¹ Ikonium yone Paulus Barnabasre Tuhanre imae ete eiyeiboke Yahudi ro miyea yaele ekate kelewaimile Yunani ro miyea Yahudi ro miyae hila rabo kabam sele halewate. ² Beleyaere Yahudi ro miyae Tuhanre hila robo ehaleiyo, ahufu huwaimikoke Yahudi ro miyae bam yore na ubene nebam mokaimiboke, ikele isam bae, Tuhanre hakainyeboke yore koubaimile. ³ Bele yaere hokolo bee ekete belene heki ekei nyekewote, Tuhanre afoi faeu foi rabuleiboke hubaimile Allah na elae wake keteumiboke habeinya mokoibiyate emere-emere kalawate me uyea mokowate. ⁴ Beleyaere bele yona ro miyae bere kaye molaikoke, ehiyo Yahudi ro miyaere hukaimikoke ehiyo rasul-rasulre kaenaimikoke. ⁵ Beyu-beyeba hebateyo, Yahudi ro miyae yae, Yahudi bam yae nembainye a elaikokate mokainyehake hokolo bee rukayea hanyaimikonde hereneibonde, ⁶ meraunge kolowainyele bae, Paulus Barnabasre iteayeiboke, hakaikoke Listrare, Derbe yore Likaonia kanire ekete. ⁷ Bele kani kabamne Tuhanre ako faeuko huweimiyeke. Paulus Listra yone, Derbe yone nekewoye ⁸ Listra ne, rombai na honokatera noro nimainyekoke honoweke oro eyohoi nekeweke. ⁹ Rake ro Paulus a elewoye re borowonge Paulus na ijoko erewounge eleye rake ro nahila rabo randa onomi rowende, ¹⁰ Paulus yaa a elea weunge, "Oro yae anyu hebeiko bele ro nahibi honoungehike." nahibi alongekoke. ¹¹ Ro miyae helem ijoko erewate Paulus bele rore angunuke, Likaonia afeau bae kela kaenate, "Walobo aei nolona okate, aeijale nehangga mbai yandeboke!" ¹² Beleneyea Barnabas Zeusyae naro baeinyohoke, Paulus re Hermes yae naro baeinyehoke, a neyae mo elewoyene. ¹³ Walobo Zeus naei imae eite molaimile yomoinya eke honoyene, bele ro miyae lembu muku remo yaweumiboke, ami hakui hokowoye, bele yona ro miyaere hakai miboke nambele Paulus yona ro miyae yaele Paulus Barnabasre hili akauke hebenaimilere. ¹⁴ Barnabasre Paulusre itayeiboke bele umakai harainyeboke bele neyae hokolo bee na una malo kanei koke hakaikoke ro miyae nolore yae ekete, na kelayaele kanete, ¹⁵ mekane rake, "Wanem mokaumele? Meyae mambele nehangga mbai, meyae a foi faeu foi jae mare wayembe, ma u bennohombe, Allah walilo yaku yaele kani-kela yaele nawanem hambum-hambum einya mokowoye yakala wate nanemene. ¹⁶ Nabere hele nekewate ro miyae Allah waeu mihike wali naei kenare kate wanembae nekayeke. ¹⁷ Beleyaere Allah Na u eyakalaiboi bam, bele wanemne Neyae me u foi mokojeye aere iteayeumele, ya bumara moloye ani eha mai kenare kaube wanem kolo-kolo mae-mae hayejembe belene rei mai kaube." ¹⁸ Belene yae, mehae mekai ungainyele wanem, Paulus Barnabasre ro miyae helem he enei hangga, naei akau ha bele bee re kolonaimi leremo. ¹⁹ Beleyaere Yahudi ro miyae Antiokhiara Ikoniumra meubate yo mekate bele ro miyaare a hufu huwaimiko mo, Paulusre rukayae hayaeinyekoke rokate yo moite ara yobayeke, neyae elate hereke yae. ²⁰ Bele yaere Yesus hakainyekoke yo Paulusre ele naeinyeboke hebate, Paulus anguke benem Listra yore eiboye. Ya heubokemo Barnabasre kulum ukete Derbe yore ekete. (Paulus beufoke Antiokhia Yore Siria Kani Re Beifoke) ²¹ Hokolo bee, Tuhanre ako feuko huwaimikokemo ro miyae helem barawate, benem baeiboke Listra yore Ikonium yore namekai Antiokhia bele yore beiboke eubate, ²² beleyona ro miyeare na hila rabo ainyunuke, bele wanem bae nakena u koubate nekewate nawenem wali henare Allahre u eita enaijaronde. ²³ Beleramo Paulus Barnabasre bele yona ro miyaa nahele elaite yore Jemaatna beyu beyebare elaeikoke yebaei-bubaeteTuhanre ebeli banyele nawanem bele ro miyae beyu beyeba elaikoke yo Tuhanre wanyele waro miyaa niyae rabo halaeite yo. ²⁴ Beleramo hokolo bee aloinyekoke Pisidia kaniramo Pamfilia re ekete. ²⁵ Bele heramo Tuhanre ako-faeuko Pergane huwaimikikemo benem Italia re ekete. ²⁶ Belera wakara haweiboke Antiokhia yore fokete, na bere hokolo bee bele anuwaunge bere kelaeimikoke anuwaunge Allah Na ako faeuko huweimikoke riyau waiboke. ²⁷ Hokolo bee mekete belene jemaat yaele, nebainye arilasikemo hokolo bee Allahre rabohaleitanda hokolo bee na bu nibi-a anibi mokoikoke, nawanem Allah mau wekeunge yomoi yammonye huwewate. ²⁸ Hokolo bee, belene Yesus namota ohowate yo yaele heki holo nekaikoke.