¹ (24-2) Nyaka, Nebana bawe Saul bana wali paka lola ata Filistin, atekkinawe hidani, "Kaupandege, Daud wai neei mareda gurun En-Gedi." ² (24-3) Saul nadeke touda rata ata, Ia kasumbu-ia kasumbu papede wali ngarakuwa ata Israel, murrina kako wega Daud ngarakuwa atana nee barra Gunung Batu Kambing Hitam. ³ Na dukkibana Saul ia gollu-ia gollu bebe aneena nudu lara. Nee waige kare ka watu, monno natama Saul bana paga ne dyana tubana bana taiko talikki. Tangeranawe, Daud monno ngarakuwa atana needi lirana kareka watu amadii. ⁴ (24-5) Hapane we ngarakuwa atana Daud barrana, "Badeku takka koge, na loddo patekkina MYORI nadukkibana, 'Yauwa kuyatakkabagu musuhmu, ne limma danamu. Rawikoge baappa paetamu aduwa.'" Keddeba na Daud, bage naropo lawi jubahna Saul monno dana paneweki. ⁵ (24-6) Hinna ge, balina dadda-daddawe atena Daud, orona bana ropona lawi jubahna Saul. ⁶ (24-7) Panewebana nya barrada ngarakuwa atana, "Pamarroge MORI bana notoge wali barragu tubana baku rawige hahinnana hal aro barrana tuanku, ata paurapabana MYORI, nehahinnana baku paaroi limmagu toudetana, orona, nyadona ata paurapana MYORI." ⁷ Daud naadadi ngara kuwa atana monno hida patekkida, nya dana paka logakia ata bakeddei baserangowa Saul. Keddebana Saul bana dede wali kareka watu dana, monno napa kitage ne pakakona. ⁸ (24-9) Murrina, keddeka ko bana Daud bana deku monno bana louso wali ka reka watu dana monno bana panewe lirana Saul, "Tuanku tokko!" Nangu paserrage lirana Saul, monno nangu katikkabana Daud bana kawodo tanah deta, bana sembah. ⁹ (24-10) Napanewe Daud arona Saul, "Appa ne yo u burengnge patekki ata batekkie, 'Deku takkakoge Daud naberusaha kapacela ka bahiddagu'? ¹⁰ (24-11) Kyapandege, ne loddo muetaba yo u monno muetawaibage mata doumu, yo u na yaba bau MYORI ne limma danagu ne kareka watu dana. Hida wadeka ata apatukaga pamatea bahiddagu, takka yauwa ku poddage baku manawara gu yo u, orona baku pangedage, 'Daku padolaki limmagu aro taudetana tuanku, orona ata urapanai MYORI.' ¹¹ (24-12) Monno naetaba amagu; naeta lawi jubamu ne limma danagu. Orona, monno baku ropogo lawi jubamu, daku pamatekiu, pandebage monno etabagadi limmagu basingira wali bokala dana monno bapaga dengnga, ne yauwa salah dosa aro barramu, langngokopo bu wolaga ne yo u kaku deke na ngauna balummuga ¹³ (24-14) Hahinnana teda patekkida paama-paama; Awalina ata bokala nadadie bokala.' Takka, limmagu dana pernah pongnguki bana todou. ¹⁴ (24-25) Garrai paaro tokko Israel maju bagobbai? Garrai aberusaha pawolamu? Yo u wolamo bongga mate? Yo u wolamo ia uttu? ¹⁵ (24-16) MYORI nyadona awyatada perkarada itto bada. MYORI napacetega monno naperjuangga ne perkaragu, monno napa sellaga wali limma detamu." ¹⁷ (24-18) Patekkina aro barra Daud, "Yo u mulouka kyapo paduwa wali barragu, orona yo u burawige aduwa, ba ne yauwa bakupagaigu ata daduwa. ¹⁸ (24-19) Ne loddo mupaoudage, ba yo u arawige aduwa. Langngo kopo MYORI bana ya ga ne limma danamu, monno bu dapamatekiaga. ¹⁹ (24-20) Nebawaiku ia ata gobbana pakolena, enga pasellakadonai bana slamata bana kako? MYORI enga nyabana adelugo ne duwamu wali ne loddo ba appa parawi bamu. ²⁰ (24-21) Nyaka, nehahinna takkana kapandeagu enga yo u bana aterrena pareta ba yo u tokko, nonno bapadede dinndara kerajaan Israel baneege limma danamu. ²¹ (24-22) Nebahinna, aurawai MYORI, bada pa modda pamategadi ole dadigu nemme murri monno bada opiga ngaragu wali paburru wali waida ole dadigu." ²² (24-23) Nyaka, aurabana Daud aro barrana Saul. Bage, walibana saul kako ummana, tangerana Daud monno ngarakuwa atana kakobada nee kuu pertahananda.