¹ Ata Filistin angindia Tabut Allah monno angindia wali Eben-Haezer nee Asdod. ² Ne badekea Tabut Allah ata Filistin ataini barra kuil Dagon monno ataini tidina Dagon. ³ Nebana delakage tanah kappu gede ba kedde ata Asdod, a etawa Dagon na bukkana arona Tabut Allah. Murrina hida ata adeke balia na Dagon apawali bali ne padoumemena. ⁴ Nebana kokage kappu geddena, etawa Dagon na bukkana tanah deta mukana naaroi Tabut Allah, takka katowana Dagon monno limana aduada hama kerri hamawewara aro baa binna. Takka hinnamo, ne touna Dagon engapoge wade ne barra. ⁵ Hinna lyoloba orona, ngarakuwa imam Dagon monno ngarakuwa atamage Kuil Dagon dadekekige baa binna anee na Asdod dukkie ne loddo. ⁶ Limmana MYORI napa tena ponno ata Asdod monno napa kabikai, monno nama rebbi monno bonnuna kara katuppu, Asdod monno ngarakuwa wilayahna. ⁷ Nebana etawe ata Asdod bahinnawe, hida ata apanewe, "Tabut Allah Israel kada engakai ne barrada, orona napawessi kattona lima-Na bana lawada monno Dagon, allah da itto. ⁸ Murrinawe ngarakuwa tokko kota ata Fiklistin tukke bapakuwana, monno apanewe, "Peiwa ida ne ba hinna parawida tubana na Tabut Allah Israel?" Pawaleda, "ta ngindi bali pongnguwa Tabut Allah Israe nee Gad." Murrina, ata Filistin hapadikki bali Tabut Allah Israel. ⁹ Nyaka, balinawe bapadikki Tabut Allah amibge madadukana akaladana aburru ne kota dana. Ha hajarai ngarakuwa ata kota, walina lakawa dukkie ata matto, wenna dommo kara manua wekkidetada. ¹⁰ Bage, angindi dommowa tabut Allah nee ekron. Takka, balina bana dukki Tabut Allah ne Ekron, apanewe ata ekron hidage, "hapadikki Tbut Allah Israel gai kaido bapamate kaiada monno ne bangsada itto. ¹¹ Nyaka, hapakadenga wekkina ngarakuwa tokko ata Filistin monno apanewe, "Pangindi bali Tabut Allah Israel monno tai bali ne padouna, kada pamatekada itto monno ne bangsada." Orona, bana gempara pamatedenga ngarakuwa kota, monno limana MYORI naboto batekai nai a. ¹² Ngarakuwa ata damate oro palu, monno manua kabillo, nyawe kangio kawika naduukie napenne langita dana.