¹ Tubada ata a geile : Ba waina Gitit. Geilena Daud. Oh Muori, Muori ma, na kaladage ngara-Mu ne ponnu tana! Mu tauwe ne sangadi-Mu ponnu langita. ² Walina ngada danada lakawa mono lakawa rarra a susu po, Mu tauyi pu'uda yidda kullisa oroda gobba-Mu, ga'i ka tuodiyi kamuka mono a dendam. ³ Baku ietakowe ne langita-Mu, parawina limma-Mu, wulla mono madubbu, patau-Mu padouda. ⁴ Appanadi yidda ata maka Mu loloyi, moon ana ata maka Mu tuludi? ⁵ Takka, Mu pa dadidi da kai suodi walina Marobba Allah, mono taudi lado waidi sangadi mono kaladana. ⁶ Mu yadage bada paresa tubada parawida limma-Mu. Mu tauyi ngara dukkada kabu wa'ina. ⁷ Ngara dukkada sapi mono lembu, mono ranga ne'e maredda dana. ⁸ Yidda keila togo langita mono kabokko bonnu dana, mono ngara dukkada a liwe ne bonnu, ⁹ Oh Muori, Muori ma, na kaladage ngara-Mu ne ponnu tana!