1
Ata Filistin napakuwadi
tentarana nee Afek, tangerada ata Israel needi
aberkemah ne mata wee dana ne Yizreel.
2
Neba
lewata ngarakuwa tokko kota ata Filistin hida ngau pasukan monno a rata, monno Daud bana palolo dengadi ngarakuwa atana
bersama Akhis wali lira,
3
Natuwa panglima ata
Filistin, "Appako tubana na
ata Ibrani?"
Nawale Akhis barra panglima ata Filistin, "Dnyaki na ata Daud, hambana Saul, tokko Israel, hapa lolo dengaba
ga dukkie nebahinna monno ia duada doubana
monno daipongnguki salah
na yodi pakolegu ne barrana, selama bana elena dukkie nebahinna?"
4
Ngarakuwa panglima ata Filistin banibada.
Panewebada ngarakuwa panglima ata Filistin, "Pawali bali na ata nemme
padouna pabomu kana wali. Dana kakoki papa lolo
dengada bapatauna, gai kada nyakana gobbada ne
pataudanana. Appako pabei atena na ata aro barra tuannya kecuali ba ya
katowa wali ngarakuwa ata?"
5
Na danyaki Daud, pala
witi geileda monno nego
pando nego, bahiddage:
Saul napa kalah rata pando
rata,
Daud berlaksa-laksa.'
6
Akhis napa maiya Daud monno natekkina,
"Oro ngarana MYORI atoleka, nehahinna takkana
yo u jujurau monno mu duwau ne baku etau ne pataudanana bupa lolo dengaga nebapatauna.
Orona, daiki pakolegu salah bokala wali barramu
hitti kunga baammigu dukkie nebahinna nee nearogu. Takka, dabeikigu
yo u ngarakuwa tokko-tokko kota.
7
Nyaka ne
bahinna, kako waliu. Kakou
monno mu seidala monno
durawikana salah bokala
aroda ngarakuwa tokko ata
Filistin."
8
Natuwa Daud barra Akhis, "Nehahinna takkana,
appa parawigu monno appa pakolemu ne barragu
neagaina baengaga barramu yauwa hambamu
dukkie ne loddo, nyakaandaga kako patauna
bagobai musuh tuanku tokko?"
9
Napanewe Akhis bana walea Daud,
Yauwa kupandege, nehahinna takkana yo u muduwa, ne baku etau tuddanagu malaikat Allah.
Takka, ngarakuwa panglima ata Filistin hapanewe, Nya kadana kako kana papa lolodengada pataudanana.'
10
Nyaka, kedde kapu geddena bapa lolo dengadi
angarakuwa atamu hamai
marenga dengagu. Keddeu
koka kappu gedde, monno
bana mangewala, kakou."
11
Keddeana Daud ne ko
ka kappu gedde, nya monno ngarakuwa atana,
ba wali bali nee negeri ata
Filistin, nyaka ata Filistin akawoddeka maju nee Yizreel.