Webrefasna Rur Werama Ro Allah ¹ Srar srar yaswar yaswar ayasia mkon, mkokiar awe rur,mbape mkofrowes rur naya ma mkofirna ndo rur naya nro Allah ma ke smar nabi palsu sia srama kwar do dunia de. Mkowe ndarsine faro rur Allah. ² Mkovir Rur Allah ndariarisine,ndariria rur wetre fasna Yesus Kristus riama kwar do wujud wekaku werama ro Allah. ³ Rur mundi wevir Yesus baria,rrama ro Allah wbo rimu rur anti-Kristus, ri mkomnaf weramakwar ma rasde rise ro dunia de. ⁴ Romkun-romkun ayasya mkon, wero Allah ma, mbo wiau nabi-nabi kakuwa sia karma I wero kraf auna Ibua dofen mdo wero dunia de ria. ⁵ Nabi-nabi palsu sia srama ro dunia, ndariria sfaya ro dunia ma dunia de rimnaf si. ⁶ Kon mu korama ro Allah. Sei i wefir Allah imnaf kon, mbape sei i wero Allah ma wa i mu imnaf kon ba,ndo ria kofir fararia Rur wemnisdia ma rur wemmisbaria. Mkorama Koswar Yaye Kon ⁷ Srar ayasia mkon,mkon i yaswar dia, mkorama insa koswar yaye kon, snar saswar demu rro Allah ma. Sei au i wesaswar wadiadi ro Allah ma fuir Allah. ⁸ Sei au i wesaswarba ruama ro Allah wa snar Allah imu isaswar. ⁹ Ndariria saswar Allah rimnis kwar faro kon ndaro Allah iwan Romkun Airia Romkun yoser airia marokon ndo dunia insane koswawer kenem wewie ria ro I. ¹⁰ Ndo rion rine ri saswar dia, kon mu koswar Allah pon ba, mbape Allah I weswar kon pon dia e dafniak Romkun airia ma wie jadi kurban wewe Damai faro sasar akonia. ¹¹ Srar yaswar ayasia,ina Allah iswar kon e konso kaksuar yaye kon. ¹² Kon mu os isiafa mian Allah ba nim, e koswar yayekom ina Allah kion so kon ma saswar wemnis airia rkom so kon. ¹³ Ndo rine, kofir kwar kokon ndo Mansren Allah rion airi ma Mansren Allah Kion so kon snar Allah wie Rur-Dia kuar faro kon. ¹⁴ Bbo, ngoman kwar ma Ngakbre rari kma akondia iwan romkum-Airia ma Juru Slamat Dunia. ¹⁵ Insa sei au wabre fasna Yesus I mu romkun Allah, Allah kion doi ma kion do Allah. ¹⁶ Ndariria kofir kwar ma kokiar saswar Allah airia faro kon. Allah I mu saswar, snonggu sei I wekon do saswar dia, kion ndo Allah ma Allah kion ndo rion airi. ¹⁷ Ndo ria ria saswar wemnis dia kuker kon insa koswawer kakyar akom dia ro ras wefawar snar rimnis kuker I, ndariria so faro kon ndo Dunia de. ¹⁸ Makakak os ba ndo saswar dia, snar saswar dia riyau makakak Dia mba makakak dia mu Hukuman. Snonggu sei imkak imnis do saswar dia wa. ¹⁹ Koswar i snar i weswar kon pon dia. ²⁰ Mbo sei au fuaya mbo wawe,"Yaswar Allah",mbape wayaf srar au rua,snonggu waya au mu snonggu wesararer disau, snar sei weswar srar airia mba ria,srar mian ndia wa ria rimnis iswar Allah wa. ²¹ Ma, prentah rime kowe Trima riro Allah, Faro snanggu weswar Allah sia, harus siswar srar asisya so.