewateyo beleha yeuboke borowate buhae hokowoumi koibate belene Tuhan Yesusre buma kolowainyele. ¹⁸ Yesusre hilarabo halewanyele yo mekate nawanem nebam mokoweke mekate name u mokowate yae yakalawaimile. ¹⁹ Bulo mokayeke yo helem sele na bulo homofae yaraikoke mekate romiyae bene ine hanaikoke. Roi me baekoke nakabam, 50.000 keping perak. ²⁰ Beleneyae Tuhan re ako faeko hureweke yoram-yoramda. (Paulus Merau Kolounge Endere) ²¹ Bele aku yeubokera Paulus merau kolounge endere Yerusalem kanire Makedonia ra Akhaya ra na a weumi, "reye erele belenemo, Romana yo yaele eremibonde. ²² Beleramo ro bee ukeumile Makedonia kanine emmi huwende Tuhanre ako faeuko bele ro bee Timotiusre Erastusre, Paulus wa ya maehea-maehea Asia kanine nekenggonde (Demetrius Yea Mokougoke Efesus Kani Ne Aku Yeuboke) ²³ Bele he, aku kabam sele yeuboke Tuhanre wali nibi kenane. ²⁴ Bele yona ro mbai naro Demetrius, ha moi-moi perakre mokoweke, walobo miyaena Artemisre imae fele-felene bele perak mokowoye bele hamoi-moi mokowate romiyae roi ninggi helemsele yarowate. ²⁵ Demetrius na ha moi-moite mokowateyo ahina-ahina kaya ohowoye mekate arileu fike mo weumi, "Akanaei-baekenaei, meyae mataei sele rake memoi-moi mokandera eyae roi-ninggi helem sele yarande. ²⁶ Mana Paulus yae meke eleye menaeijae boraube, Efesus rake a hureukoke eke Asia kani kabamna Paulus yae romiyae mokoumi bele einya ayeuboke aei hamoi-moi mokandere, weumi aei allah niyaebam. ²⁷ Aei hamoi-moi mokandere naro nebam yembonde, belemo bam aei walobo Artemis naro mebaei bam yembonde, Asia kani namekai rake kani kela nemene naro bumana heleyaere, robam yembonde." ²⁸ Belewam borokatebae nakena ei naunge hanaibokate kelayae kanewate, "Maei walobo Artemis Efesus kanine naro kabamsele!" ²⁹ Bele kanine aku kabamsele yeuboke, nemene baere kate imae beremo mekate, Gayusre Aristarkhus re, Makedonia ro bee yawaimiboke mekate, Paulus naei kahili nembainye ohayeke. ³⁰ Paulus kena hele bele romiyae nolore endere, beleyaere naere hakanyekoke yo bele anuwauke eijae weubainyele. ³¹ Asia kanina ro kabam-kabam nekawate Paulus naei kahilire awaikoke yo, ukainyele u eyakalaijaemo nekende. ³² Belena hebateyo bulaeiboke alaeiboke, ehiyo mekate kelaeyae kaenate, ehiyo elate mekare rakere mekande eyae itiyam baembae rake aku yeuboke, meka bam. ³³ Rombai naro Aleksander elaeiboke bere eke Yahudi romiyae yae beleyae Aleksander mekau-kaubae koumikoke are engondere beleyaere elate Aleksanderyae mokouboke akure yeuboke. ³⁴ Beleyaere wekate erainyele Aleksander Yahudi romiyae, kala kanaewate hu ijoko bee hangga nakelae kabam hele kaenate, "Artemis Efesus maei walobo kabam bae hebeye!" ³⁵ Bele yona yoyo kote nekate na falem kaye anguke aku are habaumiboke mo, a weumi, "Efesus kanina romiyae, hinye nataei bam, Efesus yo mbainye walobo Artemisre imae kayare hebeye kiyae yaku-bumara oke? ³⁶ Reyae ukamale karebaite elekoi hangga belene wamale kokoyembo ma u osaeambombe. ³⁷ Makanebam rake ro bee meyae yawaumiboke mekate, neyae mai walobo imae na hambum yoko eibaeikoi, nawanem mai walobore fe emokoiboi. ³⁸ Beleneyae wa, Demetrius namoto ohateyo, yaele aku yeuboke a elenaikonde na yawaimiboke naei yoyo kote bereyae menate mehinim ranainyehinde. ³⁹ Mai kenana mehi mekaina hambum haraungebokena, mai yoyo kote bene a kolomanggonde. ⁴⁰ Makanebam, eyae welangga yae wekannele, maka ayae elemakondere rake aku keteubokere." ⁴¹ Bele a elekokera bele romiyae nanemene here ukeumi eubate.