Yesus Re Honaibondere Merau Rainyehike ¹ Yesus na afaeu nemene weumikoke moi na una homona yore weumi, ² " Mayae masaei, ya bee nekemakondemo paskahre komalere,rare kinyenaisebonde nahibi inyate ofalene bonaisekonde." ³ Nebeisamo imam, yunyun Yahudi akona yobele imam kabani kayafasle obene arilaisike. ⁴ Nebeinye a mokainyehake, Yesusre ame ame yae wabenainye hindemo honaibonde. ⁵ Nebeibe paskah ya kaban konate heyae ban romiyae akuube mokonaibonde bele." Yesus Miyae Mbaijae Minyak Yae Rileungeboke ⁶ Ekate Betania yone Simon urukuwne kowole kiyaele imae nemo, ⁷ Miyae mbai meke namene minyak botolna bele nda minyak fololokaei na roi bumana hele Yesus ramanne anewole heyae rouke na yunne rileunge boke. ⁸ Nebei erewatene na unahomona yo a yarewainye, wainyele, nebei meumo koyae neyae ban ma? ⁹ Naei selebae nebei minyak rowemae naise hebomae romiyae rounga kalona yore yemimae." ¹⁰ Nebeibe Yesus naei ubenena nekate isayeubokene weumi, rahene nda miyaere beko mokaunge? rare nda me u foibe mokoufe ya. ¹¹ Rabuhineban tomiyae kounga kalona yo mainolo ukainye neke membayae reyaebe yambai nukerembe. ¹² Nda miyae minyak naugane rileufeboke, nebei raei moloisai ya ne yembonde me be kelele. ¹³ Reyae mare wamale, makeinye makeinye nda kanikela ranne injil enai suwende nda meu mokouboke bene nekeisi nekeisi wanende enailende." Menulaiboke Yesusre Honaibondere ¹⁴ Rombai naei orowatenolora naro Yudas Iskariot, imam yunyun naei bokore, ¹⁵ Weumi, meyae raheyae yensele rare Yesus mare kinyerembombena?" ¹⁶ Nebei hera Yudas nibi baewole Yesusre kinyemmibonde naeuse. Paskah Naei Raman ¹⁷ Roti ragi banmae anenateya huba rawai bokemo, na una homonayo mekate Yesusre hinainyele, " Makeinye waei kena koyae rama paskah naei anemakondere?" ¹⁸ Yesus yae weumi, yo eise emembombemo, ro mbaise hinennehimbe kuluyae weumi raei ya nobeungeboke reyae paskah ya kaban waei imane mokorebondere ra una homona yobele." ¹⁹ Nebeinye nauna homonayo naei eleukoke wanenmae mokaiboke. ²⁰ be bahewolemo, Yesus na una homona yobele raiboke raman paskah naeinye anewate. ²¹ Ramanne anewatemo Yesusyae weumi na a yakayae mare ufembere, aei homo orandera ro mbai rare naise hensebonde." ²² Na kena beko hele hubawainyene nebeinye naeise naeise hinate kulu reyaeban?" ²³ Nebeibe neyae weumi, nde name raei kolaei einye nokeunge kiyae, nebei kiyae yae rare naise hensebonde. ²⁴ Reyae erele naeise homofaene nulainye boke nebeibe nebei me u re mokouboke kiyae nenaei hubanne hinde naei foisele nebeiro nenake nda kani kelane ehonoijae." ²⁵ Nebeibe Yudas nebei me ure mokouboke kiyae Yesus re weunge "Kulu reyae ban?" Yesus yae weunge wenaeijae nare eleukokae." Raei Melen Bele Ha Bele Bene Nekenembe ²⁶ Raman ne anewatemo Yesus fauremo rouke, onomi mokouboke nebeisa kayewole wahewoumi na a weumi, " Yaron anen nda raei uga melen." ²⁷ Nebeisa anggur rouke onomi mokouboke wahewoumi anewate. ²⁸ Nda raei uha, are heteungekoke, mai beko aerene rileubokale. ²⁹ Reyae mare wamale, mana yara reyae anggur aneimo nekerende maibele nembainye anggur neme surgane anemahinde." ³⁰ Nebeisa Allahre buma rainye hikemo, zaitun mokore yaeikiteke. ³¹ Nebeisa nauna homona yore weumi, mana huwae meyae nemene raei kenane nalenensimbe, homofaene molaikoke na yo kaloora ungalene, na abo yoku here wembonde. Petrus Yesusre Onenne Konde ³² Nebeibe reyae walerebonde yara reyae bereforele Galileane mare rakerembe." ³³ Petrus yae weunge, nda yo nemene nalem mihinde, reyae enaleisi hului." ³⁴ Yesus yae weunge, naei nahele bae ware ufeitere, mana reniyai ojo kokoimo weyae roko nae rare wasaei banmae eleukonde." ³⁵ Petrus yae benen weunge, waei bele herabonde hororebae, reyae ware oneikoi hului!" Naei homona yo nemene nebei mayae mo elaikoke. Yesus Ebeli Getsemanine Bowounge ³⁶ Mekate Getsemani hekeleinyemo Yesus yae weumi ndane rombo reyae ndire fore ebeli boronggon maekore." ³⁷ Nebeinye Petrus yae Zebedeusle fafabe bele fokate, Yesus na kena beko hele hubawounge. ³⁸ Nebei namere weumi, "rakena na beko hele hubanale