¹ Kre ni', teguu' jehima atang, lim imam kuhung dahin lim ukuu'-ukuu' bangsa anaan apii' keputusan peji' mengenai Jisus jung ngehukum mate' Hia'. ² Dahin, daha' ngatung Jisus, au hiti' gerii dahin mai-Hia' ha Gubernur Pilatus. ³ Teguu' Yudas, alang mai Jisus, lemnang bahwa Jisus d' gaak hukuman, hia' merasa nyesal dahin nekulah 30 keping perak ha imam-imam kuhung dahin lim d' ukuu'-ukuu', ⁴ dahun na, "Akui au bedusa kenaan mai dahaa' alang jaan salaa'." Tapi, daha' duaan, "Nun urusan dahin kame'? Anaan urusan ka!" ⁵ Dahin, Yudas ngetah keping-keping perak anaan ha halam Bait Tipang temoh melaak ina'. Au hiti', hia' leka' temoh ngatung diri na. ⁶ Tapi, imam-imam kuhung apii' keping-keping perak anaan dahin duaan, "Jaan d' laan sang melok ina' halam perbendaharaan kenaan ani' anaan belin dahaa'." ⁷ Maka, daha' apii' keputusan peji' dahin duit anaan, daha' melek tanaa' tukang sapo sebagai nayaan kubor man kelunaan-kelunaan asing. ⁸ Anaan lah sebab na, tanaa' anaan an d' gi 'Tanaa' Dahaa' atang do ani'. ⁹ Dahin demikian, genaap na nun alang Nabi Yeremia duaan: "Au hiti', daha' apii' 30 keping perak. Anaan ka belin man diri-Na alang au d' taksirkan man kelunaan-kelunaan Israel. ¹⁰ Daha' metek 30 keping pera jung melek tanaa' tukang sapo, nekelung alang au Tanangaan suhuu' man akui." ¹¹ K're ni, Jisua nekring ha nang Gubernur dahun Gubernur metang ha-Hia', "Apakah ika' hipi' kelunaan Yahudi?" Huee Jisus, "Ai, nekelung alang im duaan." ¹² Tapi, teguu' Hia' d' tuduh man imam-imam kuhung dahin d' ukuu'-ukuu', Hia' jaan nyuee sama sekali. ¹³ Au hiti', Pilatus duaan dahin-Na, "Apakah Ika' jaan ngering betapa kahum na daha' nuduh Ika'?" ¹⁴ Tapi, Jisua jaan nyuee Pilatus, bahkan man ji tuduhan pun sehingga Gubernur anaan hiran patee. ¹⁵ K're ni, putung do ayaa', Gubernur biasa ngebebas man kelunaan kahum, ji kelunaan tahanan alang d' kehendaki man daha'. ¹⁶ Teguu' do anaan, daha' hipun ji kelunaan tahanan alang terkenal, alang d' gi Barabas. ¹⁷ Jadi, teguu' kelunaan kahum pehengkung, Pilatus metang ha daha', "Hi alang im ikam jung ak usaang, Barabas atau Jisus, alang d' uvi Kristus?" ¹⁸ Sebab, Pilatus jaam bahwa kenaan iri, daha' au mai Jisus ha hia'. ¹⁹ Teguu' Pilatis tengaah melok ha kursi pengadilan, hawaan na ngato' pesan man hia', "Am na alang pamu dahin Kelunaan laan naan. Sebab, akui au kahum peraah do ani' halam nyupee' kenaan Hia'." ²⁰ Tapi, imam-imam kuhung dahin lim d' ukuu'-ukuu' meyakinkan kelunaan kahum jung akee Barabas dahin lemate Jisus. ²¹ Gubernur metang ha daha', "Alang ano' man kedua kelunaan anaan alang im ikam jung ak usaang man ika'? Dahin, daha' duaan. "Barabas!" ²² Pilatis duaan ha daha', "Ha nunaan, nun alang harus ak na dahin Jisus?" alang d' uvi Kristus?" Lim daha' pah