Farisi Holona Yobele Saduki Holona Yo Bele Yesusre U Mali Humawainye (Mark. 8:11-13, Luk.12:54-56) ¹ Farisi bele Saduki bele nebei holona ya mekhatemo Yesusre hubawainye. Yesusre riyaeinye Maere isaei wanende surgana rambun mbai kheleimebo nane. ² Nebeibe Yesus yea weumi, "Be baheyole meyae elaube inyukui roroubokhene wahenare buma foi sele." ³ Renere bae elaube manaya alu elae rawende buma ya nokhong nekhe ikene, meyae masaei yakhuna baete yakhatebe, ya hu naeise bae meyae isiyan. ⁴ Mayea bekhore mokhauge holona yo rambun emere khelerembombere riyaube, nebeibe Yunuslene yeubokhe kiyea ya khelerembombere ya. Nebeisa Yesus nebei yo re nukheumibokhe alongekokhe ewole. ⁵ Na una holona yo fokhate refine nebeibe fuewbe nanene nukhaibokhe ya. ⁶ Nebeibe Yesus yae weumi, "Ijokho erembe yakha hebembe Farisi naei Saduki naei ragi." ⁷ Nenaei elaikokhe isayaeibokhe naei sele, "Neyae feuw eroweimeinye." ⁸ Yesus isayeubokhene weumi, "Hila ban rabo ban yo rahene aei nolone feuw nou haeube?" ⁹ Mayea ereiboi 5000 romiyea anewate na khalun olongne hawewaube? ¹⁰ Nane merau 4000 romiyea anewate na khalun arilaukokhe olong naen naen? ¹¹ Reyae feuw a be mare ewei, Farisi naei Saduki naei ragi be wamale ya nebeibe mayea onaeukokhe. ¹² Nebeisa isayaeibokhe, naeisele feuw a be naere Yesus ewei, faris naei Saduki naei ame ame wa baimilebe eboroijea ahekhoijea. ¹³ Yesus mekhe Kaisarea Filipine , nebeinye Na Una homona yore hineumi, "Romiyea yae Rare nde yea elate?" ¹⁴ Neyae wainye, "Hiwa Yohanes bukholojea elate, Elia, Yeremia, hiwa yo yae elate, yenjo khayalo nebei nolona ro ya." ¹⁵ Yesus yea hineumi, "Mayea bee Rare nde yea elaube?" ¹⁶ Simon Petrus yea weunge, "Weyea Mesias Allahle Khelu". ¹⁷ Yesus yea weunge, "Onomi honomi hele ya weyae, Simon Yunusle khelu, nebei romiyea a ban Allah surgana kiyealena a ya nebeibe eleukokhea. ¹⁸ Mana ware wawale Petrus, rukha hakhalu, waei bakha ranne nda gereja herebonde, romau mahi mahi yea ware eneiboi hului. ¹⁹ Weyea surga romau yakharore yeubonde. Nda khanira ahunele rambun surgane nebei mekhai ahunende. Nda khanira weungendene surgane nebei mekhai wenende." ²⁰ Yesus a hung raungehike a yakha yakha khoijea Neyae Mesias. ²¹ Nebei heera, Yesus nahibimo na una homona yore a ugoumi Nare imam-imam yun yun mae, ahli taurat yae Yerusalem yone honaibonde, ya name abulune hononggonde annunde. ²² Nebeibe Petrus Yesusre yobougokhe enereyea ekhetemo weunge, "Allah wennende felande ende! Here fela Weai Ugande eyeiboi hului." ²³ Yesus yea Petrusre weunge, "Enere eye walobo! Weyae rukha khaban wanen nibinone aheukokhae, romiyea naei ubenena a be eleyea, Allahlena ban." ²⁴ Nebeisa na una homona yore weumi, "Rare hakonsebonde kiyea na walina rambun nemene rubombondemo Reai moisa mende na ofale khaembonde. ²⁵ Nde na wali hole molondena, wali hena bona ehubaikoi. Nebeibe nde Reai Aerene relennelena wali hena hubayenggonde. ²⁶ Nda khani khela nemene rowele weaise yembondebe wali hena bonare eyeisi hului, raheyea wa walire hole moloineibote? ²⁷ Reyae Maekhole one henggo, iwa khelaeu randa Reai bu yo ayo bele memale romiyeare me baei imamile na me u huluinye. ²⁸ Nda nehelebe mare Wamale, nda nolona hebauge yo hiwa yo ehereiboimo nekhenate Reyae merele ya neai ijokhoyea erenaibonde."