¹ Ata Filistin napakuwadi tentarana nee Afek, tangerada ata Israel needi aberkemah ne mata wee dana ne Yizreel. ² Neba lewata ngarakuwa tokko kota ata Filistin hida ngau pasukan monno a rata, monno Daud bana palolo dengadi ngarakuwa atana bersama Akhis wali lira, ³ Natuwa panglima ata Filistin, "Appako tubana na ata Ibrani?" Nawale Akhis barra panglima ata Filistin, "Dnyaki na ata Daud, hambana Saul, tokko Israel, hapa lolo dengaba ga dukkie nebahinna monno ia duada doubana monno daipongnguki salah na yodi pakolegu ne barrana, selama bana elena dukkie nebahinna?" ⁴ Ngarakuwa panglima ata Filistin banibada. Panewebada ngarakuwa panglima ata Filistin, "Pawali bali na ata nemme padouna pabomu kana wali. Dana kakoki papa lolo dengada bapatauna, gai kada nyakana gobbada ne pataudanana. Appako pabei atena na ata aro barra tuannya kecuali ba ya katowa wali ngarakuwa ata?" ⁵ Na danyaki Daud, pala witi geileda monno nego pando nego, bahiddage: Saul napa kalah rata pando rata, Daud berlaksa-laksa.' ⁶ Akhis napa maiya Daud monno natekkina, "Oro ngarana MYORI atoleka, nehahinna takkana yo u jujurau monno mu duwau ne baku etau ne pataudanana bupa lolo dengaga nebapatauna. Orona, daiki pakolegu salah bokala wali barramu hitti kunga baammigu dukkie nebahinna nee nearogu. Takka, dabeikigu yo u ngarakuwa tokko-tokko kota. ⁷ Nyaka ne bahinna, kako waliu. Kakou monno mu seidala monno durawikana salah bokala aroda ngarakuwa tokko ata Filistin." ⁸ Natuwa Daud barra Akhis, "Nehahinna takkana, appa parawigu monno appa pakolemu ne barragu neagaina baengaga barramu yauwa hambamu dukkie ne loddo, nyakaandaga kako patauna bagobai musuh tuanku tokko?" ⁹ Napanewe Akhis bana walea Daud, Yauwa kupandege, nehahinna takkana yo u muduwa, ne baku etau tuddanagu malaikat Allah. Takka, ngarakuwa panglima ata Filistin hapanewe, Nya kadana kako kana papa lolodengada pataudanana.' ¹⁰ Nyaka, kedde kapu geddena bapa lolo dengadi angarakuwa atamu hamai marenga dengagu. Keddeu koka kappu gedde, monno bana mangewala, kakou." ¹¹ Keddeana Daud ne ko ka kappu gedde, nya monno ngarakuwa atana, ba wali bali nee negeri ata Filistin, nyaka ata Filistin akawoddeka maju nee Yizreel.