(Paulus Korintus Yone) ¹ Beramo Paulus Atena yora Korintus yore eke. ² Paulus Yahudi Romiyea hubaye koke naro Akwila, Pontus Romiyea Akwila namiyeare manefafem namekete Italia. Makane Kladius yea ukeumi Yahudi Romiyea nanemene Roma kanira enaibalende. Paulus rake royeale miyea yeale nabokere meke. ³ Na kaliya nahanggabai, Paulus nambele nembainye newate na kaliya fale hesei. ⁴ Paulus na yane-baei, sabat ya yeibiyoye, yo imae ralo imaene eyesiyeye, Yahudi romiyae yaele Yunani yaele, moi hurewoungi. ⁵ Beleramo Silas Timotiusre Makedonia yora mekete, Paulus na u be rabuleuboke Tuhanre ako faeukone huweumi na u reweungehike yaele koye Yahudi ro miyaere huweumi, Yesus nahele Kristus. ⁶ Beleyaere a nebam-nebam Paulusre weibanyele belene namalona mam-bahe heraeyeuboke weumi, "Mai oki mai falem ranna, reyae ra u nasom, yolo-yolo!" Manayara reyae erele yomoi yammonya yo bokore erelere belene eremihuwende." ⁷ Betamo, bele yo anuwau nukeuboke alongekoke eiboye ro mbaite naei imeare, bele ro naro Titius Yustus, Yahudi romiyae bam Allahre hila rabo ehalei nekeweke, na imae sinagoge kelaeunga hebeye. ⁸ Krispus, sinagoge falem Tuhanre nahele yae eleukoke, nai imae obe eniya yo yaele, nawanem Paulus kelewoumi ako-faeuko anggaei boraiboke yo Korintus romiyae, nahele yae elewate, bu kolowoumi. ⁹ Reniai mbai joko ranai yeboke bea Tuhan Paulusre ane weunge femako efeajea nehebi-hebi huweimile koko ebeijea. ¹⁰ Reyea weare kaya hebawale ehiyea weare ekusekoi sangga habuhi nebam bele yona reaitomiye helemsele. ¹¹ Pelewanemne Paulus ralo yakama mbai bohi yeale neke koke Tuhan Allah re ako feauk belene kelewoumi. (Paulus yawanyehoke Golio Bere) ¹² Golio Akhaya kani maei Gubernur yeuboke he Yahudi romiyae mbainye arilaisikate Paulusre kilaiboke are kolainyele anuwauke ekate. ¹³ Ekate waimile, "Rake ro yae keleumi Allahremo ei molonainyele, aei hena Taurat na molokoke eyesi, kikine-boikoke." ¹⁴ Beleyaere Paulus are elenggodere bae, Galio yae Yahudi romiyaere weumi, "Rake ro nebam mokoubouke nawanem habuhi mbai asasi koukokena reyae mare hakorombombe. ¹⁵ Beleyaere rake mekaube ro kenane, afaeu kenane, mai walire Taurat here folokoke kenane, bele wanemna menaeijae kolonneko. Reyae bele a wanem ekoloikoi sangga." ¹⁶ Galio bele Romiyeare hukeumihike aibaleke bele imeara. ¹⁷ Belene bea Sostenes beambea yoimea raloimea falem ikilaiboke are kolainyele jene kaugea heabeaikoke beleyea Galio ereijoko. (Paulus Antiokhia Yore Pefoke) ¹⁸ Paulus ya mehea-mehea hangga nekeukokemo belena aka-baeka Tuhanre hila-rabo halaeinyele yore arimayeumiboke, bu wakara hawaiboke Siria yore ekate, Priskila Akwilare hakonyoboke. Kengkreane Paulus na unga nanyehake, a holoyae Tuhanre kongekokene. ¹⁹ Ekate Efesus yonemo Paulus, Akwilare Priskilare nabene nukeumiboke, nembaijae sinagogere ewefike Yahudi romiyae yaele ubenera-ubenera a elewate. ²⁰ Ane elewate belene elewate mo Paulusre riyaeinyele bele yone heki holo nekengonde, beleyaere Paulus ahiyae elewoye. ²¹ Beleneyae waemihike enderemo, weumi, "Allah waendehindene Reyea rakere benem merele." Beleramo Efesus yora bu wakara eiboye. ²² Kaisarea yone akougoke mo belena jemaatre A meleayeumiboke belera Antiokhia yore eke. ²³ Bele yone nahekiba nekekokemo kulum uke Galatia yeale Firigia kanino Ro miyea hilarabo Yesusre halewanyeleyo kena elea yeumiyeke. (Apolos Efesus Yeale Korintus Yeale Bele Yone Nekewoye) ²⁴ Naheki bammo rombai naro Apolos Aleksandria romiyae Efesus yore meke. Bele ro alei-eleite itayeubo ke, Allahre homo fae itayeukoke emekai sele. ²⁵ Bele ro Tuhanre nibi a kelaeinyekoke nakena rowongehike na afeu kelewoumi Yesusre a najene-jene huweubomi, beleyaere Yohanes bu koubumi aremo itayeuboke. ²⁶ Apolos ahuba raweuboke na hubara buhae ehokoiboi sinagoge ne huweumi, beleyaere Prikilare Akwilare borokeinyele ra, yoboinye boke kelaeukeyae ekatemo kelaeinyele Allah na nibi nahele bake mekai. ²⁷ Belehe Apolos Akhaya kanire fondere Efesus yona romiyae Yesusre hakainyekoke yore homo mbai moloukoke weumi reyae erele na foijae yawendehombe, belehera eke belena romiyae helem kelewoumi itaiwate Tuhanre hila rabo halewanyele. ²⁸ Makanebam, Yahudi romiyae maei a nabene elewatene horowoumi homo fae einya afeu yae kelewoumi nahele Yesus Kristus yae wanyele.