Nikah Naei Ahuba ¹ Yesus ahuba mbai ahuneubokemo weumi, ² " Surga yoyam na ahuba nda wanen, ondofolo mbai na kelu miyaere rowen nelere. ³ Na abu ako ukeunge romiyae kayaa orowole koibaere menai kondere nebeibe romiyae emeimo. ⁴ Nebeinye na abu ako hire ukeunge nebeijore eke weumi ondofolo obofi mokoungehake mebu komale hiremalere.' ⁵ Nebeibe nebeijo heke are hiwa ewate, hiwa naei ufei yaroise ewate, ⁶ hiwayo ondofolo na abu akore ikilai koke rahuwae yae baikoke benen hai koke. ⁷ Nebeinye ondofolo ikele haneuboke, naei felayore ukeumi ekate nebeijore haikoke, na imae obe, yoyan ijae rele waimi. ⁸ Nebeinye na abu akore weumi, yomeyau yowaku mokounge hakalebe nebei romiyae na manban benen ufe mile menatere. ⁹ Nebeinye ebe nibino a noma romiyae hubayembeyo wem mile menate.' ¹⁰ Nebeinye ekate nibinina romiyae bekofoi kaya orai boke mekate nane anuwau mae mae koukoke. ¹¹ Ondofolo naei meweufike hee erelebae, ro mbai koibae malo hireikoi. ¹² Nebeinye hineunge aka baeke rahene nda jende koibae malo hirei koijae mekae? nebeibe nda ro a banmo nekewole. ¹³ Ondofolo na abu akore weumi, name oro hayae ikilennoko ouben nolore kaennihi eu, nebeinye elekali euko.' ¹⁴ Raheneban helensele kae nenai milebe na nameken elenggondeya." Yahudi Romiyae Yesusre Walangga wokainyele ¹⁵ Nebeisa Farisi holonayo homo mbai awai boke, Yesusre walangga ungai nyondere. ¹⁶ Farisi na ro elaei koke ukaimi Yesusle bokore ekate Herodian romiyae bele Yesusre hinainye, kulu meyae maesaei weyae rombai naheleremo nekeyeyae nane mekai weyae Allahle afoi faeufoise huwamae kiyae nane hi hire fee efaei, weyae feli ijokore erei. ¹⁷ Nebeinye maere weime, mayae pajak kaisarre nahelebe arilannele?" ¹⁸ Yesus na kena na isayeubokene weumi , " Rahene rare hubaufele meyae romiyae bekoyo? ¹⁹ Nebei roi pajak naei rare kelensobo nane nebeinye roi dinar mbai ikainyele. ²⁰ Yesusyae weumi, " Nda ndele benulu ndele homobe molaikoke?" ²¹ Na wainye kaisarle, nebeinye Yesus yae weumi Kaisarle kiyae nare yennele, Allahle kiyae naei Allahre yennele." ²² Nebei a wanen boro katene nane yo fayae bayeke ewate Yesusre nukainyeboke. Saduki Holo Naei Walangga ²³ Nebei yaa mbai Saduki holonayo naei ubenere nekai mi herewateyo bene ewaleiboi sului nekate Yesus lere hinainyele. ²⁴ Kulu Musa yae eleukoke rombai herende, kelu banne naugake na miyaenale rowende nekenete kelu omi holensinde orona menabele yembonde. ²⁵ Mana maei nolona ro mehin bee bele nekate, na bena kiyae miyae. ²⁶ Benen rona kiyae bele namenenna kiyae bele naei wanen heraiboke oke namoinya hiyaene. ²⁷ Nebeisa na huba mo kokoi nda miyae nale hereke. ²⁸ Waei meleyaane anyu anyu molonatene nda miyae naei sele ndele nda ro mehin bee nolona?" ²⁹ Yesus yae wenmi meyae nalauboke Allahle ako faeuko isayeiboi. ³⁰ Raheneban nebei menjambonde ro miyae eyaroi nane merau miyae maengge rone enekei surgana malaikat wanen. ³¹ Here wate yo walenaibondenaei, meyae Allah na homo faera isayei boi moo, ³² Reyae neyae Abraham le Allah, Isakle nane merau Yakuble Allah, nebei kiyae hereyonaei Allahban ma, wali yonaei Allah ya." ³³ Romiyae helen borowate fayae bowate nda a usaei. Musale Walora Wali Here Foloukoke A Na Berei Selena Kiyae ³⁴ Farisi holonayo borokate Yesus saduki holona yore yarou mikoke, nebeinye riyane arilaisike ³⁵ Naei nolora ahli toratno ro mbaise ukainyele Yesusre hubaunge, ³⁶ Kulu makei a be wali here foloukokene na bereiselene honole?" ³⁷ Yesusyae weunge, meyae makena u, ma u nulu, ma u bene wabene Allahremo buhae hennele. ³⁸ Nda a usaei neyae kabani nanemerau na bena kiyae. ³⁹ Na benendoneyae, ma akare baekere, mai ugare haengele wanen mae buhae hemmile.' ⁴⁰ Nda a usaei beene Musale walora wali here foloukoke a faeuw nare nulewainyele. Wali Ondofolo Ndele Faa ⁴¹ Farisi holona yo arilaisike wekewatemo, Yesus yae hinumi, ⁴² Kristusle naeise mai ubene nendae hayaeube? Neyae ndele kelu? neyae wainyele Daudle kelu." ⁴³ Nebeibe neyae weumi nendaemayae Daud na unulu eisa naere rowayae kaenenne kondere weunge, ⁴⁴ Tuhan rowa waere wete, raei meube mene mei nuweibo waei yokeijo nemene raei oro kele me kelene mo menai rombonde.'? ⁴⁵ Daud Kristusre rowa yae kaeneunge nendae mayae Kristus Daudle kelure yeuboke?" ⁴⁶ Hiyae hayae nare a ebeisoimo nekewate nebeijara Yesusre a hineimo nekewate.