1
Muori a paresa , ga'i ne tana kana maringa, ga'i kada maringa yidda kalibbo.
2
Ne kawuta mono kapotta na woleta-Ni, a bia mono a dessa ngiadowe pu'u padou-Na.
3
Api na kakowe arona, mono ta tunnuyi yidda kamuka barrana.
4
Yidda kagurruka-Na da pamangiewalawe ne ponnu tana, ne tana na ietawe mono na kadaddaka.
5
Yidda letena da lai mirrika lilin we arona Muori, arona Muori ngara dukkada tana.
6
Langita na padukkige a bia, mono ngara dukkada kadukka tana da ietawe sangadi-Na.
7
Ngara dukkada a deikaya allah a ieka da makke, ydda a beidi yidda kasala tou. Deikaya Ngia, ta ngara dukkada allah a ieka!
8
Sion na rengewe mono na maringa, lakawa mawinne Yehuda na maringa, oronage ne paresa-Mu, oh Muori.
9
Oronage You, oh Muori, A Madieta A Majaga wali ngara dukkanage ponnu tana, You louka madieta walina ngara dukkada allah a ieka.
10
Ta you a manawarani Muori, ommana pa beige a buokala! Na karawayi diewada yidda ata bia-Na, Na pasellayi walina limma danada ata a buokala.
11
Ne mangiewala na yadage yidda ata a bia, mono maringa barrada ata a lurrusa atena.
12
Maringami barrana Muori, ta ata a bia, pamalangi nage ngara-Na a bisa.