(Timotius Paulus Silas Hakoumiboke) ¹ Paulus derbe yoramo Listrayoreke. Belena Rombai Tuhan re hakainyekoke naro Timotius, nenake Yahudi meangge Tuhanre hakainyekoke, beleyea neako Yunaninaro. ² Listra yeale ikonium yeale beleyona Romiyea elewate Timotius ro umakai foi. ³ Paulus kena koiboye Timotius Neare hakonnebondere, beleneyea Paulus narou huba neungahake habuhinebam beleyona Yahudi romiyea neatea Timotius neako Yunaniro. ⁴ Paulus Timotius belena yo bumbum ohowote romiyere are kolaikoke Tuhan na abu akoyea peyu peyeba Yerusalem. ⁵ Belea iteayewamile bele jemaat bum-bum nahila rabo bougaimile nayane romiyea helem sele emerei-emerewoye. (Allah Paulus Re Kanengekoke Makedonia) ⁶ Beleramo ekate Frigia ayeuboke Galatiane Roh Kudus yae na nibi aheumikoke, Asia kanine Naei ako feuko ehuweijae. ⁷ Belera mekate Misia kanine, Bitinia yore enaitere mekai harewanyale, bele yeare Tuhan na Roh ahewoumi. ⁸ Bele mekaine, Misia kanira nokainyele Troas yore okate. ⁹ Habuhi mbai kalaumiboke Paulusre kelengeboke reniaijea, rombai Makedoniana afeayea hebenguke, "Arimayeunge weunge Makedonia weyea mei, meare meimirikeibo." ¹⁰ Paulus belewanem yakalangeboke, beleneyea meyea elea halea beandeke Makedonia re emalere, belera iteayendoboke, bea nahel Allah eare kaneumekoke neai ako feauko romiyeare huungami yendere roremiyeare. (Lidia Itea Yeai Bokate) ¹¹ Belera wakara hawandeboke Troas yora nandehike Samotrake yore eubande, ya heuboke mo Neapolis yore ekande Neapolis, ¹² yo ramo Filipi yore ekande, Makedonia kani Roma maei kelene nekewate. Beleyone ya mehae-mehae hangga nekandekoke. ¹³ Beleramo Sabatya meyae andebaleke yomau kabamra alanekoke wi enene, maei u bene nekeume, bele anuwau ebelire bainyele anuwau ha. Bele anuwaunge nuwandekoke, maengge fafa arilewoye riya yaele a nembainye elewande. ¹⁴ Meau unolona menggefambai naro Lidia Tiatira yona malo tateai ungure naite heiboye kiyea Allahre. hakongeboke Tuhan nakena mau wakeunge Paulusre borowounge na afeu lewoye re. ¹⁵ Lidia neai, imea obena romiyea bu kolaimikoke waeumi reyea Yesusre nanahele rabahea leanalena mai are lauge wanemna membe reai imeare belene enekembe, meare wealiwanem beugoumi. (Paulus Silasre Kawa Enya) ¹⁶ Tuhanre ebeli boi-boi anuwauke ibandebe, maegge mbai jae hubayaendekoke, bele maengge yebaei-bubaeite nekeweke aloyea angeboke hambum-hambum benayane nataei ro miyae maei wali mehinim kolommile bele umekaita na u mae-mae koikiyounge. ¹⁷ Bele maengge Paulus naeite hakoumiboke kelayae kaneye, "Rake ro miyae Allah nabumana ekainekate na buyo-ayo, wali anemo mare huweijayembe!'' ¹⁸ Bele maengge ya mehae-mehae hangga koumeke, Paulus nakena herauke am, bele maengge na una walobore weunge, "Tuhan Yesusre ro yae ware wawale, eituwe bele maengge na u bulura!" Nabe walobo nahibi ekuke. ¹⁹ Beleyaere na rowa erekeunge eleye roite yarande nibi hileukoke, belene Paulus Silasre kilaikokate yawaimiboke beyu-beyeba bera ekate. ²⁰ Paulus Silasre yawaimiboke na yoyo kote benemo waimile, "Rake ro bee Yahudi ro miyea aei yo