hererele wanen hubanale, rare yaka hebense nanendane." ³⁹ Bifen nakeleufikemo, be are eungeke naekore ebeli bounge, weunge, arai, nahuluinya nda bu kolaeinya raeisa weinyee huluijae yeubo." ⁴⁰ Nebeisa meke hokolo name ereumibae, jonggune honaikoke Petrusre yenggengekoke mo weunge, rare bifen era heikoi hului? ⁴¹ Yaka hebembe, ebeli bombe, male yambi einye balembe bele roh anggaei sele, nebeibe melen elaeban." ⁴² Yesus benen eke ebeli bokoise, naekore weunge Arai nda bu kolaeinya anerehinderena, waei kena huluinye yembonde." ⁴³ benen meke ereu mibae naneyo jongguna honaikoke. ⁴⁴ Roko namenen kiyae eke nane ahului mbai naekore bongekoke. ⁴⁵ Beufoke mekemo weumi, mana neyae jonggu relembo nebeibe na yaa hu nobeunge rare honaise bondere. ⁴⁶ Mei alomanggon, rare ekilenaisebondeyo mate." Yesus Re Ikilai Boke ⁴⁷ Yesus namman ane weumimo, Yudas naei Imam yunyun bele, Yahudi alona yobele riyaa mbai na fela mendabele mekate. ⁴⁸ Yudas yae weumi reyae yeibulure hinerenggonde kiyae nebei Yesus neyae, nahibi ekilembombe." ⁴⁹ Yudas nakeleufike Yesusle bokore, weunge, kulu onomi! nae hibi yeubulu hineungekoke. ⁵⁰ Yesus yae weunge, ako waei mekae naei me u nahibi mokoibo, nebeisamo nebeijo nahibi ekilaiboke Yesusre. ⁵¹ Nebeinye Yesus le homona, ro mbai rameneremo yobou bokelon, imam kaban na abu ako nanggaeisa neufake. ⁵² Yesus yae weunge wa ra ramene rowei nde erahanmae konde kiyae, nebei ranne nalenggonde. ⁵³ Reyae maekore nahului wenele, malaikat yobelo yanbelo surgara mate yaka hebaiseleya? ⁵⁴ Nebei homofaena a yenjo kaya yoyae nulainyemeke maeko nakenare kolemekai eyei boi sului? ⁵⁵ Yesus nebei holona mekate yore weumi, meyae rare yokoro nabaro yae elaei kokene mendayae felayae mekaube? Na yane baei reyae maekole yoimae raloimaene hebeinuyale ketae maelebe, meyae rare ekileiboi. ⁵⁶ Nebeibe nda yoniyoni nemene benate yakanate, homofaena molaikoke huluinye benate nebeisa Yesus na una homona yo here hakai koke habelewate. Yahudi Yun Yun Yesus re Honaibonde Ane Kolainyele ⁵⁷ Yesus ikilaiboke yawanyehoke, imam kaban Kayafasle bere eke, nebeinye ahli torat bele, Yahudi akona bele arelaisike rakate. ⁵⁸ Petrus namoisa hakouboke nunda nunda meke nebei obe hounge eweufike felayo bele nembainye hebate. ⁵⁹ Mana imam yunyun bele, Sanhedrin holona yo bele Yesus na me u bekobe halaeinyele, nebei randawa nahului honai bonde. ⁶⁰ Nebeibe aere baewate an, nebeisamo ro bee mekete, ⁶¹ Nebei bee yae elete, "Nda ro yae elewole Reyae Allahle yo imae ralo imae nahului kelarebonde yaa namemo benen herebonde." ⁶² Imam kaban aunguke Yesusre weunge ,"waei a eleiko, ndayo waei aere yo?" ⁶³ Nebeibe Yesus amun faeumun hebewole nebeinye imam kaban yae weunge reyae ware Allahle royae hinerei sitere weyae nahele Mesias, Allahle kelu?" ⁶⁴ Yesus yae weunge, wenaeije nare roubokae nebeinye ware ufetere, mana yara meyae erembe reyae maekole meube refine nuwere bonde nda kanire benen manggoranda merele." ⁶⁵ Nebeinye nabeyoi eki hesereyae roro wainye merulu yae roro wainye, mefae yae bowate. ⁶⁶ "Meyae nendae bene nekayembe?" Yahudi yunyun mae elate "hoiboi jae homabondere." ⁶⁷ Nebeinye nabeyoi ekihesere yae roro wainye merulu yae rorowainye, mefae yae bowate. ⁶⁸ Maere weime "Mesias, ndeyae ware rahuwae boite?" Petrus Yesusre Oneungekoke ⁶⁹ Mana Petrus nebei ima houne nuwemboke nekelemo miyae mbai mekemo hineunge, "weyae Yesus naei Galileara mekaube." ⁷⁰ Petrus yae weunge ,"reyae rasaeiban weyae rahe a be eleyae." ⁷¹ Miyae hiwa naeima mekate hinainyele, weyae waeibelebya Nazaretra mekaube, ⁷² Benen Petrus yae weumi reyae nebei ro onaenaele." ⁷³ Nebeisamo nebeinye hebate romiyae nakelaiboke mo Petrusre hinainye, wa afaeukora eleyae borayetera naeisele weyae narohi Yesusle homora oraubeyo." ⁷⁴ Petrus nahibi olomo neuboke, elele "Reyae nebei ro onaenaeleya." nebei heyae ojo mukuu a kokoke. ⁷⁵ Petrus nahibi Yesus na a ukeunge bene nekai nyehike, " Ojo kokoimo rokoe name weyae rare oneufekonde Petrus eukuke rime kali ayam buyam bowole nakena beko hubawounge.