Yesus Ondofolo Mekaijae Rakewainye ¹ Yesus naei mekate Yerusalem re nobewainye, Betfagene, saitun mokone, Yesus ro be keleukoke; ² Nebeibeere weumi, "epe benayo fokehonolene, Keledai mbai haayae rinainyekoke na faa bele hebeite, na haa bulaerennekopemo ndare yobom mepe. ³ Romiyae hinanatene wemmile, Tuhan yae ukeumi Yoboi meyende. ⁴ Yendao kayaaloyae na bemere a naeima kolaikoke honate: ⁵ " Sion maenggere a wennele, erei wa ondofolo waei bere kena u ara raungehike mele Keledai randa fileu koke mele. ⁶ Hokolo bee ekete nebei mekaijae ukeimi. ⁷ Nebei Keledai bee yawaimiboke mekate, malona ranne kolaikoke Yesus yeukiteke na ranne nuweuboke. ⁸ Romiyae helen na malo nibine bewate, hiwayo o minsae folowate nibine hayewate. ⁹ Romiyae hiwa bere naei boke, alainyekoke kali kaenei foyate. " Foimoi ondofolo Daudle orona mena kelu, Allahle ro yae meke kiyae onomi foka hubanainyende, Allah anuwau na bumane hele nekele kiyae eyae nemene ei molomandere. ¹⁰ Yesus Yerusalem yore eweufike bae, romiyae eisine meisine hinate,"Nda ro nde?" ¹¹ Romiyae yae elate, " Nebei neyae Yesus, Galilea kanina, Nazaret yona yendoo kayaalo." Yesus Allahle Yo Imae Ralo Imae Bu Hukeuboke ¹² Yesus naekole yo imae rolo imaere eweufike fomiyae rambun naeise ayenaise haete yarowole are felewoumi. ¹³ Neyae weumi, homofaene moloukoke, raei imae ebeli boiboi imae yae elenate, nebeibe meyae mekaube yokoyo naei nalere mokaungeboke yeuboke." ¹⁴ Ijoko kumbayo, orora nimewaimi yo mewate onomi moko woumi. ¹⁵ Imam yunyun bele ahli torat bele nameu mokowole erewate, nane merau fafa fele fele yae kaenate, " Foimoi ondofolo Daudle kelu, nebeinye ikele hanaiboke. ¹⁶ Nebeinye Yesusre wainye, wa boroyae ndifafa kaenate? Yesus yae weumi, "Meyae isian homofaena molaikoke, fafa naei eugara, nimena yonaeiengara rare buma kolonaisele?" ¹⁷ Nebeisa Yesus nukeumiboke yo moise eke Betania yone jonggu fai releuboke honowate. Yesus Naei Hila Rabo Keleuboke ¹⁸ Ya heuboke Yesus naei benen Yerusalem yore mekate Yesus moni hele hubawounge. ¹⁹ Ijoko erelebae arano mbai nibi enene hebele nebeinye meke ara nimebe na kelene baewole nebeibe fae nimemo honowate, nebei o re a heteunge koke, " naei ma hebewende, fae wakuremo kowende," nahibi nebei o kalaukoke. ²⁰ Naei homonayo nebei erewatene fayae bowate hinate, "nendaemayae nebei o ukeunge kalau koke?" ²¹ Yesus yae weumi, "Ma hila rabo elaenebae, makena wau wau ekoinye bae ndi o mo ban, moko naema nahului wennele rawembonde, bumokone endu wende. ²² Rahe rambun yoniyoni, ebeli rare bonsele, rabo kaban helenselena mai nolone benate yakanate." Yahudi Yunyun Yesusle One Henggore A Ne Kolowainye ²³ Yesus naekole imaene eweufike, naei ako faeukone keleumi heeyae Yahudi yunyun mekate hinainyele, " Ndele one henggoyae nda rambun yoniyoni weyae mokoaye, ndeyae ware mon ikete?" ²⁴ Yesus yae