yamne mokoiboke aku keteuboke. ²¹ Neyae mekate Tauratne molaikoke hambum asasi kaikokate aei henane eyesi kiyae namekai bele naere hakomibondere eyae Roma ro miyea." ²² Belenebae ro miyae helem anyukate Paulus Silasre kilaikoke na yoyo koteyaele namalo kayaei mikoke waimile mamena oyea naune habenggo. ²³ Paulus Silasre haubae habaeikokera yawaimiboke kawane hilaimikoke, kawa imaene hebeye kayere wanyele kaya foijaa hebeimile. ²⁴ Kawa imaena kiyae Paulus Silasre yaweumiboke eite bohi reyae hileumiko eneibalende yaelene hokolobe noro o bulune hiraimiboke. ²⁵ Reniyai nolo hele Paulus Silasre Tuhanre ebeli bonyele nawanem buma kabam koloinyele naei kahili ehi yo kawa einya anggaei borowaite. ²⁶ Bele reniyai onyeu kabam hele insineuboke bele kawa imae nanemene kusewounge. Na mau naneme rawayeke namekai naei oro o bulu hawayeke nanemene rawayeke. ²⁷ Bele kawa imae kayare hebewoye kiyae joko eremoye bae mau nanemene rawayeke, na ubene nekeungge kawanayo aibaleke, raimiyali na ura yobouboke na u nenaeijae kabenggondere. ²⁸ Beleyaere Paulus yae kala, "Kabam kaneukoke, wa u nebam emoikojae meyae nanemene enya nekande!" ²⁹ Bele kawa falem romiyeare weumi ihehe roke haugoke kawaete eke noro me kulu-kulu koibate Paulus Silasre bene orohele yea rorokoke. ³⁰ Belehera belero yaweumiboke maibalekemo weumi, rowa neai bee makayea reyea mokorobonde walihena ere hubayenggonde?" ³¹ Hokolbe yea wenyele, wawali nahelehele Tuhan Yesusre enye nekeyena walihena eusuba yekona. Nawanem waimea obena Romiyea nanemene." ³² Belehera Paulus Silasre Tuhanre ako faeuko bele kawa falemre kelewoinyele, naei imaena ro miyaere kelewaimile iteaibate. ³³ Huwaemo Paulus Silasre yaweumiboke naei una kabui nemene buyae kuyewoumi, kawa falem ukeumi naei miyae fafa nemene bu kolowoumile. ³⁴ Kawa falem Paulus Silasre yaweumiboke naei imaere mekate, hamam mokowoye bum-bum ikeumi aneikoke. Kawa falem nakena rei mai sele hubawonge, haubihinebam na imaena ro miyae nanemene Tuhanre naheleyae elaikokate na wali Allahre einye mae-mae koumikoke. ³⁵ Beleramo railo peyu-peyeba hebate yo felayo ukaimile mekate waimi bele robee hayemiko! ³⁶ Kawa falem belea boroke meke Silas Paulusre pele yakamiboke waumi beyu beyebarehebate yo felayo ukaimile mekate kanya yenggonbere belenyea reaiimeare ebale mau foijea ebe!" ³⁷ Beleyae Paulus yae weumi, bele ro meyae beere ro miyea helem bene haubae habaeimikoke, bele Roma ro miyae ya, maere kawa einye hilaimikoke. Belera benem elaube maere na yoko-yoko yae hayemmikombere? Meyae ahi, haubaere habaeimikoke yo wemmile menate neyae mare hayenaimikonde. ³⁸ Felayo mekate bele a faeuyae beyu beyeba waimikokene, na u femakoye koubate elate Paulus Silasre Romana ro bee ya. ³⁹ Beleneyae rake ro miyae mekate Paulus Silasre kena foi mokaimibokera hokolo beere kawa eita ukaimile meibaleke, hokolo beere riyaimile, bele yora eneibalende. ⁴⁰ Hokolo bee kawa eita mei baleke nahibi Lidia imaere eyeiboke na aka baeke hubayaeikoke, na kena u haraimikokera elae ikaimile beleramo kulum ukete eubote.