1
Tubada ata a geile : Ba waina Gitit. Geilena Daud. Oh Muori, Muori ma, na kaladage ngara-Mu ne ponnu tana! Mu tauwe ne sangadi-Mu ponnu langita.
2
Walina ngada danada lakawa mono lakawa rarra a susu po, Mu tauyi pu'uda yidda kullisa oroda gobba-Mu, ga'i ka tuodiyi kamuka mono a dendam.
3
Baku ietakowe ne langita-Mu, parawina limma-Mu, wulla mono madubbu, patau-Mu padouda.
4
Appanadi yidda ata maka Mu loloyi, moon ana ata maka Mu tuludi?
5
Takka, Mu pa dadidi da kai suodi walina Marobba Allah, mono taudi lado waidi sangadi mono kaladana.
6
Mu yadage bada paresa tubada parawida limma-Mu. Mu tauyi ngara dukkada kabu wa'ina.
7
Ngara dukkada sapi mono lembu, mono ranga ne'e maredda dana.
8
Yidda keila togo langita mono kabokko bonnu dana, mono ngara dukkada a liwe ne bonnu,
9
Oh Muori, Muori ma, na kaladage ngara-Mu ne ponnu tana!