¹ Ammidi ata Zif barrana Saul ne Gibea monno atekkie, "Appa daneeki Daud akabunni ne letedetana Hakhila, balina timur mareda bbenango?" ² Bage, Siapbana Saul monno nakako nee mareda gelara Zif monno touda rata ata Israel papede, tubbana bawega Daud ne mareda gelara Zif ³ Saul narawina kemah ne letedetana Hakhila ne barra mareda benango, ne uppu lara. Tangerana Daud neei mareda abenango. Nebbana pandege baammi Saul adeku mareda dana benango, ⁴ Daud napa tukana ata rahasia monno kapande takkage abia baammi Saul barrana. ⁵ Keddebana Daud, murrina bana kako ne kemah danana Saul. Daud naeta Saul ne padou beika waina monno bada Abner anana Ner, panglima tentarana hittina. Saul nabeika ne tillu kemah, tangerana rakyatna baberkemah bawoletai. ⁶ Hinnage patekkina Daud barrana Ahimelekh, ata Het, monno barrana Abisai, anana Zeruya, ole dadina Yoab, natekkie, "Gar rai akako palolo dengaga barrana Saul nee padou berkemah waida?" Nawalewe Abisai, "Yauwa a kako pongngu papalolo dengamu." ⁷ Ammibai Daud bapa lolo bada Abisai barrada rakyatna ne bana malena loddo. Etaba Daud tillu kemah baneei abeika monno natedukage numnu tanah deta, toddu katowana, tangerana Abner monno rakyatna babeika bawoletai. ⁸ Napanewe Abisai barra Daud, "Nayaba musuhmu wali barra Allah ne loddo ne limma danamu. Nyaka nebahinna, pakalogaga ka ku tedukana numbu ne tanah deta, sadekkakidona, dapando pongngukage." ⁹ Nawale Daud barra Abi sai, "Indaki dapamuwaka, orona garrai alaa limmana wekkidetana na ata paurapana MYORI, monno bbana bebasa wali hukuman?" ¹⁰ Napane we Daud, "Deku takkakoge, oro ngarana MYORI atoleka, na pastobba MYORI bana pamatea, entah barapa mate memanai, atau mate patau danana bana kako monno bapa muwawa. ¹¹ MYORI napa marroga baku padolai limmagu wekki detana ata paurapa na MYORI. Dekei numbu barra katowana monno cereka wee, monno maida kata kako." ¹² Murrina Daud nadeke numbu monno cereka wee wali barra Saul, bage kako lolobada. Daiki aetai monno daiki apandedi.Daiki apoddadi, orona ngarakuwada bana padura manguturai MYORI. Daud Napamakke Balia Saul ¹³ Nebana dukki Daud nekketi bbali wai, dedebana ponnu lete deta na marro, nyaka kawaige marro malou netilluda ata duada. ¹⁴ Panewebana Daud aro barrada ata mangeda monno barrana Abner, anana Ner , natekkie, "Dawalekie yo u, Abner?" Nawale Abner , hinnage, "Garragu yo u, a nongnge-nongnge aro barra tokko?" ¹⁵ Napanewe Daud barra Abner, "Appa ne yo u dakabanikiu? Garrai hahinna waina toumu ne tilluna bangsa Israel? Appa yo u kada jagawa tuanmu tokko? orona, wai ia ata walina rakyata tubana kapamuwa tokko, tuanmu. ¹⁶ Dana duwa kie parawimu. Oro ngarana MYORI Atoleka, na ata bisa bana mate takka oro yo u bodu jaga paduwa tuanmu, na ata paurapana MYORI. Nebahinna etaba, gyege numbuna tokko monno cereka wee aneeina barra toddu katowana?" ¹⁷ Saul napandege balii na Daud, bage napanewe, "Liimo ne anagu, Daud?" Nawale Daud, "Liigo, tuanku tokko." ¹⁸ Napa newe dommo, "Appa dommo tuanku bawola lira ga yauwa hamamu? Nehahinna takkana, Appa parawigu? Salah bokalada limmagu? ¹⁹ Nyaka nebahinna, notoge rengnggadi patekki gu yauwa hambamu, tuanku tokko. Banyako MYORI Abujukau, pakalo koi kana dekie bou korban maraka. Takka ba ana ata kowa, haterkutuka hida ata ne arona MYORI, orona hitti ulluna ba wolaga bbadaku kolena toragu wali milikana MYORI, monno patekki, 'Kako eruna, sembah ekako allah eka. ²⁰ Ga i, kadana malegaka raagu tanah deta, na marro wali arona MYORI. orona, tokko Israel na louso tubana kawyatana ngauna bahinnaga, bapa tuddaga ia tawewe kadawu ia lete-ia letena." ²¹ Napanewe Saul, "Ku salah bokalabana. Wali baliu, anagu Daud, yauwa daku rawibana salah Bokala aro barramu, oro ngaugu napa wellie aro matamu ne loddo. Neha hinna takkana, ne parawigu nakabika, monno na li ele takkage daduwa." ²² Nawale Daud, hinna ge, Ne numbumu tuanku! Paka logakoa ia atamu bana pala neme kana dekewe. ²³ MYORI nataudoukoge deluna ne parawina ia ata- ia ata ne abenara monno bana setia, orona MYORI ne loddo bana yau ne limma danagu, takka daku palaaki limma ata paurapana MYORI. ²⁴ Kaupandege, bana pawellie ngaumu ne loddo aro matagu, hinna dommowe bana pawellie aro matana MYORI, monno MYORI napasellaga yauwa wali susah dana. ²⁵ Napanewe Saul aro sagana Daud, "Ma ringngi malalana, anagu Daud. Langngo kaappa-appa parawimu napastiba bana berhasila." Kakobana Daud bana pakitage pakakona, monno Saul nawali balige padouna.