(Paulus Silasre Tesalonika kanina) ¹ Yahimo Paulus Silasre Amfipolis moiwokete Apoloniara, Tesalonikayona mekete bele yona Yahudi meai yoimea Raloimea hebewoye. ² Paulus ewefike Romiyea nolone Sabat ya name belena yo yeale nanembainye homofea yolo-yoloyea roibate, ³ belene yo Paulus na hibi-hibi yae yakalawoumi, homofaena weumi Allah merau rangihike Kristus mende nebam monainyebonde herendera walembonde na afeau waumi Yesus ahubare huwamele kiyea, naro Kristus. ⁴ Belena Yahudi ro miyae nahele yae elewate Paulus Silasre hakaimikoke Yunani ro miyae Tuhanre na femako yae faeinate, namekai rore raimileyo maengge fafa hakowaimile. ⁵ Beleyaere Yahudi ro miyae kena henseng koubate, belena ro miyae nebam ohowatere a moi-moi huwai mikoke, arilaimihike namekai aku yeuboke houbate. Yason imaere ekate, Paulus Silasre baeikote. ⁶ Beleyaere Pulus Silasre ehubayeikoi, Yason yae kelukate, naei aka baeke hila rabore halaete yo yawai miboke beyu beyeba bere mekate waimile, "Rake ro miyae niyae rake kani kela, nibi a nebam re mokate, namekai rakere mekate. ⁷ Yason rake yo mokatere naei imaene yaweumiboke nekate. Romana Kaisar here foloukokere asasi kaikoke, ro miyaere kelaimile, aei Ondofolo ehi meke, naro Yesus." ⁸ Bele Romiyea helem na yoye kote yeale Nakena eta Kiyea beibanye. ⁹ Bele Ondofolo kotere yason yea Roi Ninggi ikeumimo bele Romiyea hayeaimiboke. (Paulus Silasre Brea Kanire) ¹⁰ Paulus Silasre nembainye ohowate ro miyae ukaimile reniyaimo Berea yore enetere, bele yone hokolo bee Yahudi maei yo i ae ralo imaere ekete. ¹¹ Yahudi ro miyae belena nakena u foisele, Tesalonika na ro miyae yaele nahanggambaibam, makanebam Tuhanre ako faeuko borate rei maisele hubawinyele nawanem nayane baei homofae roikiyate, einya molokokere itanyaeiibondere kena kabam hele koubate. ¹² Belene mekai mokowatene, helem hele nahele elewate nawanema, Yunani rore raimile yo, rone miyaene nehalere elewate yo barawate. ¹³ Beleyeare Yahudi Romiyea Tesalonikana nekateyo iteayeai bokelate Allahna Ako feauko Paulusyea Bereane eke huweumi, beleneyea bele Romiyea bereayore mekate Akonauke ketem bondere Romiyea nolone. ¹⁴ Beleyea Bereana Romiyea Yesusre enyeakabeake re yeaiboke Paulusre wanyele Hasaleyea buhaite eye beleyea Silas Timotiusre nabelene nekewote. ¹⁵ Romiyea Paulusre hakainyekeyo yawainyehoke atenare ekate Paulus yea weumi Silas Timotiusre wemile haseleyea menete rabokore. Are ukemiyo beaiboke eibate. (Paulus Atena Kanine) ¹⁶ Paulus hokolo beere Atena kanine rakewoumi, nakenara hubaunge na ijoko erewoye beleyo hoime baheyae mae-mae kokoke belene nakena nebam hubawounge. ¹⁷ Bele arene Paulus yo imea-ralo imaene Yahudi yo yaele, yo ehina arilewoye hila rabo nembainye halewate yo yaele na yane baei Allahre ako-faeuko nate-nate eleiko-huweuko kayeke. ¹⁸ Belena ubenere waimiyekeyo Epikuros riyana Stoa riyana yo yaele ahuba nembainye huwayeke. Bele yo yae wainyele, "Makayae bele karebaito elenggonde?" Ehiyoyae wanyele, "Na u erannele yohi maei walobo yae meke keleume," nawanem na afaeu eleye Yesus waleubokeyae keleume. ¹⁹ Belene Paulus yawainyehoke Areopagus bokore mekatemo weunge, "Nahinggina waeinya ahuba eme wanem borande, maere itayeimobona? ²⁰ Makanebam, weyae meka huwaeme ahuba maei anggaeinye eme wanem borande." ²¹ (Belehe Atena ro miyae yaele ahauka mekate hambum-hambum emokoi henyuyate, ahuba eme wanem naei kena bele anggaete boronatere.) ²² Bele wanemne Paulus Areopagus na unolora angukemo weumi, "Meyae Atena romiyae, meyae homofaere huba mam hele mokaube. ²³ Bele yaere reyae yohi-yohira eujanekokale nawanem ijoko aralebae rake ha hoime bahe hebate hili akauke yaeungele na homo molaukoke 'MEYAE ALLAHRE ITIMBAE ELAUBE'. Bele, mekainye meyae ro eroiboi kiyae bele kiyae-yae mare huwamale. ²⁴ Allah yae rake kani-kela einya bum-bum nanemene mokoukoke, nembai sele Tuhan yaku-kanikela, bele kelene nekande, meyae mai hoime bahe einyebam, mai meyae mokauboke kaye, ²⁵ Naei mekaimbai naere mokainyele, romiyae nameyae emokokoi kiyae maka kou-kalo molounge yae are hakonainyobondere? Neyae kou-kalo bam kiyae Neyae Wali henare rake no aumiboke namekai Naei einye nanemene honate. ²⁶ Nawanem romiyae mbaita mokouboke, rake kani kelan einye nekenate ralome yakamane nawanem nekate anuwau wahekoke nawali bele einye mokonate anenate, ²⁷ bele eita Tuhan Allahre baenainyele hubainyekonde nambelemo Allah Naei walira ahaubam nekejeye. ²⁸ Naei einye eyae kusaende no hayende nanemene Naei enyemo. Rake Naeinya a benare kolayeke yo nahele eyae nemene naei orona menayo. ²⁹ Bele wanem ne eyae Allahre orona menayo naei sele eyae ubene ehayei naei sele rake wali emas-perak wanem, ruka, bele u mekai wamekai mokoumeboke eyae romiyae maei meli mekai ubene wabene wanembae mokoumeboke. ³⁰ Beleneyae. nabere kobuyae koubande, mana bae Allah meke yakalaumiboke belena nekeijaubeyo ma nebam mokowaubera osaembombe hennumbe. ³¹ Bele neyae yambai mokongehake Neyae rouke kanikela riyau menebonde yane bele rombai eleuboke, Neyea romiyae nahele yae elewate romiyae heraiboke nolora angunuke waleuboke." ³² Yesus herekera waleuboke bele anggaei borowate ra bae, bele nolona romiyae ehiyae yekele harayeuwaine, beleyae romiyae ehiyoyae wainyele, "Meyae benem bele anggaei boromamna bele a faeu huweukoke. ³³ Bele wanem Paulus na unolo u kaikata aloungekoke. ³⁴ Bele yaere romiyae ehi hakainyekoke namota, romiyae ehiyo na kena ura naheleyea elewate, bele romiyae nolona ehi naro Dionisius, Areopagus holona yo ehiba maenggefa naro Damaris, na romiyae ehi yaele bele nolone nembainye ohowate.