¹ Teguu' Jisus au ngepah lim daho'-daho' ani', Hia' duaan man murid-murid-Na, ² "Ika' jaam bahwa dua do uak Paskah atang, dahin Anaak Kelunaan sang d' serahkan jung d' salibkan." ³ Au hiti', d' imam kepala' dahin ukuu'-ukuu' bangsa anaan d' hengkung pejii' ha istana Imam Ayaa' alang araan na Kayafas. ⁴ Dahin, daha' bersekongkol jung mekam Jisus dahin mamoh daya au hiti' lemate' Hia'. ⁵ Tapi daha' duaan, "am selama' perayaan jung jaan te' kerusuhan t' haang kelunaan kahum." ⁶ K're ni, teguu' Jisus te' ha Betania, ha umaa' Simon kelunaan Kusta, ⁷ ji doh atang ha Hia' dahin ji butul tajo' pualam tu'uk isi na minyak wangi alang mahal pate, dahin doh anaan murah ina' ha usun kuhung Jisus teguu' Hia' tengaah melok kumaan. ⁸ Teguu' murid-murid-Na, daha' heleh au hiti' duaan, "Na nun pemborosan ani'? ⁹ Sebab, minyak wangi anaan hamaan d' belek jung belin alang mahal dahin d' aii man alang jaan mapu." ¹⁰ Tapi, Jisus jaam hal ani', duaan dahin daha', "Na nun pa ika' pelae doh ani'? Sebab, hia' naa' gat sayuu' ha Akui. ¹¹ Sebab, ika' te' temoh kelunaan jaan mapu pejii' dahim, tapi ika' jaan hamaan selalu hipun Akui. ¹² Teguu' doh ani' murah kinyak wangi ha lu'ung-Kui, hia' naa' ina' jung nyiap kubor-Kui. ¹³ Akui megii' alang laan-laan na ha ika' bahwa ha hino pun Injil ani' d' pedengah ha lim seluruh dania, nun alang au d' naa' doh ani' sang d' duaan pa nekelung peringatan akan hia'." ¹⁴ Au hiti', ji man puluu' dua murid, alang araan na Yudas Iskariot, leka' ha imam-imam kepala', ¹⁵ au hitti' duaan, "Ika' samg mai akui nun ha' akui mai Hia' man ika'?" Dahin, daha' menetapkan 30 keping perak man hia'. ¹⁶ Dahin, man anaan, hia' pelip kesempatan sayuu' sang mai Jisus. ¹⁷ K're ni', teguu' do tahari Roti Jaan Beragi, d' murid atang ha Jisus dahin metang, "Ha hino Ika' ikam kame' mempersiapkan kumaan Paskah man-Ika'?" ¹⁸ Iisus nyuee, "Mutaam na ha kota, ha ji kelunaan, dahin gii' man Hia', 'Guru duaan, "Waktu-Kui au jelang. Akui sang ngerayakan Paskah ha umaa' ka pejii' dahin d' murid-murid-Kui."" ¹⁹ D' murid naa' nekelung Jisus au bepesan ha daha', dahin mempersiapkan Paskah anaan. ²⁰ K're ni, teguu' nahari malam, Jisus melok kumaan pejii' dahin puluu' dua' murid. ²¹ Dahin, teguu' daha' tengaah kumaan, Hia' duaan, "Akui megii' alang laan na dahim bahwa salah jii' man p'lo sang menghianati Akui." ²² Daha' sedih pate dahin masing-masing kelunaan nahari duaan ha Hia', "Pasti na, bukan akui, Tanangaan?" ²³ Dahin, Hia' nyuee, "Hia', alang mencelupkan usuu' na ha halam mangkok peji'-peji' Akui, hia' na alang sang menghianati Akui. ²⁴ Anaak Kelunaan sang leka' nekelung alang tertulis tentang Hia'. Namun, celaka na kelunaan anaan, alang man hia' Anaak lebih sayuu' man kelunaan anaan ha' hia' jaan kalak d' kenanaak." ²⁵ Au hiti' Yudas, alang sang mai Jisus, duaan dahin-Na, "Pasti jaan akui, Rabi?" Jisus duaan dahin na, "Ika' au duaan ina'." ²⁶ Teguu' daha' tengaah kumaan, Jisus apii' roti. Dahin, au memberkati ina', Jisus munaang-munaang dahin mai ina' ha d' murid serta duaan, "Apii' na dahin kumaan na, ani' na lu'ung Kui." ²⁷ Au hiti', Hia' apii' sawan, ngucp syukur, dahin mai ina' man daha', dahun-Na, "Lim p'lo pah, dui na man hia'. ²⁸ Sebab, ani' naan daha' Kui, dahaa' perjanjian, alang