¹ Namatebana Samuel, monno pakuwabana ngara kuwa ata Israel bangioi monno batanei ne ummana neearama. Sediabana Daud, bage nakako nee mareda benango. ² Wai ia ata kaani nee Maon amilikana usaha ne Karmel. Na ata napote pongngu. Simbi bebena touda rata, monno simbina ratawa. Nya nadangngi tubana bana gutti ngaraku wai wullu bebe nee Karmel. ³ Ngarana na ata Nabal, monno ngarana ole ummana Abigail. Ole ummana naduwa ate pongngu, monno nakabola mata, takka nakabani nakasara monno nabokala parawina. Ata degil dommoa. ⁴ Neana rengewe Daud ne mareda dana benango na Naal tangera neeni agut ti ngarakuawi wullu bebe, ⁵ nyaka Daud napa tukana kabullu ata buamane, "Kakomi nee Karmel monno aro barrana Nabal. Padukkina salam tekkiwaiga ngaragu. ⁶ Tekkina limmige "Selamat, tuan! Selamatlah ole dadimu, selamatlah ngarakuwa tole kamu patoramu. ⁷ Wudi wo u parengegu apadadige gutti wullu bebe. Neagaina madoina hida gembala-gemalamu adangngine barrama dama gangguki monno daipongnguki ia muwana neagaina badangngi ne Karmel. ⁸ Tuwaku ngarakuwa atamu kapala ra pongnguge. Gaidi hida ata kakolena manawara hahinnana ne paetamu. Dainda hari raya kie ne yamme bama mai barramu? Badekukoge awaina barramu ya di hida hamba- hambamu,monno anamu, Daud." ⁹ Adukki ngarakuwa atana Daud, monno atekkina Nabal monno ia patekki-ia patekki tekkiwaina ngara Daud, hida ata aparema. ¹⁰ Na wale Nabal barrada ana buah Daud, hinnage, "Garrai Daud? Garrai anana Isai? Ia loddo-ia loddo aluwana hamba akedu wali barra mori da. ¹¹ Kuya pongngu kadudi kababagu, wee paenugu, monno ranga pateba paropo tubada ia ata-ia atagu hamagutti, bage kuyadi ia ata-ia ata dapa pandegu bage wali nyada?" ¹² Madikira bada ata Daud bakako wali bali. Balina badukki, hida ata hapadukkige ngarakuwa patekki nena. ¹³ Napa newe Daud barrada hida atana, "Lilli ngarakuwai tekomi!" Nyaka, ia ata-ia ata alilli tekoda, monno Daud nalilli dau kaie tekona Maju bada patta ngau ata lirana Daud, tangerana dua ngau ata engadi ajagai barang-barang. Abigail Naandage Bencana ¹⁴ Abigail, ole ummana Nabal, atekkina ia ata ana buahna. Patekkina ana buahna, Ne hinna takkana Daud napa tukana ata wali mareda kikapa tubana ba salamata barrana tuan, takka natoladi napa welidi. ¹⁵ Badeku takkakoge. hida ata aparadaka wekkina bapanewe. Hida ata damagangguki, monno yamme daiki amuwana appa-appa ne againa lara malou aro wali nebarrada, baneedi oma dana. ¹⁶ Hida ata natuda gollu tembok bawoletama yamme ne bana malege dukkie bana delakage, nea gaina baneemaga barrada hida ata tubana bakadi bebe. ¹⁷ Neahinna, kaupandege monno kau timbango appa pawukunapa rawimu, orona awyataba malapetaka awukuna pa wenna adippara morida itto monno ngarakuwa ina neummada. Napaama ata dursila monno daiki ata akolei bapa newe dengai ¹⁸ Nangu ngengetaana bana deke duangau roti, limma bebe paolah bba, limma sukat kamangge, ngau kababa kismis, monno duangau kaba ara. Na ailangarakuwadi ponnu keledai. ¹⁹ Natekki ngarakuwada atana, "Kako da ullu arogu, nyaka yauwa kupadeku lirami." Laina, Nabal, dana tekkina. ²⁰ Ne bana kaletea keledai, bage naburru kabunni ne laddaka detana, nangu etaba Daud monno ngarakuwa atana, alkako aro barrana, nyaka apatabbokana. ²¹ Napanewe Daud, Dekutakkakoge daiki gunana baku lindungui ngarauwa pawai ata ne mareda kikapa, nyaka dai pongnguki ia muwana wali ngarakuwa hida torana. Nya nadelu waige bokala ne duwagu. ²² Hinnaba parawinadi Allah aro barra da gobbana Daud, monno na louka kyapo, ne baku gaikudi batoleka ngarakuwa waina, langngo kanyako ia kabani, dukkie ne koka kappu gede ²³ Nebana eta Daud, Abigail nangu burru wali keledai deta, bage nakawodo kataba tana deta. ²⁴ Abigail nakawodo barra waina Daud monno napa newe, "Yauwabana tuanku