(At Ahazia Ebe Inoe Kain Etage Werek Menhisukwa Wene (2 Raj 8 : 25-29 ) ¹ Nen apuni Yerusalem mene nen Ahazia menisukwa, Yoram aput hobuk mene at ogulukmo inoe kain etage werek ket mene halogo hesukwa. Wene yi hagalaike ati ebe re at ageinapuri inaluetek negen mene arat selei o Arab en inebe omakima wagalogolik o lese wurikmo ati werekma inoatukwa. Ati nen, Ahazia, Yoram aput ebe inoe kain etage werek Yehuda mene hesik hagalaike. ² At ebe wam mauge 42 huli nen warogo aweama hagasek logousak oba hagalaike nen at en o Yerusalem aweama hagasek welaike eki wam mauge omaket watike. Agosa etage Atalya,Omri aput. ³ Ahazia ebe oabut welaike re apuni Ahab mene inoabut welaukwa eperak motok higit, nen agosa nen weak haluagaluk yogotilaike. ⁴ Ninopase Etage pogot en lakasi hak at Ahazia oabut he weak hagatelaike, oabut he apuni Ahab mene halelaukwa higit hogo halelaike. At opase ebe walaikomo re apuni Ahab mene nen Ahazia asuk watuke hagalaukwa hagalarik wene weak mene asuk watenem inebe walasusak oba hagalarik waike. ⁵ Ahazia nen apuni Ahab mene nen asuk watukwama nen inoe kain etage werek Yoram eperak laukwa, Ahab aput inoe kain etage werek Israel mene nen inoe kain etage werek Hazael Aram mene o sili Ramot Gileag inoasuogeluk laukwa. Apuni Aram mene nen weim yapelogolik Yoram tok watukwa. ⁶ Hazael inoe kain Aram mene eperak weim yapilogolik watukwama. Yoram oba ou haluagaluk o sili Yizreel laike. ⁷ Ninopase Walowak en arat hagalasuak iluk isike oba hit Ahazia ebe walasigin higit hogo at en Yoram oba laike ati, laukwa ati, Ahazia nen Yoram eperak en Yehu Nimsi aput inom apiaukwa. Ninopase Etage pogot en apuni Ahab mene hesik inoasuagaluk Yehu wetewerogo menisike. ⁸ Ineki ake atiba apuni Ahab mene inoatike. At en ap inougi kaintek Yehuda mene inom apiaukwasik nen apuni Ahazia mene nen Ahazia ayabu halelaukwa. At en it inebe obogat inoatike. ⁹ Atiba lagakogo Yehu nen Ahazia heratike. Yehu agot at ebe o sili Samaria hinago werekma hakesukwa. It en Ahazia wolok Yehu oba waukwa. It en Ahazia ebe watukwasik en Keangma salukwa. It en igilogolik, "Ahazia ebe re Yosafat en tagomake mene, ap ati etauken oba nen Ninopase Etage pogot ane hologo halelaike. "Apuni Ahazia mene nen ake inaweama hagasek logousak mea hagalaike ati. (Atalya He Mene Kain Welaike Wene) ¹⁰ At Atalya, Ahazia agosa eilekan hasike re eak arat walaikomo, nen at lagalogolik inoe kain etage werek en tagomake mene motok inoarik laike. ¹¹ At Yosabat en Yoas aput Ahazia wolok laikesik en inougi kaintek inetege werek inageinapuri inoatukwa mene werekma inala hinagasogo hisike ati. Atalya agaserogo Yoas ebe wolok nogo egarek oba logouagaluk hinakesike,atiba at wasusak oba lek hagalaike. ¹² At Yoas ebe ap Walowak Esewerek mene inom o Ninopase Etage pogot Walowak awi wurikmo hinago werekolek eki wam mauge 6 tahun huli hagalaike. Ineki atem welaukwa etem oba re Atalya ebe kain he mene aikesik o atoma aweama hagasek welaike ati. ''iluk isike.