¹ K're ni, au Sabat, teguu' sang jelaang jehima, t' do alang tahari minggu anaan, Maria Magdalena dahim Maria alang bale leka' sang lemnang kubor anaan. ² Dahin, lemnang, terjadi ja gempa bumi alang tayaa' kenaan malikat Tanangaan ngileh man telaangjulaan, atang dahin megaak bato' anaan, au hiti' melok ha usun na. ³ Namg na nekelung kilat dahim hakaaw na putii' nekelung salju. ⁴ Kenaan asaa' akut t' hia', daha' alang jaga anaan megiyoh dahin menjadi nekelung kelunaan-kelunaan mate. ⁵ Dahin. malikat anaan duaan ha d' doh-doh anaan, "Am takut kenaan akui jaam ha' ika' pelip Jisus alang au dx salebkan. ⁶ Hia' jaan te' hini' kenaan Hia' au bangket nekelung alang Na duaan. Tenah, lemnang na nayaan Hia' miri. ⁷ Leka' na saring dahin gii na man murid-murid-Na bahwa au bangket man t' haang kelunaan mate, dahin nyinang, Hia' unaak mau ika' te ha Galilea. Ha hiti', ika' sang lemnang Hia'. Lemnang sayuu', akui au duaan ina' dahim." ⁸ Dahin, daha' saring-saring melaak kubor anaan dahin akut dahin sukacita ayaa'; dahun nepurung sang megi anaan man murid-murid-Na. ⁹ Dahin, lemnang, Jisus pehina daha' au hiti' duaan, "Salam!" Au hiti', daha' atang ha Jisus, mekaam tudak-Na, dahin menyembah Hia'. ¹⁰ Au hiti', Jisus duaan ha daha', "Am takut; leka' dahin gii' man d' Harik jung leka' te ha Galilea, dahin ha hiti', daha' sang lemnang Akui." ¹¹ Jiaruun daha' leka', te' kuri penjaga leka' ha kota dahin megii' man imam-imam kuhung tentang hal alang au te'. ¹² Dahin, teguu' daha' d' hengkung pejii' dahin lim d' ukuu'-ukuu'. Au na pekeduaan, au hiti' daha' mai kahum duit man d' penjaga anaan, ¹³ dahin duaan, "Duaan na, 'Murid-murid Jisus dahin nako Ina' teguu' kame' tudu'. ¹⁴ Dahin, ha' hal ani' an gebernur kering, kame' sang meyakinkan dahin na ika' jaan cemas." ¹⁵ Maka, daha' nerima duit anaan dahin naa' nekelung alang au d' ajarkan ha daha'; dahun dahun anaan masih puraah t' haang kelunaan Yahudi atang k're ni'. ¹⁶ Au hiti', puluu' ji murid leka' te ha Galilea, ha ngalaang alang au an Jisus tujo' man daha'. ¹⁷ Teguu' daha' lemnang Hia', daha' menyembah Hia'. Tapi, te' kuri ka alang ragu-ragu. ¹⁸ Au hiti', Jisus atang dahin duaan ha daha', "Lim kuasa au d' aii man Akui, ha telaangjulaan maupun ha bumi. ¹⁹ Kenaan anaan, leka' na dahin muridkan na lim bangsa, baptiskan na daha' halam araan namaan, dahin Anaak, dahin Tak nak Paraan. ²⁰ Pekale na daha' jung menaati lim alang Ak suhuu' ha dahaa'; dahin nyinang, Akui temoh pejii' dahim, bahkan atang ha akhir zaman.''