Yesus A Elaekeiagama Yunre Hebate Yore Ugoumi ¹ Yesus na homona yore bele romiyae arilewole belere a ugoumi, ² "Ahli torat bele Farisi holona yobele Musale anggen nuwei ranne nekate. ³ Nebeinye mare wayembea brormbe nane merau erembe name u be neyae emokoijae, rahene ban neyae aremo elate me u emokoija. ⁴ Neyae aehee bukulu ikilaikoke romiyaenaei baka ranne kolai koke honate, naei me kala yae ahire eweyei. ⁵ Naei meu mokate romiyae ijokore erenaimile naeibe mokate ebeli boiboi naei haa koko mokaimi burai na malo haeinye bakei koyate hilate. ⁶ Anggen nuwei nabenemo naei kena koyate sinagoge einye raman anei anei hee yeibyolene, ⁷ Buma kaenaei mile romiyae nolone, nare kuluyae ungaimileremo koyate. ⁸ Nebeibe meyae nare kuluyaae ekaeneijae, aei kulumbai sele eyae nemene aka baekemobe nekande. ⁹ Nda kanine ako hena ndere ndere ekaeneijae aei ako hena mbai sele surgana. ¹⁰ Mai ugare be yun be hoboijae eleijae aei beyun mbai sele Kristus nembai sele. ¹¹ Nebeibe nde kabande aei nolone yembonderena onde abure akore yembonderawa yende. ¹² Nde na ure buma kaendena ane enai wonde nde na wali ane ranensindena naere bumareyae kanenainyele. ¹³ Kena buhae hele meyae ahlitorat bele Farisi bele meyae ro miyae beko beko! Meyae surga romaube ahaeube romiyae naei bene meyae eyeiboi nebeibe eise enayembonde yore hukaumi balei meyate. ¹⁴ Meyae romiyae beko beko, miyaenale rora nukewaimiyo na imae obe kelube, ebeli kokohele ei bowage nebeinye meyae na beko hubansimbe ehekaei sele. ¹⁵ Meyae Farisi bele ahli torat bele romiyae beko! bura yaufa habelaube romiyaere yawaumi mai eimon mon imaere mate, nalei boyatene neraka fafare inyai bonde. ¹⁶ Kena buhae hele yunde hebaubeyo ma ijoko kumba meyae elaube nde Allahle imaere rabo halende kiyae nebei rabuhiban nebeibe nde rabo Allahle imaena emas be rabo halendena, nebei nau ugare bensonde.' ¹⁷ Meyae kobuyo bele kumba yobele! Emas bele Allahle yo imae ralo imae bele makeibe kabanin? ¹⁸ Nde olomo nembonde kiyae nebei rabuhiban nebeibe ndeyae Allahle imaena hili era akau era anggoure felakte itakai ranna a holo dondena nebei ekekei yembonde.' ¹⁹ Meyae ijoko kumbayo, makeibe kabanin nebei itukai bele naranna honate rambunbele? ²⁰ Nde itukai randa aholo kondena, nebei itukai ranna honate rannebe aholo kole. ²¹ Nde Allah na yoi mae ralo imae re Aholo kondena ra einya kiyaebe aholo kounge bya. ²² Nde aholo surga bele kundan wameran bele kondena nebei kundan wameranna kiyaebe aholo kounge. ²³ Ahli torat bele Farisi holona yo bele, mawali beko! hili akau hebaungelebe, kenabuhae u buhae romiyaere meyae ehei, nda kiyaebe naeisele mokombere ya. ²⁴ Meyae beyun be yebaere hebaubebe ma ijoko kumba, henggaendu malofaleyae hiraube, onta mbai huneukokaube! ²⁵ Ahli torat bele Farisi bele ma wali beko! kolaei bele hote bele na eise bohi kuyaeube na moise bohibele naeima kuyembo yoloyolo yembonde. ²⁶ Nebeibe na eise refi, kena hensen mae maemae koukokeya. ²⁷ Ahli torat bele Farisi holona yo bele ma waei beko! buhei buyae koiboyaine wanen na eise refibae romiyae boyae mae mae koukoke. ²⁸ Nebei wanen meyae, ma wali moise refi foiseke ma kenabae buleke alekeya. ²⁹ Ahli torat bele Farisi holona yobele ma wali beko! meyae Allah na yenjo kayalo naei bulei bele, hila rabo elae yo naei bulei foi mokaube, ³⁰ Nebeisa elanbe, eyae yobe naeite hene nekande yaebae eyae nebei nolone aei bele andegoge yendo kayalo na ha rileuboube.' ³¹ Ma ugare yaka ha koube, meyae neyae yenjo kayayore hai koke orona mena. ³² Nebeinye aei yobenate kena huluinye yeubokw. ³³ Meyae rami naei orona menayo nendae mayae nerakana ehee bukulura wemembere? ³⁴ Nebeinye eren, yenjo kayaayo, Isak habanyo, ahli torat bele ufemile mai bukore enate. Naei nolora hiwa honggombe hiwa ohalene bonggombe, hiwayo sinagogene rahuwae bonggombe, hiwa yoran yoranda erahuwae bomembe, ³⁵ Nebei ha romiyae nahele yo naeinya ha nda kaniran kelaranne rilewate yo na fenau mai bukore mende, na huba Habel lera rawembonde, Zakharia Berekhyale kekeranane raei yoimae raloimaene haubokaube kiyae. ³⁶ Nebeinye neyae mare wamale nda yoni yoni bewate nda hokolona yo naei ranne menduwende. Yerusalem Na Ehe e Kaembonde ³⁷ "Oh Yerusalem, Yerusalem, raei yenyo kayaayo ukamaele mewate howoyae haye woyae, rukayae hekelewa mae. Nebeinye raei kena kale, wafafa nemene na riyane areleminde, ojo nafe wanen norokele maikelene nebeibe meyae kena ban. ³⁸ Mana erei, wa imae obe nukai koke roban miyaeban akuban nauban honoyele. ³⁹ Nebeibe mare wamale nda hera meyae rare ereiboimo nekembe, nebeisamo meyae elenggombe onomi honomi hele Tuhanle royae meke kiyae."