1
Muori na paresa ga'i yidda kabisu kadukka tana kada kadaddaka. Na madi'i ne'e ponnu kerub, ga'i kana giddukawe ne tana.
2
Na Muori na kaladana ne'e Sion, da pamadieta-Ni ponnu ngara dukkada kabisu kadukka tana.
3
Ga'i kada deika-Wu mono kaladanage ngara-Mu. Ngia na bisa!
4
Na tokko a kullisa na beige a bia, You tekkiwe a bia, Mu pakakowe a dessa mono a bia barrana Yakub.
5
Pamadietani Muori, Marobba Allahda, mono kawodomi kabu wa'i-Na, Ngia na bisa!
6
Musa dugguda Harun wa'idi barrada yidda rato-Na, Samuel ngiadona iyya ata walina yidda ata a pa ounage ngara-Na. Da pa ouni Muori, mono Na waleyi.
7
Na panewe dengadi ne'e togo pari'i kawuta, da norroge ne patekki-Na mono ne paresa pa yanadi.
8
Oh Muori, Marobba Allahma, Mu waleyi, You dona Marobba Allah a uopidadi sala da, takka a pabali dage ne parawida.
9
Pamadietani Muori, Marobba Allahda, deikaya ne'e togo lete-Na a bisa, oronage Muori, Marobba Allahda bana bisa.