duaan, "Saleb na Hia'!" ²³ Dahin, Pilatus metang, "Avin nun? Hia' au na barik ja'ak nun?" Tapi, daha' pebukaak lebih tayaa' uak. "Saleb na Hia'!" ²⁴ Teguu' Pilatus lemnang bahwa hia' jaan ngepaah nun pun, malah petek nahari na, hia' apii' ata' dahin mayo usuu' na ha' nang kelunaan kahum anaan dahin duaan, "Akui jaan te' salaa' usun dahaa' Kelunaan ani'. Anaan urusan ka dap!" ²⁵ Dahin, lim kelunaan anaan nyuee, "Dahaa'-Na te' usun kame' dahin nyaam-nyaam kame'!" ²⁶ Au hiti', Pilatus musaang Barabas man dahaa' au hiti' setelah nyambuk Jisua, Pilayus mai Hia' jung d' Salebkan. ²⁷ Au hiti', lim tentara gubernur gerii' Jisus ha nayaan gubernur melaak dahin mehengkung lim pasukan Romawi pekelilit Hia'. ²⁸ Daha' muka' hakaaw Jisus dahin mtek jubah ungu ha' Hia'. ²⁹ Dahin, au na nganyaam mahkota ulang pejii', daha' mtek ina' ha kuhung Jisus, ji bataang buluu' t' usuu' betao'-Na, dahin besujud ha nang-Na, dahin ngulok Hia', dahun daha', "Salam, Hipi kelunaan Yahudi!" ³⁰ Daha' lemuraak Hia' apii' buluu' anaan, au hiti' mtek ina' ha kuhung-Na. ³¹ Au na daha' ngulok Hia', daha' muka' jubah ungu anaan man Jisus, dahin mtek uak hakaaw-Na dap, dahin gerii'-Na leka' jung nyaleb Hia'. ³² Teguu' lim d' tentara anaan musaang, daha' pehinaa' lake'-lake' man Kirene alang araan na Simon. jung mebek saleb Jisus. ³³ Dahin, teguu' daha' atang ha nayaan alang araan na Golgota, alang bearti "Nayaan Tengkorak", ³⁴ daha' mai Hia' anggur jung na dui alang d' sampur dahin empedu, dahin au na mencecap na, Hia' jaan ikam dui ina'. ³⁵ Teguu' daha' nyaleb Jisus, daha' bagi-bagi na hakaaw-Na ha haang daha' dahin mu'eh undi. ³⁶ Au hiti', daha' melok dahin lemnang Hia ha tinaan. ³⁷ Dahin, ha usun kuhung-Na, daha' metek tuduhan ha Hia', "ANILAH JISUS, HIPI KELUNAAN YAHUDI." ³⁸ Teguu' do anaan, te' dua kelunaan penjahat alang d' salebkan pejii' dahin Jisus. ji beh betao' dahin alang ji beh behule. ³⁹ Dahin,kelunaan-kelunaan alang lalo meghujat Hia' sambel megileng-gileng kuhung, ⁴⁰ Dahin duaan, "Ika' alang sang megaak Bait Tipang dahin nekring ina' uak halam telog do, selamatkan im diri-Ka dap! Ha Ika' Anaak Yipang, ngileh na man saleb anaan!" ⁴¹ Nuti' lim pa imam-imam kepala, peji ahli-ahli Taurat, dahi lim uku' ayaa'-uku' ayaa' pekulok Jisus, dahun da, ⁴² "Hia' nulong kelunaan bale, tapi Hia' jaan hamaan nulong diri-Na dap. Ha' Hia' naan Hipi Israel. hembe na Hia' ngileh man saleb anaan kre ni dahin ita' sang persayaa' ha'-Hia'. ⁴³ Hia' persayaa' ha Tipang, maka hembe na Tipang nulong-Hia' kre ni, ha Tipang menghendaki-Na. Kenaan Hia' dap duaan, 'Akui k' Anaak Tipang." ⁴⁴ Lim d' penjahat alang an d' saleb peji dahin Hia' lim pa pekulok-Hia'. ⁴⁵ Kre ni, man jam keenam. ⁴⁶ Kira-kira, t' jaam kepitaan, Jisus pebukaak dahin dahun