¹ Tubada ata a geile : Lawitida anana Korah. Oh Muori, Mu beige ne tana-Mu, Mu pabalige pa parimana Yakub. ² Mu uopiyi sala da ata-Mu, Mu tuodiyi ngara dukkada doku dengada! ³ Mu tengi baliwe ne bani-Mu, Mu bali lira walina ne bani-Mu a wiegara. ⁴ Pabali gama yamme, oh Marobba Allah manumarama, kai balige ne bani-Mu barrama. ⁵ Mu banigama dukki murri wali murri wali ? Mu tengi baliwe ne bani-Mu walina iyya ata iyya ata? ⁶ Dou beimage Bou pamuorika balima, ga'i yidda ata-Mu kada maringa barra-Mu? ⁷ Patingo barrama ne manawara-Mu, oh Muori, mono yagama manumara-Mu. ⁸ Ku beige baku rengewe appana patekkina Marobba Allah. Oronage, bana tekkiwe ne muoli tubada ata-Na, tubada ata-Na a bisa, takka dDou ga'ikadi bada bali ne'e kabangnga dana. ⁹ Ne a linna, manumara-Na da barrage yidda ata a madauta-Ni, ga'i ne sangadi ka iengage ne'e padou da. ¹⁰ Ne manawara mono a bia da pa reggana, ne didara mono muoli da padekki wakkina. ¹¹ Ne manawara na tubbuwe walina tana dana, mono ne a bia na gillakage bawa walina togo langita. ¹² Oh, Muori a yawe ne a dessa, mono ne padou a mangu i na. ¹³ Ne didara na kakowe aro-Na, mono na tauwe ne oro wa'i-Na ne'e lara dana.