¹ "Au hiti', Umaa' Telaangjulaan sang d' umpamakan dahin puluu' doh alang gerii' perita-perita na dahin leka' sang pehinaa' mempelai lake'-lake'. ² Lima man daha' naan megaaw, dahin lima alang bale na naan bijaksana. ³ Teguu' alang megaaw anaan gerii' perita-perita na, daha' jaan gerii' minyak dahin na. ⁴ Tapi, alang bijaksana gerii' minyak halam tajo' uk pejii' dahin perita-perita daha'. ⁵ K're ni, teguu' mempelai lake'-lake' anaan menunda kedatangan na, lim daha' pah ngudo au hiti' tudu. ⁶ Tapi, teguu' beluaa' malam te' ukaak, 'Mempelai lake'-lake' atang! Musaang im te apii' hia'!' ⁷ Au hiti', lim d' doh anaan maur au hiti' melok perita-perita daha'. ⁸ Dahin, alang megaaw duaan dahin alang bijaksana, 'Ai na man akui minyak ka uk kenaan perita-perita kame' sang param.' ⁹ Tapi, alang bijaksana nyuee, 'Jaan, jaan na sang sukup man kame' au hiti' ika'. Lebih sayuu', te na ha kelunaan alang pebelek minyak dahin, melek ma man diri ka dap.' ¹⁰ Jiarun daha' leka' te melek, mempelai lake'-lake' anaan atang, dahin daha' alang siap, mutaam pejii' dahin na ha perjamuan pahawaak, au hiti' ba betaman d' kap. ¹¹ Au anaan, atang pa d' doh nyaam alang bale na au hiti' duaan, 'Tuan, tuan! Ap na man kame',' ¹² Tapi, hia' nyuee, 'Alang laan-laan na, akui megi' man ika', akui jaan jaam ika'.' ¹³ Kenaan hiak ti, pehena-pehena na kenaan ika' jaan jaam do atau jam na." ¹⁴ "Kenaan, Umaa' Telaangjulaan tiah nekelung kelunaam alang sang leka' ha luar negeri, alang muvi hamba-hamba na dahin mai alang na hipun man daha'. ¹⁵ Man ji kelunaan, hia' mai 5 talenta. Man alang bale na, 2 talenta, dahin man alang bale na uak, 1 talenta. Masing-masing sesuai kemampuan na. Au hiti', hia' leka'. ¹⁶ Kelunaan alang nerima 5 talenta anaan temoh leka', au hiti' mano talenta anaan, au hiti' menghasilkan 5 talenta uak. ¹⁷ Nuti' pa kelunaan alang nerima 2 talenta, hia' menghasilkan 2 talenta uak. ¹⁸ Tapi, kelunaan alang nerima 1 talenta anaan leka', ngale' luvaang ha tanaa', au hiti' mehuk duit tuan na. ¹⁹ Daraa' au anaan, tuan man hamba-hamba anaan atang au hiti" mengadakan perhitungan dahin daha'. ²⁰ Kelunaan alang au nerima 5 talenta anaan menghadap dahin gerii' 5 talenta uak. dahun na, 'Tuan, ika' mai 5 talenta man akui. Lemnang im, akui au menghasilkan 5 talenta uak.' ²¹ Tuan na duaan dahin na, 'Sayuu' pate, hamba alang sayuu' dahin setia. Ika' setia dahin hal-hal alang tu'uk, akui sang mejuu' ika' usun kahum hal. mutaam na ha halam sukacita tuan ka.' ²² Dahin, kelunaan alang nerima 2 talenta lim pa menghadap au hiti' duaan, 'Tuan, ika' mai 2 talenta man akui. Lemnang, akui au menghasilkan dua talenta uak.' ²³ Tuan na nyuee, 'Sayuu' pate, hamba alang sayuu' dahin setia. Ika' setia dahin hal-hal alang tu'uk, akui sang mejuu' ika' ha usun hal alang kahum, mutaam na ha halam sukacita tuan ka.' ²⁴ Au hiti', kelunaan alang nerima 1 talenta pa menghadap au hiti' duaan, 'Tuan, akui jaam ika' kelunaan alang ja'ak, menuai ha nayaan alang jaan im urah, dahin mehengkung ha nayaam alang jaan im urah beni'. ²⁵ Kenaan anaan, akui takut, au