weumi, reyae naeima mare ambaise hinerensimbere makeinye one henggoyae reyae mokale, meyae rare a wensele. ²⁵ Nane merau Yohanes makeinya one henggoyae bu kolowoumi Allahle ra, romi yae naeisa? Ne naei a elaikoke elate Allahlera yae umandene neyae wembele nebeilombe meyae rahene ame ame yae elewaube?' ²⁶ Eyae romiyae naeisayae elemakondene, buhae hokom mele nda romiyae nemene Yohanesre Allahle yendo kayaaro yae elateya. ²⁷ Nebeinye Yesusre wainyele, meyae isiyanya maesaei ban Yesusyae weumi, reyae naeima mare ewei hului ndele ro yae reyae reyae mokale." Faa Bee Naei Ahuba ²⁸ Na ahuba nda wanen? rombai na kelu bee bena kiyaere weunge, kelu manaya kalia anggur hekene eimoko koba.' ²⁹ Na kelu yae weunge yo arai erelere, nebeibe neyae hekere ei. ³⁰ Nebeinye nakelu been na kiyaere ukeunge, nebeibe neyae ahiyae eleukoke nebeisa mehii neufake nebei hekere eke. ³¹ Nde nda fafa bee nolora naekole anggaeise borouboke? na wainye moinya kiyae, Yesusyae weumi, pajakre arilate yobele maenggefafa nibi nolone yanate yo bele, nebei yoyae surgane bere enai nekende mare moi ungayemombe. ³² Rahene ban Yohanes meke nibifoi mokoubokebe meyae ameyae ugaungele, nebeibe pajakre arilate yobele nibi nolona maengge fafa bele nahele yae elewate meyae eraube horo namman ameyae mo elaube." Anggur Heke Rowa Naei Ahuba ³³ Nda wanen na ahuba, Heke rowa mbai anggur nu moloukokemo ele neuboke, naggur ramei ramei naei a bulu waeuboke, yaka hensen nebeisa afileukoke yomoise ewole. ³⁴ Anire hokonate heemo abu akore ukeumi hekeyonai bukore ekate anggur ani yaroi koise. ³⁵ Nebeibe nda hekeyo abuakore erahuwaeyae baikoke, nahi kiyaere haiboke hiwayore rukayae hekelew aimi. ³⁶ Benen heke rowa na abu ako hiware ukeumi ekate, nebei be nanhului mbai moko waimi. ³⁷ Nebeinye hekerowa na kelure ukeunge eke, neyae elele raei keluyae endene fee faenainye bonde. ³⁸ Nebeibe neyae elate nda kiyae neyae naekole baeise yennuwembonde kiyae, homabonde, na mena rambun yaro makonde. ³⁹ Nebei heke rowa najelu kilai boke, heke moise ukate eke, haiboke. ⁴⁰ Nebeinye heke rowa meke, rahebe nda yore mokommibonde? ⁴¹ Neyae wainye, nda romi yaere beko hele mokommile, nane merau hekeyo ayo hiwa yore wemmile mokonate, na ani era foi moi naere inyainyele." ⁴² Yesusyae weumi, meyae homafaene molaikoke ereiboi ruka imae re helekiyae yae woke, ruka bereise yeuboke nda baete yakate Tuhan mae mokole ya. ⁴³ Nebeinye mare wamale Allah na yoyan, na onomi honomi maisa rowende romiyae anire mokate yore yemmile. ⁴⁴ Nde nda ruka ranne ruwende kiyae mohi mohi kamai yembonde nde rukayae herawenggonde kiyae nuhu nahu yembonde." ⁴⁵ Iman yunyun bele Farisi holona yobele isa yaeiboke Yesus nda a naere weumi. ⁴⁶ Nebeinye merau kolowainye ikilenai bondere be nda romiyae hokowole naei buhaebe hokoumi rabuhineban Yesusre Allahle yendo kaya alo yeae elatene.