KITA ADALAH ANAK-ANAK ALLAH ¹ Kofir farari babua sasuar inari kma dardu marokon isof kon mu sorkun mbe romkun-rombukn Allah, moi komua wes konsya be romkun-romkun Allah. Snar ndo ria,sopde rfir konba, snar sabole rfir I ba. ² Min ayasya yasuar mkon,ansona kon mu romkun-romkun Allah, mbape rari bero kon ne nfasna. Ndariria kofir, ndari I ryama, kon ndo riya nari komnis I snar koman I ro kanggon Airya ma mamnis airya. ³ Inari snonggu besuaber kakiar rine ro Kristus, imu farsren bakn airi ndari Kristus imu isren. ⁴ Faro snonggu bebe sasa sya so sandeu prentah snar sasardia sirya sedofen faro prentah. ⁵ Mkon mkofir alari Kristus byardi sane kiyokef sasar,ma ndo I fararur sasar ba. ⁶ Nari snonggu bekon do rbar I ra sifararur sasar ba. Risya faro snonggu os bye sasarba,nari sman ma sfir I. ⁷ Romkun aya sya mkon, mkorir awer mkon faro snonggu byau nanyan au. Snonggu ina befararur bemnis sya simu snonggu bemnis. Nimnis ndari Kristus imnis. ⁸ Snonggu befararur sasar sya sramma ro syetan snar syetan dia mu besasar ndo for randak. Romkun Allah ryama ro babyeba rine, rirya fyafosen fararur-fararur ndo syetan dia. ⁹ Risya faro snonggu os idiadi ro bondin Allah, fararur sasar ba snar romkun Allah dirya isya ro bakn Airya, ma ra bye sasar ba snar idiadi ro Allah. ¹⁰ Nndo berya rine, sei bebe romkun Allah ma sei bebe romkun bilis, ndo riya kofir yaye. Snonggu befararur babye dia ba sya srama ro Allah ba rarirya so faro snonggu besuar min asisya ba sya. SALING MENGASIHI ¹¹ Snar ndorine wos fakako bepon mkomnaf ndo randak, rirya kon inari kosuar yaye kon. ¹² Mbo ra korari Kain, berama ro barbor ma Bemun mawari. Ma isof ndariyo eri Kain mawari rya? Snar rari fararur Kain ainia na bieba mbo farararun mawari nia nam nis. ¹³ Min ayasya mkon mko kandor awer mbur sopde riyayin mkon di. ¹⁴ Kofir ndari komkirbur marmar dia mbo koniapes faro babye dia snar kon koswar min akonsya. Snonggu bena sasuar ba faro min asisya sia skondo marmar dia. ¹⁵ Snonggu sesi beyayin min asisya rya simu smamun, ma mkon mkofir nari mamun diamu rna bebye osba ro bakon arya. ¹⁶ Ndarya ri kon kofir saswar, rirya ro Yesus Kristus berir kenem faro kon. Ndariria kon so korir kenem akonia faro min akonsya. ¹⁷ Mbo snonggu bebero nana sopma beman min airya ryo abro, ape niosen sneri faro min airya, ndariyo faro sasuar Allah risya ro snewar berya iya? ¹⁸ Romkun ayasya mkon,mkorama kosasuar ndo kuker wos do kaprerba, mbo kuker farurur ma bemnis. ¹⁹ Ndo berya rine kofin konsya kofiafer ndo babye ma kopok snewar akonia do borpon Allah. ²⁰ Snar snewar akone nkarm kobesasar, Allah ibua syandiw ndo sraruser snewar akone snar Imu fir romdiriapa. ²¹ Min ayasya mkon yase yasuar mkon,mbur mkokarem sasar bero mkon. Mkon mkona kakiar ndo borpon Allah. ²² Romna pa na kar nia, kosuabr na ro Allah snar kon koso user prentah-prentah ro I ma kobe romna ina bemnis faro I. ²³ Ma ndorine prentah Allah,rirya insane kokiar ndo ros non Romkun airya, Yesus Kristus, ma kon konsya kosuar yaye kon ndari inggarem prentah faro kon. ²⁴ Snonggo bewaf prentah-prentah Allah, sisya ro I, ma Allah isya so berya iya. Ndo rine, kofir ndari Allah isya bakn akonia ndarirya Rur ndo Allah re maro kon.