1
Lawitida anana Korah. Pu'u-Na wa'ige ne'e togo letena a bisa.
2
Muori na beidi yidda binna kalada ne'e Sion, na louka poyi walina ngara dukkada padou madakana Yakub.
3
Ne a kaladana tubamu you da tekkiwe, oh padou-Na Marobba Allah.
4
Yauwa ku tekkiyi Rahab dugguda Babel barrada ata a padde-Ga. Ne a linnana, Filistea, Tirus dugguda Etiopia, "Na ata da padadini ne'eya".
5
Takka, tubana Sion linna, ' Ata Ni'ia mono ata ne'eya da dadi ne'e dana", oronage na A madieta A Majaga ba linna takkage.
6
Muori na yiepadi yidda kadukka tana, ' Na ata na dadi ne'eya"
7
Yidda ata a geile mono da waina seruling lidda, ' Ngara dukkada mata we'egu wa'idi ne'e dana".