¹ Salomo nen yabu Ninopase Etage pogot awi hesik obogat lapukogo arat halike. Anogo nen opase Daut en at wogotike mene obogat lapukogo wolok waike, opase awi ati hesik he obogat lapukogo ake perak nen emas nen obogat welagarek mene nen waganogo Walowak awi wurik'mo logouwagaluk hisike. OKAWEREK AWI WURIK TEGELAK HANO WASIK KWE HUTUKWA (pasal 5:2-7:10) (Wene Warek Tegelek Hano Welagarek Mene Waganogo Ninopase Etage pogot Awi wurik'mo a'la Hikisukwa) ² Salomo nen apuni inalugetek Isarael mene nen ukuloak hugi inebe obogat lapukogo ake ap ukuloak apuni Israel mene, wene warek hisike mene o Sion,Daud awi silimo wolok lasak hesik inebe o Yerusalem natogotukwa. ³ Apuni Israel mene inebe o silimo inoe kain etage werek Salom werekma ineki tukgi paigoak oba natogotukwa. ⁴ Ati like Israel mene inalugetek waukwa, apuni Lewi mene nen wene warek a'nogo hapokogo wanukwa ⁵ Nen hapokogo wanilogolik ato tegelek hano o wurik ati a'la welagarek mene Ninopase Etage pogot wai wurik inom obogat lapukogo wanukwa. Obogat lapukogo apuni walowak esewerek mene nen apuni Lewi mene nen wanukwa. ⁶ Inoe kain etage werek Salomo nen apuni Israel mene obogat lapukogo natogotukwasik en wam kambing domba nen Lembu abigat mene ineki wenasusak mea warogo lolukwa. ⁷ Atiba lagakogo ap Walowak esewerek mene nen Inoase Etage pogot en wene warek hisike mene a'nogo oguluk halogo hesukwaba wolok hilaukwa. Oguluk ati okawerek aligat mene hesik Ninopase Etage pogot awi wurikmo a'la sekelek welaike. ⁸ Wene warek a'nogo kerub pogot oba nen yoko pelaksawagarek mene aliwit waganek hake ati ogolabi langhogo wene warek oploba welaike, atiba wene warek ake e nukulik lago oba abel poke welaike. ⁹ E ama ke hago welaike ati uan nen ilugun o aligat mene sekelek oba soulam en ineileken lakekilaukwa, meneat he Ninopase Etage pogot awi wurik etama nen laksak mea welaike. Atem ebe re yogotak ya pikirat werek yi. ¹⁰ Wene warek werek ati ake welek mene lek we helep pire mene oba wene palek Musa nen a'la hisikomo werek, apuni Israel mene o Mesir en arat wulubukwama, Walowak en apuni Israel mene inom o Horeb en ane huli warogo hisgaluk hisike. ¹¹ Walowak Esewerek welaukwa mene inebe arat soalik laukwa. It inebe inaliketek it atogorek welaikarek higit hogo inebe lopok o okawerek aligat awi sekelekma nen wulubukwa ¹² Etai watuke inukuloak Lewi mene ati Asaf, Herman, Yedutun nen inaginapuri ake apuni it mene o abel mo yegelogo liaiagarek akit metek welaukwa wulikin halekma su lenan su eil lioksek mene igigik nen ceracap, Gambus, nen kecapi hago welaukwa. Walowak Esewerek mene inebe 120 oba etai watuke Lewi mene ati inom omakima welaukwa, it en pikon trompet anetigilaukwa. ¹³ Trompet watarek mene nen ap etai egarek mene Ninopase Etage pogot hogoratik nen hai watik usak hesik inane inasuk hiligik apine-apine ero sialelaukwa. It en etai watilaukwa trompet, ceracap, nen pikon ato hunogoat mene oba Ninopase Etage pogot hogoratilaukwa. It etai watilaukwa, ''Ninopase Etage pogot, Yia, Hoabut hano nen, Yia' wonisiko kolek, Yia' Hano inapokolek, Yia' Neneluk motok logogun, Yia' Ninesok motok logogun, Yia' Ninoe Yesus hogorasuok Ninoe karisus Hogo rasuok. ¹⁴ Ap Walowak Esewerek en wesa usak oba o hena ati nen igilek kamoisukwa. Wene ati hagalaike Ninopase Etage pogot en omame Ninopase Etage pogot awi wurikmo pelaiwaike. iluk isukwa.