(O Yerusalem Sanherib En O Latike Wene) ¹ Wane Obogat hagalaike ati Hizkia nen hano hagatelaikeba, Sanherib, inoe kain etage werek Asyur mene o Yehuda mene werekma inoasigeluk waike. Sanherib nen ap esa holek o lese halogo o sili leget hake temetilik laukwa. It inebe motok inoarik nen o sili atoma sewelugun iluk at en isike. ² At Sanherib en o Yerusalem inoasiwesigin isikomo Hizkia elu aike, ³ Atiba Hizkia nen ap weim mene inoe kain nen ninghogo huko oane werek mene oba hesik igilogolik i elesi o silike wulibilogo mene obogat yagarik lano. It en Hizkia lebetasukwa. ⁴ Apuni inebe motok apigat waukwasik nen o atoma i elesi ke nen i hamuke lagarek mene obogat jagarik laukwa ati. It en igiogolik, "nenahalok inoe kain etage werek Asyur mene yoma wisigin nen i apik yoma asigin?'' ⁵ At Hizkia nen leget wurik ato obogat mesalaike mene hobuk arat wutike. At en opoloake ineileken logousak oba kayo menigik wutike, at en hogo re leget ake etage wutike at. At en Milo oanetisike, Daud awi silimo weim ekat kawolik nen sin ikogo lagigik a'la mene motok hukoat halukwa. ⁶ At Hizkia nen ap kain ukuloak weim mene hugi nen apuni it mene atogorinabusak hesik wetewerinapike, nen it o silimo kwe ape oba atogosusak hesik kino isike. At en it yogosigilogolik nen inetauken alik lek hogo, ⁷ ''Hit hinetauken hapukogo nen hinoanerogo. Inoe kain etage werek Asyur mene nen ap esa holek inebe motok apik ati nen hit hinayuk agup ake hinoak awolok ugup. Nen it inebe werek he hamulugat mene re nit ninebe motok hukoba welago! ⁸ At inoe kain Asyur mene serisek werek ati re apuni inekiba,meneat he nit senisek werek ati re Ninopase Etage pogot, Walowak nit mene nen At en weim halenem nit hesik haligin!" Izkia Yehuda mene inoe kain etage werek en it inala akiluk hogo inoanerogo hisike. ⁹ At Sanherib, inoe kain etage werek Asyur mene nen ap weim esa holek inebe obogat o sili Lakhis oba horogat o lese halogo welaukwa, anogoba at en Hizkia,inoe kain etage werek Yehuda mene nen apuni obogat lapukogo o Yerusalem mene inoba ap ake yogo lakesike. Ap ake ati wene warek wolok Hizkia nen apuni obogat lapukogo o Yerusalem mene inoba laikesik, ¹⁰ ''At Sanherib, inoe kain etage werek asyur mene nen yinogo ike: 'O yerusalem yi arat o larogo hinoasuogoluk ikokolek meneat he namene oba hagogotegesip welagep? ¹¹ At Hizkia nen "Ninopase Etage pogot, Walowak nit mene nen inoe kain etage werek Asyur ekiba nit telenabigin ike ati hit hinebe walagik supuruk lek agik nen i nele agik uagan iluk apeliak en ike.'' ¹² Ukuloake warogogo loletarek mene nen Ninopase Etage pogot awulikin misalogo lakesike iluk ane oba apuni Yehuda mene nen Yerusalem mene yogosigilogolik hit en wulikin omaket oba nak hogoratelogoni nen oasi hano mene lolik igilogoni iluk Hizkia nenat halogo hisike anogo lek nogo? ¹³ At he hit hinokot nogo, an nopalak nen apuni inukulaok welek mene inebe obogat lapukogo hesik arat an haligi? Walowak keangma mene apuni weleke ne hogoratarek mene nen ageinapuri an nekiba telinabigin nogo. ¹⁴ At sa nen walowak apuni inukuloak lopok keangma hogoratarek mene obogat arat an nopalak en weagarogo lakesukasik apuni hat mene an nekiba nen kopokogo laksasike? anogoba Hat mene hopase Eatge pogot en an nekiba nen kopokogo lakaigin? ¹⁵ Hizkia apeliak en lahinapik nen hinetauken sebelik usak motok lek. At ane ati eberogota iluk usak lek nen walowak apuni inukuloak welak mene ake inetage werek welakma mene nen hat hageinapuri an nekiba nen an nopalak, kopologo laksasuka, ati nen an nen hat hoasinogo iluk hat hopase Walowak en legetigin iluk ha'la ebetun.''' ¹⁶ At Sanherib ayubu halarek mene hogo nen igilogolik Ninopase Etage pogot, Walowak nen Hizkia opase Walowak atitigeke oba wene palukwa. ¹⁷ At inoe kain etage werek Asyur mene nen suesika oba Ninopase Etage