(Ro miyae na wali mekai huba mokoikoi yo) ¹ Timotius u bene nekenayete, huba mokoi koi ya ro miyae na wali himi hama hele hubamande. ² Ro miyae na u mekai wa mekai mehi hele inyaibonde na u mbaite mo kena buhae henaimile, roi be, roi nibire kena kabam konate, u kaei, u maenggeu mae-mae nekenate ro miyae maei ro feite omokoiyei na wali einye ako nake rena utaei boroi boi nekenate. ³ Ro miyae ehire kera buhae ehei, ehi yo maei nebam mokoijaite, a hutai na wali einye mae mae hele nebam maei wali mekai helem molana yende, Allah naei kena re okoi kaye no na wali ne mokonayende. ⁴ Allah naei mende yaa ro miyae na kahili yaele yoku jo yembonde, u bene heki enekei, mbei aiko na wali ne mae mae, ro miyae ehi yo re bene enekei. ⁵ Ro miyae ehi maei bene na wali Yesusre abu ako mekai inyaibonde, bele yaere bele ro miyae naei sele Allah re ro oroiboi ja, bele ro miyae mekai jaele kahili okoijae namekoi u he horomale. ⁶ Beleyo na ure a foi faeu foi re huweijaimile mekai yeiboke bele yore kaeneimile imaera-imaera maengge fafa re keleu mile, maengge fafa na hila rabo wanem fa hubaete yo, bele yo ame karebai maengge fafa mokaimile, boraimile. ⁷ Bele maengge fafa boraimile, bele aere ame kerebai jae bele ro huwaimile. ⁸ Bele ro mekai rake neyae Yanes re Yambres re, Musa rena a hele faeu hele moite hayeikoke mekayae rake yo kelaeimile, namene ame karebai mo. ⁹ Rake ro miyae mekai, ehi yore kelaenaimile am mekanebam, naei ame karebai ro miyae helem itayeiboke, bele mekai mbai Yanes re Yambres re mokowote ro miyae helem eboroiyei. (Paulus rena abu ako mekai imabonde) ¹⁰ Kelu fa Timotius, raei u mekai wa mekai weyae roukae. Aei hila rabo Yesusre halennele mbai yeuboke namekai ro miyae ehire kena buhae naei mekai hemmile. ¹¹ Naei kanine ijoko yae erewoyae, rare eiwe tasi Antiokia re, Ikonium re namekai Listra re ijoko erewoyae, bele yona ro miyae Yesus aerene onomi ikeuke. ¹² Yesusre abu ako naei mekai eiwe tasi konnaimiyende . ¹³ Ro miyae a nebam faeu nebam re hungaimiyende yo naei mekai na wali nebam mo nekenayende. ¹⁴ Belene yae ware wawale Timotius, reyae kelewawale a foi faeu foi ehayeijae, namekai Yesus aei abu ako ehiyo maei na a foi faeu foi rorowoyae moi abuleijae. ¹⁵ Bele a foi faeu foi weya nehale yae eleukokae namekai meyae waei wali mekai te rabo haelende. Waei hila rabo namekai homo fae mekai mbai weyae nekending ra itaeyeabokae mekai mbai. Weyae wali hena hubayeukonde. ¹⁶ Homo fae nemene molaikoke Allahre ako faeu ko re hame wanyele, molaikoke nemene molawate, ro miyae keleweimile maei, a huwe roromile maei, nebam mokojate maei namekai ro miyae ehire kele mamile, mehae mekai na wali Tuhanre einyemo nekenayende. ¹⁷ Allahre ako faeu re eita eye na yebaei bubae, itaei haba ela wake namekai be rabulemakonde Tuhanre kaliya mokonde.