¹ Hinnabawe, Tabut Allah aneena wannoda ata Filistin pittu wullana madoina. ² Ata Filistin apamai ata manurra ata maneilo, hidage bapanewe, "Pei waima nebahinna parawi tubana Tabut Allah? tekkipowe peiwaiwa bapawali nee padouna?" ³ Pawaleda ata manurra, "Banghindi balikowa Tabut Allah Israel dapa ngindi kaluwakia lima kaluwa. Pangindi waipa maraka pamaopi waida salah. Nyaka, kapia amanua monno kapyandege na limana MYORI badana eru pongnguna wali barrami." ⁴ Atuwa dommo ata Filistin barrada ata manganne, "Appakuwi maraka pabayara pamuwa dengada salah?" Awalewe ngarakuwa imam monno ata maneilo manganne, "Dekudi mangedada tokko ata Filistin, limma kasala tou doka akara manua, monno limma kasala tou doka malawo, hahinna waikaina panyakita pawennami monno ngarakuwa tokko ne kotamu. ⁵ Rawini kasala tou manua kara monno kasala tou malawo angaa patodakamu, monno kawdo katabai Allah Israel. Notokoge, MYORI nakeketa limma-Na wali barrami, wali barra allahmi, monno wali ne tanahmi. ⁶ Kana kattowage ne atemi, hahinna wai kaina ata Mesir monno Firaun akattona atena? Daetakie balina bana tuda mawago dengadi ata mesir, nyaka kana pasellai ata Israel ba waliwannoda? ⁷ Nyaka, siapai ia kareta baru monno duada sapi panakii, dapa pamalukuwai pongngupo.pasangodi sapi hida kareta, ana sapi pawali balidi uma. ⁸ Bage, Dekea Tabut Allah, botia ponnu kareta monno ngarakuwa doka pa ya tubada salah. taidi tidina patti, bage pasella Tabut banakako. ⁹ Pacetei, bana lurutako aro nee Bet-Semes, nyaka, nyabana MYORI apaburruge nebalango adadi. Baindako, tapandebage da limmakinai Allah Israel abani, tuba wainawe bana dadi hida panhyakita. ¹⁰ Nyaka, hida ata arawige. Adekei duada sapi paana, pasangodi kareta. Hida ana sapi gaidi umma. ¹¹ Hida ata adekea Tabut Allah ta i ponnu kareta, monno patti mangu ina malawo doka monno kasala tou kara kabillo kabaa. ¹² Hida sapi a luruta bakako nee bet-Semes. Akako monno amoka monno da ele pongngukina wello kyawana. Monno tokko ata Filistin apadeku nemme lira dukki nee watteda Bet-Semes. ¹³ Ata Bet-Semes tangera needi amakenina kamangge ne karape lamberana. Akeketa matada ba eta marro, aetawa Tabut monno nangu waila deta ateda. ¹⁴ Kereta natama omana Yosua, ata Bet-Semes, monno na dangngi ne oma dana. Ne padou wai watu kalada, murrina hida ata alekkata wasu wali kareta dana monno awai marakadi hida sapi barrana MYORI ¹⁵ Hida atya Lewi hapaburru Tabut Allah monno patti barrana, monno ina ngarakuwa doka, bage tai ne ponno watu kalada. Ne lodo mema, ngarakuwa ata Bet-Semes arawina maraka patunnu monno maraka pateba padoro barrana MYORI. ¹⁶ Hida limma tokko kota Filistin hapayerrage ne paetada, bage awali bali mema wannoda nee Ekron. ¹⁷ Hida nyawi kabillo-ka billo doka pa yada ata Filisti patebusa waidadi salahda barrana MYORI. Wali Asdod satu, wali Gaza satu, wali Ekron satu, ¹⁸ monno malawo-malawo doka sesuai mangedada ngarakuwa kota ata Filistin, milikada hida limma tokko. Hida kaina kota pawoleta temboka, monno wanno aneena dusun nee barra Abel besar, ne padou wenna waina Tabut Allah babandala, ne nyado saksi dukkie bahinna nee omana Yosua, ata Bet-Semes. ¹⁹ Bge, Allah napamatei ata Bet-Semes, orona baka tingngira ne dyana Tabut Allah. MYORI Napamate dommoi pittu kabullu ata wali limma kabullu rata ata. Ia ata-ia ata kalallu orona MYORI ne aeka gaina bana pamatei hida ata. ²⁰ Apanewe hida ata Bet-Semes, "Garrai atarra padede ne arona MYORI, Allah yang kudus?" Ge aro nyana MYORI bana kako bana dundakada ito?" ²¹ Murrinawe patukana ata barrada peduduk Kiryat-Yearim, hidage, "Tabut Allah nawali balibana pangindida ata Filistin. Ammimigi monno ngindia barrami.