¹ Lawiti. Geileni tubana Muori na geile a bo'una, oronage Ngia na rawige ne kaladana! Limma kawana-Na mono lako-Na a bisa, na tuluda. ² Muori na tekkiwe ne manumara-Na, Na patingoge a bia barra matada ngara dukkada kadukka tana. ³ Ngia lolowe dessa-Na mono manawara-Na barrada i ummada Israel, ngara dukkada uppu tana da ietanage manumarana Marobba Allahda. ⁴ Maringami barrana Muori, ta ngara dukkanage tana, pawaddige li'imi, mono lawitimi! ⁵ Deikaya Muori waini kecapi, waini kecapi mono geile. ⁶ Waini terompet mono kapika, deikaya arona tokko, ngiadona Muori. ⁷ Ga'i kana punniwe bonnu, mono ngara dukkanage i na, ponnu tana mono ne'e a wa'ina dana! ⁸ Ga'i kada pa kapokukadi limmada yidda loko, ga'i kada maringa dobba yidda letena, ⁹ arona Muori, oronage Ngia na mai bana paresawe tana. Na paresawe ponnu tana waige a bia mono kabisu kadukka tana waige keadilan.