pogot, Walowak Israel mene awok palike mene holal palike. Suesika oba holal palike mene ati ebe re yi: ''Waloloak apuni weleke hogorata mene nen apuni at mene an nekiba nen kopologo laksegen lek, anogo hagat Hizkia mene opase Walowak en apuni at mene an nekiba nen kopologo laksegen motok lek.'' ¹⁸ It en ibrani inane oba apuni Yerusalem mene o sili leget obake werekma inayuk agik nen inetauken lek agik uak en iluk inane koigi'laukwa. It en agono halelaukwa yi o sili it en sebelugun iluk halelaukwa ati. ¹⁹ It en Ninopase Etage pogot Yerusalem mene hesik igilaukwa heke eperak higit at it en walowak keangma mene apuni inukuloak hunogoat mene hesik igilaukwa, ati ebe re apuni inekiba auak hagarek mene. ²⁰ Nen inoe kain etage werek Hizkia nen wene yogosikerek mene Yesaya, Amos aput eperan en sapan inane hukorogo pogot oba liakesukwa. ²¹ Anogoba Ninopase Etage pogot nen pogot oba nen yogo pelaksawagarek mene nen inoasuak en iluk laksawaikomo weim inayuk lek inoagarek talukserah, ukuloak, nen weim mene inougi o lese halekma inoe kain etage werek Asyur a'la welaukwa mene inebe obogat lapuk hogo inoatike, nen inoe kain etage werek Asyur mene ekali aluk at aua apoke laike nen at ogareken hogoraterek oba a'la kisike, nen at ageinapuri weim ekat kawolek mene oba inoatike. ²² Anogoba Ninopase Etage pogot en Hizkia nen apuni Yerusalem mene Sanherib, inoe kain etage werek Asyur nen apuni inebe obogat lapukogo inekiba nen inoasusak mene telinapike. Hizkia nen o Yerusalem ke welaukwa mene Ninopase Etage pogot en hagasek welaike. ²³ Apuni inebe apigat en Inopase Etage pogot hesik wolok o Yerusalek waukwa. It en yimene timene oko uan at mene wolok Hizkia, inoe kain etage werek Yehuda mene oba waukwa. Huli ati nen pikit, apuni inukuloak lopk en Hizkia auguratelaukwa. ²⁴ Ineki ake like Hizkia oba ou akesik walalep mene, at en Ninopase Etage pogot oba sapan isike nen Ninopase Etage pogot en ane Hizkia oba hunigat mene at wogotike. ²⁵ Meneat he, at Hizkia nen Opase Walowak hanotisike mene haiwatilek hesaksasike. Ati nen he, Ninopase Walowak en Hizkia, apuni Yehuda mene nen Yerusalem mene inoba hesik wene palike. ²⁶ Mene at he Hizkia nen apuni Yehuda mene o Yerusalem welaukwa mene inetauke hatagata'gigilogolik inebe sebek isukwa, atiba nen Hizkia ebe eluk werekolek Ninopase Eatge pogot amage it inoba higilaike. ²⁷ At Hizkia ebe agouk pauk hogo hikenem, agarok eimo wulalak welaike. At en emas,perak,helep elage halek mene, al tagalek, sin ugu, nen yimene timene hano mene hugi higilogousak oba hesik oguluk halogo hesike. ²⁸ At Hizkia nen supuruk nasi eken palek, e anggur eken ket mene aplek, nen amus at wogotenem huguke o ake sekelek welaike. At mene wam domba awi wurik welaike. ²⁹ At Hizkia mene o sili werekma wam kambing domba nen lembu sapi awi wutike. Ninopase Walowak en at agorok yimene timene apigat wogotike. ³⁰ At Hizkia nen i larogo hilik o Gihon elugun oba abel omoke nen ako halogo abel ma,o mo eileken kopokogo kikerek ma o Daud awi silomo lakesike. Nen at en yimene timen halenem hanonak haga'lagalaike. ³¹ Ineki ake like inoe kain etage werek Babel mene nen Hizkia oba hunogoat elalin mene it apuni ati inoba hagalagalike ati nen wene hinok wokasak hesik lakewaike ati, at a'la wolok waike mene ikenem elu asuagaluk Ninopase Walowak en Hizkia alagat halogo hisike. ³² Yihage tihake Hizkia nen halelaike nen Ninopase Walowak etawi tarilake mene suesika a'la holal palek nen a'la palek werek. ³³ At Hizkia ebe walaikomo nen opalak salinabukwa oba omakima salukwa. Nen at ebe hetaksekma Daud en tagomake salinaparek oba salukwa. At ebe walaike ati sat, apuni Yehuda mene nen o Yerusalem welaukwa mene inebe obogat en at hesik hai worogo lakesukwa. Nen ugulukmo at Manasye Hizkia aput inoe kain etage werek ket mene hagalaike.'' iluk isike.