¹ Wam mauge ineki 7 nen warogo, Yoyada nen ap esa inebe 100 en ukuluak hugi ayuk legat inom apiauwa. It inebe ati re Azarya Yeroham aput, Ismael Yohanan aput, Azarya Obed aput, Maaseya Adaya aput, nen Elisafat Zikhri aput inom inane amusu palukwa. ² It inebe o sili Yehuda laukwasik en apuni Lewi mene nen ap ukuloak hugi Israel mene inebe obogat atogorinapukwa. ³ It inebe obogat atogotukwasik nen Ninopase Walowak awi wurik inoe kain etage werek welagarek mene inom inane huli palogo hisukwa. ⁴ Hit en yi re halusak: hit hinebe welagasep higit hogo henagan oba wagep, Walowak esewerek ake apuni Lewi mene yabu hineki wesa oba hagalaganem kwe ape oba jaga kagalek logousak, ⁵ Hinukuloak etage salek henagan oba mene o ap inougi kain tek inetage werek welaikarek oba logogun, nen hinebe hunukul etage salek henagan mene ake kwe ape palek oba alep agik mabin palek oba logogun, nen ake hetakit he Ninopase Etage pogot awi wurikmo soulam logogun. ⁶ Apuni hunigat mene ake Ninopase Etage pogot awi wurikmo ake kigiloge'inogo. We Walowak esewerek mene nen apuni Lewi mene Ninopase Etage pogot ayabu halarek mene it ati inebe tegelek hano welaikarek ati nen elok kusak, atinogo mene at he inebe obogat he Ninopase Etage pogot mene ayabu laluagaluk wogosike mene higit hogo at halusak. ⁷ It apuni Lewi mene nen pisok hesogo inoe kain etage werek eraluke jiling waling logousak. Apuni it ake mene Ninopase Etage pogot awi wurikmo kega halok enebe motok inoano. Hit en inoe kain etage werek at wuli kigik ikenem hinom motok logousak.'' ⁸ Apuni Lewi mene nen inebe obogat apuni Yehuda mene inebe obogat Walowak esewerek Yoyada nen halusak ikenem serogo welaukwa. It en ap ake inasike werek ineki wesa egarek oba jage logousak hesik mel nen ake ineki wesa egarek lek oba logousak hesik wogoi'napukwa, ati re apuni walowak esewerek mene inebe ake Yoyada nen yabu haluagaluk wogosigilek. ⁹ Walowak esewerek Yoyada nen sige wogosasike, sin ugu hamulukelak mene nen walingik ugu inoe kain etage werek Daud hago welaike mene o Ninopase Walowak awi wurikmo ap ukuloak inebe 100 huliba werekma welaike mene wogotike. ¹⁰ Anogoba at Yoyada nen it inebe metek logousak oba yogosasike. It inebe lopok sike inekim hesogo o Ninopase Etage pogot awi wurikmo kwe eboke ineki eboke peike metek welaukwa, ake wulikin ape hubulik oba awel heta-heta nen Ninopase Etage pogot awi wurikmo inoe kain etage werek jage kagalek welaukwa. ¹¹ It en Inoe kain etage werek aput wolok wulibukwa nen kare-kare misago ukuloa ikisukwa nen ake Ninopase Walowak ane yinogo halelogousak lek iluk holal palike mene ake welagat werekma wogotukwa. Anogoba nen Yoas ebe inoe kain etage werek halogo ukuloak sepelogo amusu ukuloak oba kesalogo hisukwa. It en igilogolik'' Inoe kain etage werek at logouak!'' isukwa. ¹² At Atalya apuni homisik o Ninopase Etage pogot awi wurikmo lagalogolik he inoe kain etage werek hogoratenem it inane asuk holike. ¹³ At en inoe kain etage werek ebe e atulik telik inoe kain etage werek kwe kikerek oba metek werekma eileken hasike, ap ukuloak hugi nen apuni pikon trompet ane togon mene hugi inebe inoe kain etage werek eralu horogat welaukwa. Apuni o atoma welaikarek mene inala hai nen pikon trompet ane tasukwa. It etai watarek mene pikon watik nen apuni ake etai wasusak oba yakulisigik isukwa, nen Atalya su ogat laberek awologotigilogolik mel isike, "Weak hagarilugi!weak hagarilugi!" isike. ¹⁴ Ninopase Walowak esewerek en ap ukuloak inebe 100 en mene wogosek wulipike. At en it yogosigilogolik, "Atalya ebe ap esa holek inala nen wulipe. Apuni ake at inom aigasik werek mene inoano sige oba inebe motok inoano." atiba Walowak esewerek ati nen ap esa holek ati yogosasike," O Ninopase Eatge pogot awi wurik oba nen Atalya ebe wasusak'lek." ¹⁵ Atiba nen at Atalya inoe kain etage werek welagarek oba wam kuda werekma kwe ape oba hagesukwa, nen ebe atoma watukwa. ¹⁶ Anogoba at Yoyada nen apuni inebe obogat inom nen inoe kain etage werek inom inane huli palogo hisukwa. It inebe obogat en it inebe Ninopase Etage pogot ageinapuri hagalasugun isukwa. ¹⁷ It enebe obogat en tugi hareken awi wurikmo laukwasik nen misalogo lakesukwa. It en wulikin tugi harek ako warogo loletarek oba mene mesalogo lakesukwa nen tugi hareken ake welaike mene inom Matan inomat watukwa, tugi hareken esewerek o soulam tugi hareken hogoratarek oba. ¹⁸ Ninopase Etage pogot awi wurikmo yabu hagatelogouagaluk at Yoyada nen ap Walowak esewerek mene nen apuni Lewi mene arat Daud en suputike mene inekiba hisike. It en okawerek hesik warogo Ninopase Etage pogot hesik loletukwa ati re Musa nen yogosasike higit hogo halukwa. It en okawerek hesik inala hai rogo wogotukwa nen Daud en isike hagat etai watukwa. ¹⁹ At Yoyada nen Ninopase Etage pogot awi wurikmo apuni inebe ake tegelek lek jugunat welaikarek mene kinogo iluk, kwe ape palek oba jage logouagaluk hisasike. ²⁰ At Yoyada nen ukuloak esa 100 en holek, ap ukuloak apuni ake mene hesik jage hisasike, nen apuni inebe obogat o atoma welaikarek mene ati inebe omakima hagalarik inoe kain etage werek Ninopase Eatge Pogot wolok wulibukwa. It en kwe ape palek apel poke mene oba wulibukwasik en inoe kain etage werek ebe hurek welagarek oba abel poke hutesukwa. ²¹ Apuni Yehuda mene inebe obogat inala hano aike, nen Atalya ebe sike oba arat watukwama o sili Yerusalem wene hano hagalaike.''iluk isike.