(Ninopase Etagepogot en Jinogo Haligin Iluk Daud Wene Weretike Wene) ¹ Eki ake ati oba At Salomo nen igilogolik, "Ninopase Etagepogot en anepalek oba nen igilogolik at ebe o ohena a'la mumikaksekma aloma eluk were o. ² An nen Hat hebe logousak oba hesik o wurogo haigin, ai Nopase Hetagepogot. O wurikmo ake motok hanoma, oguluk ake Hat motok lagousak oba hesik" at Salomo nen ane isike ³ At Ninoe kain Etage werek Salomo eloken su oba leberogo nen apuni Israel mene inebe obogat lapukogo metek werekma hanorogo halogo hisasike. ⁴ At en igilogolik, "Ai Nopase Hetegapogot hoba, Ninopase Walowak Israel mene ninoba, Haligin iluk egen anogo arat halena At ane palek oba an nopase Daud yogoten. Yire Ninopase Etagepogot ane palogo hike yi, ⁵ 'Alebat apuni Israel mene an nen o Mesir en inebe tegelogo wogosek wulibiwaigi atiba. Nen ineke huli uan huli atiba re, An nen apuni Israel mene nen tagamake mene o sili halogo wurogo logousak oba iluk oguluk an netage oba penogo ake wanilek. ⁶ An yogotak yi nen o Yerusalem wanigin igi atiba nen an netage o loma logouagak en nen Daud ebe inoe kain etage werek ageinapuri Israel mene hesik logouagaluk wetewerogo higi ati.' ⁷ An Nopase, Daud nen Nipase Etagepogot hesik Ninopase Etagepogot etage oba, Ninopase Walowak Israel mene inoba awi wusigin iluk a'la nen agigilaike. ⁸ Ninopase Etagepogot en anepalek oba an nopase ygotigilogolik,' Daud hat hala nen An netage oba nawi wusigin igiluk hala ebetelagen, atire motok hano. ⁹ Meneat he o ati hat nen wusigin lek, we hat haput ap ake tasigin halok at nen o ati an netage oba wusigin.' ¹⁰ Yogotak, Ninopase Etagepogot en ane palek oba ike hagat arat halik liilogo. Yogotak an nebe nopase Daud ugulukmo inoe kain netage werek hagalagi. Yogotak an nen apuni Israel mene hesik hagasek logouagaluk Ane palek oba isike higit hogo hagala. Nen an nen Ninopase Etagepogot, Ninopase Walowak Israel inopa etage oba o arat wusigin. ¹¹ An nen Ninopase Etagepogot ane huli warek palek anogo Ninopase etagepogot awi o wurikmo a'la arat halogo higi. Ninopase ane palek a'la wene warek apuni Israel hesik isike mene re wene warek ati a'la welaike.'' (Salomo Nen Wesa Halike Wene) ¹² Atiba lagakogo at Salomo nen Ninopase Etagepogot awulikin halek elokoma melaikesik apuni Israel mene inebe atogorek werekma ati nen eki auak halike, ¹³ At nen wene yogosikilogousak oba uguluk tembaga mene oba uan hogo 2,5 ilire walogo halik, nen uguluk langhogo hesik 2,5 ilire walogo halik, nen liabek mene hesik 1,5 ilireke walogo halik isikesik ebe logouagaluk etake mene eken tulek hisike. Anogo halikesi en at ebe wene yogosigilogousak hesik halike anogo oba lagesikesik ati nen apuni Israel mene inebe ogogat lapukogo atogorek werekma ati nen eitep abi yagasogo hularik eki pogot oba liakesike. ¹⁴ Ake nen igilogolik, "Ia Nopase, Walowak Israel mene inopa, pogot oba nen keangma yoma hogoratarek mene Hat hino higit hogo motok lek. Hat apuni hetabi nen hane huli warogo hisigin. Nen Hat en wene abok isigin mene higit aga. Hat en apuni inoba hesik hano it inetauken oba nen abireke waganogo Hat hobolik waika. ¹⁵ Hat en an nopase, Daud arat wene abok yogotigin a'nogo, nen Hat isigin higit at aike. Wene palek hokawerek Hane egen oba nen Heki oane werek Hat en yogotak arat halogo hegen yi. ¹⁶ Yogotak, Ninopase Etagepogot Walowak Israel mene inopa, Hane huli warek haput Daud hago werek. Yire Hat en hane hane huli waten mene: Hat hane egen mene, 'Daud, hat haginapuri nen hane egen mene eberogoat hologo higit hogo hagata halok, hat en tagomake mene inebe atiba inale hurek logousak oba apuni Israel mene wogosasigi motok logogun,' ¹⁷ Ake inomat lagakogo, ai Ninopase Etagepogot, Walowak Israel mene inopa, Hane haput Daud oba egen mene ati weinem selekma logouwak. ¹⁸ "A'nogo mene at he ai Walowak nopase, eberogoat Hat o keangma yoma ninom omakima logegin a? pogot obogat lapukogo pogot ake uanat mene oba Hat halogo a'la hagusak mea, ati hake o okawerek awi an wuti yi. ¹⁹ Mene at he an haput nen wesa halilogolik hoba kino igi mene ari tak lebenean, ai Ninopase Etagepogot, Walowak an mene. Ninane ogo mene ati hasuk holik nen an haput wesa hali yi Hat hoba hekiba hibagi. ²⁰ Hat en likene huako heileken hekenak motok logolik o okawerek awi wurik yi oba logolik nen oguluk Hane egen mene hesik Hetage oguluk yi oba hugun. Wesa hoba hali holik an neloke o okawerek awi wurik higit logolik hali yi. ²¹ Haput wesa hali hasuk holin nen haginapuri srael mene uguluk yi wesa halelogolik Hat hoba horogat wirilugi. Nen Hat