d' urah jung kahum kelunaan sang pengampunan dusa-dusa. ²⁹ Akui duaan dahim bahwa Akui jaan sang dui hasil pu'un kayo' anggur ani', man k're ni atang do anaan, teguu' Akui dui anggur alang maring pejii' dahim halam umaa' Ame-Kui." ³⁰ Teguu' au nyanyi ji pujian. daha' leka' ha ngalaang Zaitun. ³¹ Au hiti' Jisus duaan dahin d' murid-murid-Na, "P'lo pah akan mepak kenaan Akui malam ani'. Kenaan te' tertulis, 'Akui sang mano' gembala, dahin domba-domba man kawanan anaan akan purah-purah'. ³² Tapi, au Akui bangkit, Akui samg unaal man ika' te ha Galilea." ³³ Petrus duaan, "Sekalipun mepak pah Kenaam, akui jaan kalaak mepak." ³⁴ Dahun Jisus dahin na, "Akui duaan alang laan-laan na ha ika' bahwa teguu' malam ani', sebelum henyaap ngeturut, ika' sang menyangkal Akui telog kali." ³⁵ Petrus duaan dahin-Na, "Sekalipun akui harus mate pejii' Dahim, akui jaan akan menyangkal-Ika'!" Lim murid alang bale pa duaan hal alang tiah. ³⁶ Au hiti' Jisus atang pejii' murid-murid-Na ha nayaan alang araan na Getsemani dahin Hia' duaan ha murid-murid-Na, "Melok na tini', jiarun Akui ha hiti' te sabayaang." ³⁷ Dahin, Hia' gerii' Petrus dahin puluu' dua anaak Zebedeus pejii' dahin-Na, dahin Hia' nahari berduka dahin bersusah kenaap. ³⁸ Au hiti', Hia' duaan dahin daha', "Kenaap-Kui perah pate, bahkan nekelung sang mate asaa na. Melaak na ha tini' dahin tetap na pehena-pehena pejii' Dahik." ³⁹ Dahin, Hia' peksuu' uk, au hiti' sujud dahin nang-Na megaak tanaa' dahin sabayaang, dahun-Na, "Ame-Kui, ha' mungkin, hembe na sawan ani' lalo man Akui. Tapi, jaan nekelung alang Ak kehendaki, melainkan nekelung kehendak-Ka." ⁴⁰ Au hiti', Hia' atang ha d' murid-murid-Na dahin lemnang daha' tengaah tudu'. Au hiti', Hia' duaan dahin Petrus, "Jadi, ika' jaan mapuu' bejaga-jaga pejii' Dahik selama 1 jam? ⁴¹ Bejaga-jaga dahin sabayaang na jung ika' jaan legaak ha halam percobaan. Roh memang penurot tapi si'in lu'ung lemaa'." ⁴² Jisus leka' uak alang kedua kali na dahin sabayaang, dahun-Na, "Ame-Kui, ha' ani' jaan hamaan lalo kecuali Akui dui ina', kehendak-Ka na alang akan terjadi." ⁴³ Harijuee uak, Hia' atang dahin lemnang daha' tuduu' kenaan mataan daha' asaa' bahaat. ⁴⁴ Maka, Hia' melaak daha', au hiti' Hia' leka' uak, au hiti' sabayaang alang ketelog kali na, ngucap daho'-daho' alang tiah. ⁴⁵ Au hiti' Jisus nekulah ha murid-murid au hiti' duaan, "Tuduu' na k're ni dahin ngelae na. Lemnang, waktu na makin jelang dahin Anaak Kelunaan d' aii ha usuu' kelunaan-kelunaan bedusa. ⁴⁶ Maur na, te nah ita' leka'. Lemnang, kelunaan alang mai Akui au jelang." ⁴⁷ Jiarun Jisus masih duaan, Yudas, jii' man puluu' dua murid anaan atang. Pejii' dahin hia', kelepang kelunaan kahu, dahin malaat dahin pentung, man imam-imam kepala' dahin ukuu'-ukuu' bangsa anaan. ⁴⁸ K're ni, hia' alang mai Jisus mai daha' tanda, dahun na, "Hi alang ak bo, anaan na Hia', kaam na Hia'." ⁴⁹ Yudas pehirak jelang Jisus au hiti' duaan, "Salam, Rabi!" Dahin, Yudas mebo' Hia'. ⁵⁰ Jisus duaan dahin na, "Kawan, naa' na maksud kedatangan ka." Au hiti' kelunaan kahum anaan jelang, melok usuu' ha Jisus, dahin mekam Hia'. ⁵¹ Au hiti', nyinang, jii' man daha' alang pejii' Jisus mai usuu' na, mehir malaat na, dahin nyerang hamba imam ayaa' anaan, dahin