¹ Allahle surga yohena yansena Yesus a nda wanenmae ahuneuboke, maengge mee bee pelita yaraukoke ekate ro refira miyae hineisise mekate yo bele hubayaeikoke. ² Nebeinolona maengge maehaembai kobukobu, maehaembaiwa isaei haebanbele. ³ Kobuyo na pelita yaraikoke mekatebe minyakban isaei jo naei oelita minyak relaikoke klaun bele. ⁴ Isaei jo naei pelita minyak relaikoke na kalun bele. ⁵ Name ro refina yo bifen wabaikokene nda miyae miyae jonggune relaeiboke. ⁶ Reniyai nolomo nane ro refina yoron mewate munsobolo kaimeke! mda miyae miyae ainyuke maibaleke!" ⁷ Nda maengge meebee ainyuke uga molaiboke na pelita roraiboke. ⁸ Nebei maengge maehae mbai kobu kobuyo isaei yore waimile maeibele minyak hakommibo maei pelita bifenbele kebenai bondere.' ⁹ Nebeibe isaei yoyae waimile, nahuluibanya maei pelita ne rilandekoke baeufoke, naeifoisolo meyae eme minyak re haete yonaei bukoreyae, nebeisa rilenggome.' ¹⁰ Nebeise alainyekoke ewate heeyae nane ro refina yo mekate heeyae nane ro ro refina yo mekate nebei miyaere rewonde kiyae naei, nahibi yawaimiboke ayeuboke reinolo mainolone, na imae romau nahibi ahinai boke. ¹¹ Nda maengge kobuyo mekate lon mekoba kaba bate, elate rowa romau rawei mibo.' ¹² Nebeibe rowayae weumi, reyae mare onae male.' ¹³ Nebeinya yaka hebembe na ya hu mandenai meyae isiyam." Kalia Yo Namenaei Ahuba ¹⁴ Surga yohenanaei ahuba nakaihi ndawanen, ro mbai yomoise enderene, na abu ako kaeneumi koke na abahe waheumiboke. ¹⁵ Hire talenta maehaembai, hire talenta bee, nahi kiyaere nebeisa neyae kulun uke ewde. ¹⁶ Talenta maehaembai se rouke kiyae kalia mokoukoke benen talenta maehaembai baraungeboke. ¹⁷ Talenta beere roukekiyae naeima benen talenta bee baraungeboke. ¹⁸ Nebeibe talenta mbaise raouke kiyae, eke kani bulune molufake. ¹⁹ Heki nekai kokemo na rowa meke, nahibi me baewate. ²⁰ Talenta maehaembaise rouke kiyae meke na roware weunge, rare maehae mbai ikaraebe reyae benen maehae mbai barangebokale.' ²¹ Nebeibe rowayae weunge, weyae rombai foisele nanemerau melae melae, nebeinye ware ranereijete nda rambun helenbolen honete yakare hebelere, meyeisi raei reimai kale nolone.' ²² Talenta beere rouke kiyae meke weunge rowa talenta bee yeukoka raebe reyae benen be baraunge bokale.' ²³ Na rowayae weunge, na foiselebe ndame u mokoubokae, weyae ro mbai hole anggaamo erambun binggende ware rambun helennaei yunde kaerei botere meyeisi raei reimai nolone.' ²⁴ Talenta mbaise rouke kiyae meke na roware weunge, rowa reyae rasaei weaye ro behumba, heke emokoiboi anuwaunge aniera eijoroyae, melem raisijenne eikaheyae. ²⁵ Nebei buhae hokowoufene, nebei talenta mbai ikaerae ekale kani bulune moloufakale.' ²⁶ Nebeibe rowa yae weunge, weyae wasaei rawali nansau. ²⁷ Naeiselebae weyae emae roise kolate anunge rahimae reyae melebae helensele yeuboube yae rowete. ²⁸ Rowayae weumi ndi talenta mbai naeisa rowen talenta meebeere mokoungeboke kiyaere yenne. ²⁹ Raheneban rabuhi ibeleyore bara nai mile helenbolen benate rabuhi ban yo naesa enai yaronde. ³⁰ Nebei abuako holo kaen nehi ouben nolore eufono, nebeinye elee kali na heraa kili kili bele euko." Yesus Na Kendan Wameran ³¹ " Yesus na one henggobele mende yaa na ye baei bubaei bele, naekole kendan wameranne nuwembonde. ³² Nda kanina yoho yonggo nanemene arilemmile, nebeisa kayee molonde kambing domba nolora weyate wanen. ³³ Domba yaronde meube refine hammile kambing yaronde meli refine hammile. ³⁴ Nebeisa ondofolo meube refina yore wemmile, mebu maeko onomi honomire ikembeyo mebepo yohena yansena yone nda kani henggelen raufike yara mare ikembe. ³⁵ Monine bukine kowale hee meyae inyale kolowaufe koloroalo wanen nekewale, imae obe ikaufe. ³⁶ Maloban orowale, meyae ambelae hiraufekoke erane bulone honowale, ei hawe wanfe kawane hebewale meyae maube ereiboyaufe.' ³⁷ Nebeibe neyae wainye, Tuhan makeija weyae moni buki kowoyae meyae inyale kolowayete? ³⁸ Makeinye weyae melammae hebewoyae meyae malo hirewayete? ³⁹ Makeija weyae erane honowoyae mekande ereubokayete?' ⁴⁰ Nebei ondofoloyae weumi, nda nahelebe mare wamale, mai umekai foimoi akare baekene famehare moko waunge nebei rare moko waufe wanen.' ⁴¹ Nebeisamo meli refina yore weumi, raei beyoisa eme meyae olomore naeyembo kembeyo iinolore ma walobobele na buyo ayo bele.' ⁴² Raheneban reyae monine bukine kowale hee meyae rare inyale ekoloikoi. ⁴³ Reyae koloro aro wanen mewale, meyae eyoboiboi eyeisi, kawa einye maloban kowale malo hireikoi, erane yunne, kawane meyae raei nou eheiboi.' ⁴⁴ Neyae wainyele Tuhan meyae ereiboi makeija weyae monu buki kowoyae, koloro aroo wanen wewoyea, erane hono wayae, melanmae kowoyae kawane hebewayae meyae ware eyereiboi?" ⁴⁵ Nebeinye neyae weumi, mai u mekai wamekai foimoi nda famelaere emokoi boinye nebeima mbai meyae rare emo koiboi. ⁴⁶ Nebeinye nda yo anuwau bekore enate neyae nahelene nekewaubeyo anuwau foi seyae emembo,"