hogo o pogot oba nen hasuk holen nen nit hesik Hat hasuk holen halok weak halo mene sagalogo legetsano. ²² Ap ake nen weak ake welek mene haligin halok, it inokawerek en eberogoat mene homan hagik nen eberogoat iluk wirik wulikin halek oba soulam o okawerek awi wurikmo yi nen usak, ²³ Atiba nen o pogot oba nen asuk holilik it weak hagata mene higit hogo halogo hisawesusak. Nen it ati re eberogoat halok, ebe yinogo iluk nit yogonisamo re it weak lek usak. ²⁴ Nen Hat heginapuri Israel mene Hat hoba weak hala, ati nen it inaselei mene nen mabenetsaga. Atiba it en lagakogo Hat hoba waika nen Hetage hogotapa. It en o okawerek awi wurik weak halogo hega yi, ²⁵ Ati nen o pogot oba hanoma nen hasuk holino nen haginapuri Israel en weak hagata mene sagalogo legetsan. Keang it mene inopi inopalak Hat en arat wogosegen mene nen inapotke lagakogo wogosek lan. ²⁶ It en Hat hoba weak hala, Hat en it werekma atoma moso ake biesuak lek iluk halike. It en wesa oguluk halek yi igik nen it Hetage esinetapik isukwa ati Hat en it yiak tiak halogo hisegen, nen it en weak hagato e iluk isukwa, ²⁷ Nen, it wesa ikenem o pogot oba hanoma aloma nen asuk holilik nit weak halo mene sagalogo legetsan. Nit haginapuri kwe hanoke nineluk motok logolik eberogoat mene haluke yakunisan. Nen keang Hat en haginapuri wonisegen mene moso wonisan. ²⁸ Ake sat supuruk no agik, ou akeba nen akeba agik, awi yago weak agik, gandum obake weak agik nen eluke pulue athe elueke magatik matek mene oba kapokogo hagalagik, athe it inaua inaselei mene nen o walinggirogo kolaksigik, at he ou ake weak mene it inoba agik, ²⁹ Atiba nen omakaragun halok athe inebe obogat hat haginapuri Israel mene nen o okawerek awi wurik oba yi wesa halelouak, ³⁰ Atiba nen it wesa halenem o hat hoguluk welagatek oba pogot oba hanoma atoma nen hasuk holino, nen apuni inala ebetarek mene Hat halik halagat helu, Hat en it hesik wene hano mene sikopogo palino, ³¹ Atiba nen Hat haginapuri Israel mene it en keang Hat en inopi inopalak wogosegen oba atoma logolik hagotapilogolik higit hogo hagatilouwak. ³² Apuni etake mene nen hat hesik inasuk hola hebe esin hoane apik. Ati nen it inebe inaua o walegat en wirik nen o okawerek awi wurikmo yi wesa halelougun, ³³ Ati nen hat hoguluk o pogot oba hanoma welagatek oba nen it inane hoba liaiaiga mene ati hasuk holino, ati nen apuni keangma mene inebe obogat lapukogo ineluarik nen apuni Israel mene Hat inayuk hogo welaikarek hak inayuk logouwak. Atiba, apuni inebe obogat lapukogo Hat hetage inelu arik o okawerek awi wusigin yiba wahetelogouwak. ³⁴ Hat haginapuri inaselei mene inom weim yabiloagaluk lani egen a'nogo, Hat en it kake lasak segen halok, nen it en wesa hat hoba halasik o sili ake hat en wetewerogo hegen a'nogo nen okawerek awi an nen Hat hogotapelogousak oba wuti, ³⁵ Ati nen it wesa halanem hat hogoluk o pogot oba hanoma nen hasuk holen, nen it leberisano. ³⁶ Haginapuri nen Hat hoba weak hagata halok, nen apuni ake weak halilek hano nak welaikarek lek ma, nen Hat en it inoba wene palen nen it heraksegen ma inaselei mene nen it mawenetsaga. It inaselei mene nen ineki hele warogo nen o it werekma walekma ke nen ake horogat ke wogosek laukwa, ³⁷ Nen it en nahalok weak halo he iluk isukwa,nen o keang welekma laksasukwaba atoma logolik wesa hat hoba isukwa. It en igilogolik,' nit en weak arat hagato nen weak asusak oba halo' ³⁸ It en inapotke inetauken oba nen inala ba nen o it ineki hele warek werekma atoma nen hat hoba inapotke waika, nen it wesa halilogolik o Hat en it inobi inopalak wogosasigin mene nen o sili Hat en wetewerogo hisigin mene ake o okawerek awi, Hat hetage oba an nen wusigin, ³⁹ Ati nen o pogot oba hanoma Hat welagatek oba atoma nen hasuk holino. It en lebenisan iluk wesa hoba liaiaiga ati nen it leberisan. Haginapuri Hat hoba weak hala mene sagalogo legetsano. ⁴⁰ Yogotak ai Walowak an mene, an nen Hat hoba kino igi, heileken nen hesako lek nogo. Nit sapan Hetage palogo hoba liakeiago yi hasuk holik nen oko yogonitik in. ⁴¹ 'Yogotak, ai Ninopase Etage pogot Walowak, helugarik nen oguluk hokawerek higat mene halek oba eme re, Wene warek ati nen hoane wokosigin. Ai Nopase Etage pogot Walowak, ap walowak Esewerek Hat mene su telinaperek mene inogat laberogo werek.I nebe Hat wereke aikasik inawerali agilek hano werek mene ati wene hano oba nak werek. ⁴² Ninopase Etage pogot Walowak, inoe kain etage werek ukuloak an nen sebeli mene hat en wanin. Haput Daud aberali lek welagarek a'nogo ebe helurogo logeino. iluk yogotike.