¹ Snongu se kon sei wakiar faro Mansren Yesus nari waujadi ndo Allah; Mbo sei wasuar kmami ma wasuar romkun Bero Kmami. ² Ndo rine kofir kosuar romkun-romkun Mansren Allah sine rimnis kom naf woss Mansren Ania ma kobe fararina. ³ Ndo Beria ria kobe farari ma koso romna na snongu se kon kobe farari mu Numar bak ba kaku. ⁴ Ndo Beria ria romna bediadi ro Allah ma nari nuses pok Dunia ma fnufr dia ndo ria rfar marisen kuker rubes pok fnufr dia ma dunia mbo rbar kakiar dia. ⁵ Nari sei wer nia pok mbo duku bes fnufrdiare-e kaku pa. Iria Bekiar faro Mansren romkun Allah. ⁶ Snongu ine iberama kuker war ma rik Iria Mansren Yesus wape kuker war pa fba mbo war ma rik mundi bebediadi ma feman warek ndo dia mia ma ribre woss bebe kaku. ⁷ Ndo rine wosdi kior nabe nari Nfaruarek. ⁸ Berandak rurdia,war kuker rik mbo bakian ne diadi yoser. ⁹ Nda riria snongu se kon kobe trima maman rine ndo snongu beman warek so Allah. Na ridiadi pok bepok ndo Mansren Allah. Mbo Bye faro ma bemao warek ndo romkun Airiria. ¹⁰ Snongu sei Au wakiar faro romkun Allah mbo romna nua mbo fefair warek nia ndo yoser yoser sneri ma nafrows si ndo rasos snar bie fanander mbo Ikyar ba romna mian ma Isua repen nasia ba kwar. ¹¹ Snongu sei-seipa wakiar faro Mansren ndo rasnia kiam Nari Bie faro au pok Bekon fioro fioro. ¹² Nda Riria sei wakyar romkun Allah nari Bie faro au kenem bekon fioro-fioro. ORANG YANG LAHIR DARI ALLAH TIDAK BERBUAT DOSA ¹³ Ndo ribe afas fasna woss nane faro mkon se Bekiar ndo Rosnon romkun Allah Insandia mkon mkofir mkona Babie ma sasuar Bekon fioro-fioro. ¹⁴ Ndo rini kakiar bero kon ndo forpon Airi Insandia romna kordo-I ndo romdiria pa biema farari romna kornia Nari Byema Ro pok Airi. ¹⁵ Mbo kon kofir romna kobe user ma korna faro-I nari Byena farari romna wasua ruser mbo wor faro-I ¹⁶ Ndo snongu se kon koman nari min akondua ma srar mundi Bebe sasar nari sasar Beriana nau bo Imar snar Marmandi rrama rokon ndiamu snar sasar Aunia mbomu nari marmar faro kon. ¹⁷ Nakiam kokorna be sasar mbape sasar nia mu nomu Befirna Be sasarba mbo Bediadi marmar. ¹⁸ Snongu se kob kofir sei wadiadi ro Allah nari Bwe sasarba mbo ras kiam-e Bie berkat Au ma Iriar fnufdia burau. ¹⁹ Snongu se kon kodiadi ro Mansren Allah ma dunia besiper mbo koro kwasa fnufrdia. ²⁰ Mbo kofir romun Allah riama Insandia Bie faro kon suaruser bebnis mbo kofin Iria snongu Besren ndiria ma ko Isya kuker kon ma som sandik Allah Bekon fioro. ²¹ Romkan Ayasia mkoro fondiburo sua ruser Bebieba nane-e.