adeito salah bokala. Paka logaga hamamu kaku panewe barramu, monno rengngegadi patekkigu yauwa hambamu. ²⁵ Indaki bana notoge nepapangedamu tubana Nabal, ata dursila. Orona, bahinna ngarana, bahinna wai nya. Nabal hinna ngarana, monno nakabika nepangindina. Takka yauwa hambamu daku etaki ngarakuwa ata papatukamu tuanku. ²⁶ Nyaka nebahinna, tuanku orongarana MYORI Atoleka, monno dewamu atoleka tuanku, monno pa andana MYORI tubana ba ammige malegana raa monno babertidaka bawega adila baneege limma deta doumu. ²⁷ Nebahinna, hida payagu, pangindigu yauwa hambamu tubamu tuanku, yakudi ngarakuwa atamu, adekugu pagamu tuanku. ²⁸ Taudakogadi salah bokalagu doku dengngagu gu ne yauwa hambamu, orona MYORY napastiba bana pakedde tubamu tuanku bana burruwe hapa wesse badana gidduka. Orona, rawige patauna palolodengai MYORI, salah bokala neagaina daikige barramu. ²⁹ Bawaiku ia ata akedde pawolau monno ka wyatana ngauna ahiddagu, nyaka ngaumu tuanku kaboro pongnguba, ne kaboro dana toleka oro ngarana MYORI,Allahmu. Takkanya, ngauda musuh- musuhmu naka kabenai watu kapetti MYORI neka petti dana malou. ³⁰ Nebana dadiko parawina MYORI tubamu tuanku, hinnawaie ngarakuwa duwa apunniba patekkina MYORI aro barramu, monno nadodokau ba yo u tokko tubana Israel, ³¹ nyaka tuanku dana susah pongnguba bupangedage nehahinnana, orona tuan ku lega babana raa monno orona tuanku bertinak doubana bawega adila. MYORI narawigge duwa aro barramu tuanku, loloa ga ne yauwa hambamu." ³² Napanewe Daud barrana Abigail, "Madeika maroruwa MYORI, Allah Israel, bana patukagu ne loddo bata patabbokana. ³³ Naduwa ne geitamu monno deikawe geitamu, orona mupattu babaga ne loddo tubana baammige ama malega raa, tubana ba dekege kadongngukana batindaka bawega adila ne limma dana dougu. ³⁴ Takka, oro Ngarana MYORI Atoleka, bana andaga tubana baku rawige abokala aro barramu, takka badangu ammikugu batabbokaga, nehahinna takkana daenga pongngubage tolekana Nabal dukkie baammige amangewala koka bana ouda loddo, nyako ia kabani nebarra tembok." ³⁵ Bage, Daud nadeibai ne limma danana monno napanewe, "Kako waliu moli menango natama uma katongamu. Pandeage, yauwa baku rengego patekimu monno badeiba nepadengngimu." Namate Nabal ³⁶ Natukke Abigail barra Nabal, monno bana eta baneei apesta ne ummana, monno pesta hahinnawaina ia tokko-ia tokko. Nabal tangerana bana senango madita oro kindora tatakkadai. Dana palara bage lango kanyako ne ia patekki, peristiwa kiina atau akaladana nebarrana dukkie ne koka bana loddoge ³⁷ Nyaka, koka bana loddoge, bana muwage mabokana, Nabal ole ummana naceritrana tubana ana wali arra Daud. Babe, nangu kanawabana puna katukku ngau detana monno nakabali watu. ³⁸ Nyaka, nalawie kabullu loddo, MYORI napa luwa Nabal, nyakana mate. ³⁹ Neana renge Daud Nabal namate bahinna,nya napanewe, "Deika roru MYORI, abelaga perkaragu wali bana hinaga Nabal monno buandaga hamba- Mu wali salah bokala dana. Salah bokalana Nabal napa wali balina MYORI Ponnu katowa deta douna." Bage, Daud napatukana ata barra Abigail, tubbana banadekea bana wai ole ummai. ⁴⁰ Ammibadi hamba-hamba Daud barra Abigail nee Karmel, monno atekkina, hiddani, napatukama Daud bbarramu, tubana badekeu bana wai ole ummagu." ⁴¹ Bage, nekede monno Na kawodo kataba tanah deta, monno napanewe, "Nehahinna takkana hambamu nabeige babudakwa tuada ngarakuwa hambamu tuanku." ⁴² Abigail nangusiap bbana bbana pennei kele daina, monno limma pelayan mawinne akako dekuni. Abigail nakako dekudi ata papatukana Daud, monno bana wai ole ummadi. ⁴³ Ahinoam, wali Yizreel nadeke dommo wa Daud bana wai ole ummai. Nyaka, hidda duada nawai ole ummadi. Takka, Saul nayawa Mikhal, ana mawinnena, ole ummana Daud, barrana Pati, anana Lais, awalina Galim.