¹ Amibadi ata Kiryat-Yearim badeitowa Tabut Allah monno angindia ummana Abinadab ponnu ladakadetana. Tangerana Eleazar, anana, di bapa maringngia tubana bana jaga Tabut Allah. ² Nyaka, na Tabut engawai nee Kiryat-Yearim. Myori Nakouka lissu Israel Napaduwe rapa bana matamba bana malawie, duakabullu douna, ngaraku wa paoledadina Israel hamangelu arona MYORI. ³ Napanewe Samuel barrada ngarakuwa keluarga Israel, hinawe, "Nebawyali kalaki atedoge madikira bali Barrana MYORI, nyaka pamarrodi marapu-marapu monno Asytoret wali tillu umma katongami. Pawessige ate waimi aro barrana MYORI monno kawodo kataba barra-Na, nyaka Allah napa sellami wali limma danada ata Filistin." ⁴ Ngarakuwa ata Israel angu pamarrobadi marapu-marapu Baal monno Asytoret, monno akawodo tabai MYORI. ⁵ Napanewe domma Samuel, "Pakuwa ngarakuwai ata Israel nee Mizpa, monno yauwa kuma dengngi tubami barra MYORI." ⁶ Hangu pakuwabada ne Mizpa, bage haoke wee baburri ne arona MYORI. Ne lodo me ma puasabada, monno nee apanewe, " Yamme ata salah barra MYORI. "Samuel naterrena pareta sebai hakim tubada ata Israel ne Mizpa. ⁷ Arengngeba ata Filistin bahwa ata Israel needi apa kuwana nee Mizpa, nyaka ngarakuwa tokko ata Filistin ammi lyolobadi barrada ata Israel. Rengnge waliwaie, ata Israel madautabadawe baarodi ata Filistin. ⁸ Panewebada ata Israe barrana Samuel, Dangau pongngukana basabayang barrana MYORI, allah, tuba ma yamme, gai kata luputa limma danada ata Filistin." ⁹ Murrina, Samuel nadeke ana bebe wudi asu su, bage wai marakai maraka patunnu barrana MYORI. Napanewe Samuel aro sagana MYORI tubada Israel, monno MYORI nawalewe. ¹⁰ Tangera neei Samuel amaraka, Anguammibadi ata Filistin keededi ata Israel. MYORI nakababbaka bana punnie aekagai ne loddo mema ara sagada ata Filistin, gai kamakawu ra hida Filistin, gai kapaka lai wali barrada ata Israel. ¹¹ Nyaka, lousobada ata Israel wali Mizpa ba wolai ata Filistin, monno bapakalai bapadukidi nee nudu loko Bet-Kar. Moli menango Nadadiwe ne Israel ¹² Samuel nadekea bolo togo, monno napa dedea ne tilluna Mizpa monno Yesana. Samuel napangara ge napadou Eben-Haezar, monno patekkina, "Dukki newe banna tuluda MYORI ne itto." ¹³ Ata Filistin apokkura paradakadi monno dawali bana batamage wanno Israel. Limmana MYORI hapakala patirri selama bana tolekapo Samuel. ¹⁴ Deke balibai kota-kota padekeda ata Filistin wali barrada ata Israel, wali Ekron dukki Gat, monno wilayah papasellada ata Israel wali limma detada ata Filistin. Monno, nadadiba moli dameda ata Israel monno ata Amori. ¹⁵ Samuel naterrena pareta sebagai hakim tutuda ata Israel selama batoleka. ¹⁶ Samuel nakako patirri, ia dou-ia dou banma mawoleta nee Betel, Gilgal, monno Mizpa monno naoakako pareta sebagai hakim tutuda ata Israel ngarakuwa padou ¹⁷ Bage, na wali bali nee Rama, orona baneege ummana, monno nee nya dommodo bana pareta sebagai hakim tutuda ata Israel. Monno napa dedekaina mezbah barra ummana tubana MYORI.