¹ Neba dukki Daud monno ngarakuwa atana ne Ziklag ne loddo akatoudana, ata Amalek a serbuba baba Tanah Negeb monno Ziklag. Zlklag ababa batunnuwe bawaige api. ² Hida ata akarebo ngarakuwai mawinne monno ngarakuwa baappa waina: kaweda, buamane. Daiki ia ata papamateda monno awaroi bapakitage pakako da. ³ Neba dukki Daud monno ngarakuwa atana ne kota, ababawe kota batunnuwe bana karrge api dana, monno ole umma da monno ngarakuwa lakawa kabani monno lakawa mawinne akarebo ngarakuwai. ⁴ Bage, ngiobana Daud monno ngarakuwa ata papa lolo dengana bangio malelika, dukki-dukkie bana dakke wekkida oro ngioda. ⁵ Hida dauda ole umma na Daud akarebokai, Na Ahinoam, mawinne Yizreel, monno Abigail ole umma bellina Nabal, ata Karmel. ⁶ Daud asudde tatakkaba rakyatna bapa panewe babege bakabena watu. Rakyatna abaige bakedde marontak orona bana karodduka langngu takka ateda ia ata-ia ata oro ana kabani monno ana mawinneda banettidi pakareoda. Takka, Daud napa wessige atewaina aro barra MYORI Allahna. ⁷ Murrina Daud naparin tahi Imam Abyatar, anana Ahimelekh, Bananotokoge ngindia efod neme barragu." balina Abyatar na ngindia efod barra Daud. ⁸ Natuwa Daud barra MYORI, patekkina, "Kuwola patirrikadu hida gerombolan? Kudeku patirridi hidda ata?" Nawale MYORI, "Daddadi bawolai, orona hinna takka na yo u daddi monno upa sellai ngarakuwa tawanan. Dauu Nataboka Ia ata Hamba Mesir ⁹ Bage, kakobana Daud bana palolodengadi ata enne ngau. Balina hidda ata badukki ne loko Besor, tangerana hiddime lyira ba ngauwai nekke. ¹⁰ Daud pangngudi patta ngau ata pawola patirri, nyaka hida ata dua ngau oro cape dangngi ne bapalai loko Besor. ¹¹ Balina hida ata atabboka ia ata Mesir ne mareda dana, bage angidia barra Daud. Hidda ata ayai roti, bage nya nangaa, monno ya dommoi wee bana enu. ¹² Bage ya dommoi kadippu kue ara monno duada kue kismis. Balina bana ngaa, na ata nasamangata bali, orona touda loddo monno touda gedde badana ngaa pangaa monno badana enu wee. ¹³ Bage natuwa Daud, "Garragu yo u monno gye wali nyamo?" Nawliwe, "Yauwa ata Mesir waga, budakna ia ata Amalek. Moriggu nadundakaga orona baku karodduka touda loddona malawi. ¹⁴ Yamme ma serbuba tanah Negeb ata ata Kresi, serangngo padouda ata Yahudi, monno serang domo Tanah Negeb Kaleb. Ziklag dommo matunnuba bana karrage oro api." ¹⁵ Daud natuwawa na ata, "Nabisa kado bupatutu lara barrada hitti gerombolan?" Nawalewe na ata, "Aura wai belli na mawolo marawi budapamateaga monno bundu ya ga barra morigu, monno wudi kupatutu lara aro hitti barra gerombolan." Daud Napakalah Ata Amalek ¹⁶ Bage na ata Mesir napa tutu lara, monno etaba ata bana matallara ne ponnu padou arona ngarakuwa daerah bangaa, enu, monno bapa dadige perayaan tubana parampokda barampasai wali tanah ata Filistin monno tanah Yehuda. ¹⁷ Daud naserang kappu gedde kii dukkie bana tama loddo dukkie bana kokage bana ouda loddo. Nehahinna takkana, dai pongngu bana ia luputa wali barrada, nyakidu patta ngau ata buwa mane akedu orona bakalete unta ¹⁸ Balina Daud napasella ngarakuwai barang parampasda hida ata Amalek. Daud napasella kai ole ummana duada. ¹⁹ Daipongnguki ia muwana wali barrada hida ata, langokanyako akii na dukkie akaladana, lango kanyaku ngarakuwa lakawa kabani monno ngarakuwa lakawa mawinne. Ngarakuwa barang parampasda napabali ngarakuwadi Daud. Balina ²⁰ Balina Daud nadeke ngarakuwai simbi bebe monno sapi. Nawaro ngara ngarakuwai ranaga bana pakuwadi arona, monno napanewe, "Hida nyadu parampasna Daud." ngarakuwai ranga bana pakuwadi arona, sambil ba napanewe, "Hida nyadu parampasgu." Ngarakuwa Ata Nakolena Torana a Sama ²¹ Bage, Daud nadukki badi ata dua ngau acape pongngu, angau ne barra loko Besor. Lousobada hida ata ba sapa Daud monno basapai ata papa lolo dengana. Daud napaga bana tukke barrada ngarakuwa hida ata bana yadi salam. ²² Panewebada ngarakuwa ata bokala monno ata dursila ne tilluda ata papa lolo denga na Daud hiddage: "Orona hida ata bada kako padeku palolo dengagu, dayakadi hida barang parampokda pakole balida, sigilada ole ummada monno lakawa- lakawa ia ata-ia ata. Nginndi hidda, monno kakomi." ²³ Takka, Daud nawale, Dirawi dommokage neha hinnana tubada baappai payana MYORI, ole dadi- oledadigu. MYORI nalindungo bada itto monno gerombola aserang oda nasarahkandi limma danada itto. ²⁴ Garraku arengngeu tubana ne hahinnana? Orona torada ata akako patauna monno torada ata dakako ne barra enga bagi sama pongngu." ²⁵ Hinnaba, hahinnana hitti monno bapakitage, hida hahinnana nyaai ketentuan papa mendara monno aturan tubada ata Israel dukkie nebahinna nee. ²⁶ Nadukki Daud ne Ziklag bage napa ngindidi barang rampokan barrada paama-paama Yahudi monno ngarakuwa olena, monno napanau, "Hida nya du paya mi wali barang-barang rampokan padeke wali barra musuhna MYORI, ²⁷ barrada ata ne Betel, nee Ramot tanah selatan, monno ne Yatir, ²⁸ monno ne Aroer, monno ne Sifmot, monno ne Estemoa. ²⁹ Barrada ata ne Rakhal, barra kota-kota, monno barra kota-kota ata Yerahmeel, monno barra kota-kota ata Keni. ³⁰ Barra Horma, barra Bor-Asan, barra Atakh, ³¹ monno barra Hebron. Monno, ngarakuwa padou papernah pakakobana Daud monno ngarakuwa atana.