munaang apang na. ⁵² Au hiti', Jisus duaan dahin na, "Tekulah na malaat ka ha nayaan na, kenaan lim alang metek malaat sang mate kenaan malaat. ⁵³ Atau, ika' peknaap akui jaan mapu memohon ha Ame-Kui, dahin Hia', kre ni pa, sang mai lebih puluu' dua pasukan malikat man Akui? ⁵⁴ Namun, nuno na tayaan Kitab Suci sang d' genapi alang duaan bahwa harus naa' demikian? ⁵⁵ Teguu' do anaan, Jisus duaan ha kelunaan kahum anaan, "Apakah nekelung lawan perampok ika' musaang dahin malaat dahin pentung jung mekam Akui? Putung do, Akui melok ngajar ha Bait Yipang dahin ika' jaan mekam Akui. ⁵⁶ Tapi, lim ani' pah naa' jung kitab-kitab d' nabi d' genapi." Au hiti', lim murid melak Hia' au hiti' liung. ⁵⁷ Daha' alang mekam Jisus gerii'-Hia' ha Kayafas, sang Imam ayaa', nayaan d' ahli-ahli Taurat dahin d' uku'-uku' ayaa' pehengkung pejii'. ⁵⁸ Au hiti', Petrus livoh Jisus man suu' atang ha lataar umaa' imam ayaa'. Au hiti', Petrus mutaam, melok pejii' dahin d' pengawal sang nyinang kesudah na. ⁵⁹ Kre ni, d' imam kepala' dahin lim Sanhedrin pelip kesaksian amoh ha Jisus jung hamaan ngehukum mate Hia'. ⁶⁰ Tapi, daha' jaan hamaan habung hia' meskipun kahum saksi dusta alang atang. Au hiti', te' dua kelunaan alang nyemo, ⁶¹ dahin duaan, "Kelunaan ani' duaan, 'Akui mapu nasaak Bait Tipang dahin nekring ina' uak halam telog do." ⁶² Au hiti', Imam Ayaa' nekring dahin duaan ha Jisus, "Apakah Ika' jaan hipun jawaban?" ⁶³ Tapi, Jisus tetap ngeram. Dahin, Imam Ayaa' anaan duaan ha Jisus, "Akui menyumpahi-Ika' demi Tipang alang murip jung Ika' megii' man kame', apakah Ika' naan Mesias, Anaak Tipang?" ⁶⁴ Jisus duaan dahin-Na, "Ika' au duaan dap. Tapi, Akui duaan man ika' bahwa nahari man k're ni ika' sang lemnang Anaak Kelunaan melok ha behenji betao' Alang Mahakuasa, dahin atang ha usun awan-awan ha langit." ⁶⁵ Au hiti', Imam Ayaa- miraak hakaaw na au hiti' duaan, "Hia' au duaan pamu'-pamu'! Nun na perlu na d' saksi? Lemnang, k're ni ika' au ngering daho'-Na. ⁶⁶ Nuno tun pendapat ka?" D' pemimpin Yahudi anaan nyuee, "Hia' pantas d' hukum mate." ⁶⁷ Au hiti', daha' lemuraa' nang-Na dahin gusuh Hia'. Au hiti', alang bale napar Hia'. ⁶⁸ Daha' duaan, ""Bernubuat na ha kame', hai Mesias; hi alang nukul Ika'?" ⁶⁹ K're ni', Petrus melok ha luar lataar dahin ji kelunaan pelayan doh atang ha hia' au hiti' duaan, "Ika' pa peji' dahin Jisus, kelunaan Galilea anaan." ⁷⁰ Tapi, Petrus menyangkal ina' ha nang daha' pah, dahun na, "Akui jaan jaam nun alang im duaan." ⁷¹ Teguu' Petrus musaang ha ba betaman, pelayan doh alang bale na lemnang hia' dahin duaan ha kelunaan-kelunaan alang te' tinaan, "Kelunaan ani' pejii' dahin Jisus man Nazaret anaan." ⁷² Dahin, harijuee uak Petrus nyangkal hia' dahin sumpah, "Akui jaan jaam Kelunaan anaan." ⁷³ Jaan dara au hiti', kelunaan-kelunaan alang nekring ha tinaan jelang Petrus au hiti' duaan, "Pasti ika' pa naan salah jii' man daha' kenaan daho' ka naa' ika' jelas." ⁷⁴ Au hiti', Petrus nahari mengutuk dahin besumpah, dahun na, "Akui jaan jaam Kelunaan anaan." Dahin, tiba-tiba, henyaap lakin ngeturut. ⁷⁵ Au hiti', Petrus teringat dahun Jisus, "Sebelum henyaap lakin ngeturut, ika' sang menyangkali Akui telok kali." Au hiti', Petrus musaang au hiti' nangii' dahin sedih pate.