alang tayaa', dahun-Na, "Eli, Eli, lama sabakhtani?" alang artina, "Tipang-Kui, Tipang-Kui, na nun pa ika' melaak Akui?" ⁴⁷ Dahin, te' kuri man daha' alang nekring ha' hiti', teguu' daha' ngering anaan, daha' duaan, "Kelunaan ani' tengaah muvi Elia." ⁴⁸ Tiba-tiba, ji man daha' liung, dahin api' bungah karang, pebasaa ina' dahin anggur mesam, dahin ngatung ina' ha bulu', dahin mai ina' man Jisus jung d' dui. ⁴⁹ Tapi, alang selebih na duaan, "Te nah ita' lemnang, apakah Elia sang atang jung nulong-Hia'." ⁵⁰ Dahin, Jisus bukaak harijuee u'ak dahin dahun alang tayaa' dahin mai Roh-Na. ⁵¹ Dahin, lemnang im, tirai halam Bait Tipang biraak jadi dua bagian, man usun atang hidaak, dahin bumi megiyoh, dahi bato'-bato' punaang dua. ⁵² Kubor-kubor pa'ap, dahin kahum lu'ung kelunaan-kelunaan suci alang au mate d' bangket. ⁵³ Dahin, au musaang man kubor-kubor na, teguu' au kebangketan Jisus, daha' mutaam ha kota suci dahin petulaa' diri man ngahum kelunaan. ⁵⁴ Kre ni', kepala pasukan, dahin daha' alang peji dahin na ngawas Jisus, teguu' daha' lemnang gempa bumi dahin lim hal alang au jadi ani', jadi takut pate dahin duaan, "Laan, Hia' naan Anaak Tipang!" ⁵⁵ Ha hiti', te' kahum doh alang lemnang man suu', alang livoh Jisus man Galilea jung ngelayan Hia'. ⁵⁶ T' haang daha' te' Maria Magdalena, Maria hinaan Yakobus dahin Yusuf, serta hinaan man d' nyaam-nyaam Zebedeus. ⁵⁷ Teguu' do nahari malam, atang na ji kelunaan alang jayaa' man Arimatea araan na Yusuf, alang lim pa au jadi murid Jisus. ⁵⁸ Hia' leka' ha Pilatus dahin akee lu'ung Jisus. Au hiti', Pilatus pesuhuu' jung lu'ung Jisus an d' ai ha Yusuf. ⁵⁹ Dahin, Yusuf api' lu'ung Jisus, dahin bungkus-Ina' dahin keluma linen alang ma'ang, ⁶⁰ dahin miri-Ina' halam kubor alang maring, alang na hipun dap, alang au hia' ngalek t' ngalaang bato'. Au hiti' Yusuf muvir bato' ayaa' ha ba betaman kubor anaan au hiti' leka'. ⁶¹ Dahin, ha hiti' te' na Maria Magdalena dahin Maria alang bale tengaah melo'k ha nang kubor anaan. ⁶² T' do alang atang na, hia' ti do sesudah persiapan man Sabat, imam-imam kuhung dahin kelunaan-kelunaan Farisi an d' hengkung ha nang Pilatus. ⁶³ Daha' duaan, "Tuan, kame' ingat bahwa teguu' kelunaan mamoh anaan masih murip, Hia' kalaak duaan, 'Au telog do na, Akui sang bangket u'ak.' ⁶⁴ Kenaan anaan, suhuu' na hujung kubor anaan d' jaga atang do ketelog. ha-ha murid-murid-Na mungkin atang dahin nako-Ina', dahin duaan ha kelunaan kahum, 'Hia' au bangket man t' haang kelunaan mate.' Dahin, amoh alang bayaa' ani' sang lebih ulaa' man alang tahari." ⁶⁵ Pilatus duaan ha daha', "Ika' hipun penjaga. Leka', jaga na nuno tun im jaam." ⁶⁶ Au hiti', daha' leka' dahin ngamankan kubor anaan peji dahin regu penjaga, serta ngusi bato' nayaan d' mekap kubor.