hiti' leka' dahin mehuk talenta ka ha halam tanaa'. Lemnang, ika' hipun nun alang au im hipun.' ²⁶ Tapi, tuan na nyuee dahin duaan ha hia', 'Ika' hamba alang ja'ak au hiti' duya! Ika' jaa, bahw akui menuai ha nayaan alang jaan urah dahin mehengkung ha nayaan alang ak jaan murah beni'. ²⁷ Kenaan anaan, seharus na ika' melok duit kui ha bank dahin teguu' sang nerima aalang ak hipun uak dahin bunga na. ²⁸ Apii' na 1 talenta anaan man hia' au hiti' ai man hia', alang hipun 10 talenta anaan. ²⁹ Kenaan, putung kelunaan alang hipun sang d' aii uak, dahin hia' sang berkelimpahan. Tapi, man kelunaan alang jaan hipun, bahkan nun alang hia' hipun sang d' apii'. ³⁰ Ketah na hamba alang jaan beguna anaan ha halam lidam alang paling hilat. Ha nayaan anaan sang te' na angii' dahin dahun ipan." ³¹ "Teguu' Anaak Kelunaan atang halam kemuliaan-Na, dahin lim d' malikat peji' Hia', au hiti' Hia' sang melok ha takhta kemuliaan-Na. ³² Lim bangsa sang d' hengkung ha nang Na, dahin Hia' sang misah daha' ji man alang bale, nekelung gembala alang misah d' domba man d' kambing-kambing. ³³ Dahin, Hia' sang melok d' domba-domba ha behenji betao'-Na, dahin kambing-kambing ha behenji behulee. ³⁴ Au hiti' Hipi sang duaan ha daha' alang ha behenji betao'-Na, 'Te nah, ika' alang d' berkati man Ame-Kui, warisi na Umaa' alang d' sediakan man ika' man tahari dania. ³⁵ Kenaan teguu' Akui lao', ika' mai Akui kumaan. Akui muang au hiti' ika' mai Akui dui'. Akui kelunaan asing, dahin ika' ngundang Akui mutaa. ³⁶ Akui ngetaveh dahin ika' mete Akui hakaaw. Akui medaam dahin ika' nyili Akui. Akui ha penjara dahin ika' atang ha Akui.' ³⁷ Au hiti', kelunaan-kelunaan laan anaan sang nyuee Hia', 'Tanangaan, hiraan kame' nyinang Ika' lao' dahin mai Ika' kumaan, atau muang dahin mai Ika' dui? ³⁸ Hiraan kame' lemnang Ika' kelunaan asing dahinngundang Ika' mutaam, atau ngetaveh dahin metek Ika' hakaaw? ³⁹ Hiraan kame' lemnang ika' medaam atau d' penjara dahin kame' atang ha Ika'?' ⁴⁰ Hipi anaan sang nyuee, 'Akui duaan alang laan-laan na ha ika', sebagaimana ika' naa' ina- ha jii' man d' Harik alang paling tu'uk ani', ika' naa' ina' man Akui.' ⁴¹ Au hiti', Hia' sang duaan pa ha daha' alang ha behenji behule-Na, 'Leka' na man nang Kui, ika' alang terkutuk, ha halam api abadi alang au d' siap man Iblis dahin malikat-malikat na. ⁴² Sebab, Akui lao' dahin ika' jaan mai Akui kumaan. Akui muang au hiti' ika' jaan mai Akui dui'. ⁴³ Akui kelunaan asinh dahin ika' jaan ngundang Akui mutaam; ngetaveh dahin ika' jaan mai akui hakaaw; medaam dahin ha penjara, dahin ika' jaan nyili' Akui.' ⁴⁴ Au hiti', daha' lim pa sang nyuee, 'Tanangaan, hiraan na kame' nyinang Ika' la'o dahin muang, atau ji kelunaan asing, atau medaam, atau ngetaveh, atau d' penjara, dahin jaan melayani-Ika'?' ⁴⁵ Au hiti', Hia' sang nyuee' daha', "Akui megii' alang laan-laan na dahim, sebagaimana ika' jaan naa' ina' ha ji man daha' alang paling tu'uk ani', ika' jaan naa' ina' ha Akui.' ⁴⁶ Dahin, daha' ani' sang leka' ha halam penghukuman kekal, tapi kelunaan-kelunaan laan ha halam kehidupan kekal."